Skinfaxi - 01.02.1998, Page 30

Jafnstór og Stockton
Albert Óskarsson fyrrum körfuboltamaöur hjá Keflavík
var einn af hærri leikmönnum DHL-deildarinnar þegar hann
lék hér á landi. Albert er nú við nám í Bandaríkjunum þar
sem hann hyggst læra flugvirkjun og svo gæti jafnvel farið
að hann léki körfubolta þar í NIAI-háskóladeildinni þar sem
Scottie Pippen steig meðal annars sín fyrstu skref. En yrði
Albert einn af „stóru" strákunum í liðinu þar líkt og hann var
hér heima?
„Ég er nú þokkalega stór miða við strákana í skólanum
mínum. Það er hins vegar skrítið að bera sig saman við
leikmennina í NBA-deildinni þar sem ég er jafn stór og leik-
stjórnendurnir; John Stockton, Steve Kerr og Mark Price en
þessir kappar virðist mjög litlir inn á milli stóru karlana í
NBA. í minni stöðu verður þú helst að vera yfir tveir metr-
ar ef þú ætlar þér langt í Bandaríkjunum."
Viltu halda á vit ævintýra
Ungmennafélag íslands er í samstarfi við 4H-samtökin í Noregi og
Svíþjóð um ungmennaskipti á sumrin. 4H félögin bjóða einu ungmenni frá
hvoru landi til þriggja mánaöa dvalar yfir sumarið. Ungmennafélag íslands
býður einu íslensku ungmenni til hvors lands til þriggja mánaðar dvalar
bæði í Svíþjóð og Noregi þeim að kostnaðarlausu.
Þessi skipti hafa gengið ákaflega vel og þátttakendur verið mjög
ánægðir. Þátttakendur lenda í ýmsum ævintýrum, kynnast mörgu og koma
heim reynslunni ríkari. Ungmennin dvelja á nokkrum heimilum yfir sumarið
og taka þátt í lífi og starfi fjölskyldnanna, auk þess sem farið er á námskeið,
landsmót 4H-samtakanna, útilegur og í kynnisferðir.
Þátttakendur greiða sjálfir fargjaldið milli landa, en dvölin er ókeypis.
Hér með er auglýst eftir ungmennum til þátttöku í skiptunum. Ef þú ert 17-
25 ára og hefur áhuga á að dvelja þér að kostnaðarlausu í þrjá mánuði í
Noregi eða Svíþjóð næsta sumar, þá skaltu athuga máliö.
Umsóknarfrestur er til 1. apríl 1998. Allar nánari upplýsingar fást í
þjónustumiðstöð UMFÍ Fellsmúla 26 í síma 568-2929.
Þá leitar UMFÍ eftir heimilum á íslandi sem vildu hýsa gest frá Noregi eða
Svíþjóð í 3-4 vikur sumarið 1998.
Breiðablik í Adidas
Breiðablik í Kópavogi og Adidas-umboðið
undirrituðu nýverið samning um notkun
félagsins á búningum frá Adidas.
Samningurinn telst til tíðinda þar sem
aðalstjórn Breiðabliks gerir rammasamning
við umboðið og nær allar deildir fylgja
honum síðan eftir meö sérsamningi.
Markmiö Breiðabliks var að ná heildar-
samningi sem tryggir samhæft útlit allra
deilda félagsins og jafnframt hagstætt verð
á búningum fyrir keppendur sem og
almenna stuðningsmenn félagsins. i sér-
samningi deilda er auk ákvæði um búninga,
kveðiö á um fjárhagsstuðning Adidas-
umboðsins viö deildirnar.
Fréttatilkynning
30
j