Skinfaxi - 01.02.1996, Blaðsíða 10

IMWIW
50 metra innilang og
Smáþjoðaleikarnir
Það hefur mikið verið rœtt um byggingu
50 metra innilaugar í tengslum við Smá-
þjóðaleika sem hér fara fram á nœsta ári.
Staðreyndin er sú að SSI lagði mikla
áherslu á að slík laug risi fyrir leikana og
þá var verið að hugsa um að geta haldið
sundkeppnina við mannsœmandi aðstœður.
Það sem mestu máli skipti er að eftir stœði
sundlaug til frambúðar sem hœgt vœri að
nota til œfinga og keppni á komandi
árum.
Það hafa allt of margir haldið að SSÍ
væri að krefjast þess að byggð væri 50
metra laug einungis vegna
Smáþjóðaleikanna, en því fer víðs fjarri,
SSI var fyrst og fremst að hugsa um
framtíðina.
Laugaraðstæður á íslandi eru þannig
að það eru örfáar 25 metra fjögra brauta
innilaugar sem eru orðnar gamlar og eru
barn síns tíma að einni undanskilinni sem
er laugin í Vestmannaeyjum. í þeim eru
aðstæður þannig að ekki er hægt að halda
mót svo sómi sé að. Það vantar pláss fyrir
áhorfendur, keppendur, starfsmenn og
fjölmiðla.
Af útilaugum er nóg af, sérstaklega 25
metra fjögurra eða sex brauta. Það eru
einnig tvær 50 metra, önnur átta brauta
en hin tíu brauta en það segir ekki allt því
nokkrar eru of grunnar og aðrar eru
opnar á hliðarbökkum inn í vaðlaugar
sem orsakar að flestar eru ólöglegar til
keppni.
Það sem vegur þó þyngst í öllu þessu er
að keppa í útilaug hér á landi er ófært í
bókstaflegum skilningi vegna veðurs sem
er ekki það hagstæðasta fyrir sundfólkið.
Það er í sjálfu sér allt í lagi að æfa í útilaug
þó svo að það sé ekkert spennandi að
mæta í laug klukkan 5:30 á köldum
vetrardegi eins og sundfólkið gerir. Þegar
til keppni kemur eru allt önnur viðhorf,
venjulegt mót tekur um þrjá tíma hvor
lrluti, þ.e.a.s. 6 tímar á dag. Sundfólkið er
með viðveru á köldurn mótsstað allan
tímann. Það vita allir, sem eitthvað hafa
komið nálægt íþróttum, um mikilvægi
þess að hita upp fyrir keppni.
Sundmennirnir þurfa einnig að hita upp
en þeir geta einungis gert það fyrir mótið,
síðan verða þeir að halda sér heiturn út
mótið. Að halda sér heitum getur verið
erfitt þar sem þau keppa tvisvar til
þrisvar í hvorum hluta ásamt því að mæta
til verðlaunaafhendingar ef til þess
kemur.
Helstu staðreyndir þessa máls eru, að
aðstæður til alþjóðlegrar keppni eru ekki
fyrir hendi á Islandi. Sem dæmi um það
er að við getum ekki einu sinni haldið
Unglingameistaramót norðurlanda.
Sundfólkið á ekki möguleika á að ná
lágmörkum hér á landi í 50 metra laug
vegna þess að ekki er keppt í útilaugum
yfir vetrarmánuðina þegar þau þurfa að
ná lágmörkum. Reynt hefur verið að
koma hér á alþjóðlegri keppni með
miklum tilkostnaði og hingað hafa kornið
nokkrir góðir erlendir sundmenn en þeir
komu bara einu sinni því þeir fengu nóg
og sögðust ekki koma aftur því þetta
væru ekki aðstæður til að keppa í.
Ég vona að þessi skrif auki skilning
fólks á því hvers vegna þörf sé á 50 metra
innilaug sem ekki einungis myndi nýtast
íþróttinni heldur einnig fötluðum,
öldruðum og skólafólki. Þó virðist sem
svo að þeir sem helst ættu að skilja þetta,
daufheyrast við óskum okkar.
Að lokum vil ég furða mig á skrifum
sumra áhangenda annarra íþróttagreina
að þurfa alltaf að níða skóinn af öðrum til
þess að upphefja eigin grein í baráttunni
fyrir bættum mannvirkjum.
Með sundkveðju
fatáttfíOk
formaður SSÍ
ÚR& SKART
Bankastræti 6 • 5ími 551 8600
10 Skinfaxi