Skinfaxi - 01.02.1998, Page 2

Islendingar kurteisari
Það þarf ekki að kynna
ungmennaféíagann Kristinn
Björnsson fyrir íslensku
þjóðinni. Þessi ungi Ólafs-
firðingur hefur náð frábærum
árangri á svigmótum út um
allan heim og er í dag komin í
raðir þeirra bestu.
Undrandi yfir um-
stanginu
Það er alltaf mjög skemmtilegt að
koma heim en ég verð nú að viður-
kenna að ég er mjög undrandi yfir því
umstangi sem hefur verið í kringum
mig hér. Ég er ekki ennþá orðinn
vanur því að fólk labbi upp að mér og
biðji um eiginhandaráritun.
Áhugi landans
Texti: Jóhann Ingi
Myndir: Sigurjón Ragnar
Auðvitað er gaman að koma heim og
finna fyrir því að öll íslenska þjóðin
stendur við bakið á mér. Ég vona að
ég geti rifið upp áhugan á skíðaíþrótt-
inni hérna heima og ef þaö tekst er ég
mjög ánægður.
íslendingar kurteisari
Það er ekki nýjung fyrir mig að gefa
eiginhandaráritanir en það er mjög
mikið um það á heimsbikarmótunum.
Ég tek hins vegar eftir því hér á landi
að íslendingar eru miklu kurteisari
þegar þeir biðja um eíginhandarárit-
anir heldur en fólkið á mótunum er-
lendis.
Ætlast til að ég skrifi
Margir útlendingar eru mjög að-
gangsharðir og hreinlega ætlast til aö
maður gefi þeim eiginhandaráritun.
Hér á íslandi eru hins vegar allir mjög
kurteisir og þakka fyrir sig.
Tek sénsinn
Svigið er þannig að maður verður að
taka sénsinn. Ég gef yfirleitt allt í og
svo koma auðvitað dagar sem maður
dettur. Það má alveg rosalega lítið út
af bera í sviginu og það er lítill munur
á keppendum í fyrstu sætunum.
Svekkjandi að detta
Það er auðvitað mjög svekkjandi að
detta en þeir sem fylgjast með skíð-
um vita að smá místök geta valdið því
að einstaklingur komi síðastur í mark
eöa jafnvel falli út. Maður verður að
passa sig að velta sér ekki upp úr
þeim hlutum of lengi og einblína frek-
ar á það sem framundan er.
Oröinn „frægur"
Ég veit nú ekki hvort ég eigi að segja
að ég sé orðinn frægur - ég finn per-
sónulega mjög lítið fyrir því. Ég verð
hins vegar að viðurkenna það að að-
staðan hjá mér hefur breyst mikið og
ég er mjög ánægður með þá athygli
og velvild sem íslenska þjóðin hefur
sýnt mér. Ég er orðlaus yfir áhuga
þjóðarinnar á mér.
Niður á jörðina
Ég geri mér grein fyrir því að íslenska
þjóðin ætlast til mikis af mér í framtíð-
inni. Ég hef náð góðum árangri á
heimsbikarmótunum og það setur
kannski óþarfa pressu á mig hvað
varðar framhaldið. Ég vil hins vegar
ná fólki niður á jörðina - skíðaíþróttin
er mjög erfið og það má lítið út af
bera ef ekki á illa að fara.
Stór mót
(slendingar gera sér enga grein fyrir
því hversu stór mót heimsbikarmótín
eru. Það hefur hjálpað mér mikið að
ná svona góðum árangri á nokkrum
mótum og í dag veit ég að allt getur
gerst. Ég er alveg jafn góður og
þessir bestu og ég get keppt við þá
hvar sem er og hvenær sem er.
Gapti ekki
Sú staðreynd að ég sé að keppa við
menn eins og Alberto Tomba er
kannski frekar skemmtileg tilfinning
en skrítin. Það var auðvitað skrítið
fyrst að sjá alla þessa frægustu skíða-
menn heims en ég stóð hins vegar
ekki og gapti á þá.
Ekki ríkur
Styrkurinn sem ég fékk frá Afreks-
mannasjóði ÍSÍ mun hjálpa mér við
undirbúninginn fyrir HM'99 og ég er
mjög þakklátur fyrir framlagið en ég
er ekki orðinn ríkur. Ég verð hins veg-
ar að viðurkenna að ég er ekki f alla
staði sáttur við vinnureglur Afreks-
mannasjóðsins og þeim mætti breyta.