Skinfaxi - 01.10.1997, Side 21

V
Þjónar starfsemi UMFI tilgangi?
Páll Pétursson
Hefurðu fylgst með starfsemi UMFÍ?
Já ég hef gert það, með einhverjum hætti að minnsta
kosti. Ég var í Ungmennafélagi Svínahrepps hér í gamla
daga og hef svo frá þeim tíma hef ég fylgst með starfsemi
UMFÍ Ég hef einnig reynt að vera UMFÍ innan handar
meðal annars við fjárlagagerð og þingstörf.”
Hefur svona hreyfing einhvern tilgang að þínu mati?
„Ekki nokkur spurning. Hún hefur afar mikið uppeldislegt
gildi og margvísleg starfsemi sem fer fram á vegum UMFÍ
er mikilvæg fyrir þá sem taka þátt.”
Er svona hreyfing mikilvæg fyrir þjóðfélagið?
„Það tel ég vera.“
Guðjón Guðmundsson
Hefurðu fylgst meðstarfsemi UMFÍ í
gegnum tíðina?
„Já, það hef ég gert. Ég hef fylgst með
ungmennafélagsmótum og einnig því
mikla starfi sem
ungmennafélagshreyfingin hefur unnið á
sviði vímuefnavarna fyrir íslenska
íþróttamenn og íslenskan æskulýð.”
Hvaða tilgang hefur slík hreyfing?
„Hún hefur gríðalegt uppeldislegt gildi.
Því miður finnst mér allra síðustu ár að
íslensk stjórnvöld hafi ekki gefið
ungmennafélagshreyfingunnni
nægilegan góðan gaum og alls ekki veitt
henni næginlega mikla styrki til að geta
rekið sig á eðlilegan hátt.”
Finnst þér hún eitthvað frekar hafa
setið á hakanum miðað við önnur
félagasamtök?
„Nei, ég get ekki sagt það. Mér finnst í
raun öll íþróttahreyfingin bera dálítið
skertan hlut frá borði vegna þessa
uppeldisstarf sem hún rekur og sér í lagi
vegna þess að þetta er sláandi í öllum
þeim könnunum sem við höfum séð á
undanförnum árum til að mynda gerða
af Háskóla íslands.”
Er svona hreyfing nauðsynieg fyrir
þjóðfélagið?
„Já ég held það. Ef það væri ekki
ungmennafélags- og íþróttahreyfing þá
væri ekki fyrir það fyrsta gaman að lifa
a m.k. ekki í okkar þjóðfélagi. Og ég
spyr bara, hvað myndu börnin okkar
gera þá?“
Þjónar starfsemi UMFI tilgangi?
21