Skinfaxi - 01.08.2002, Qupperneq 38

Kjartan P. Einarsson
Unglingalandsmót UMFÍ fór fram í Stykkishóimi
um verslunarmannahelgina og var vel látið af
mótinu þótt veðurguðirnir hafi ekki leikið við
landsmótsgesti. Aldrei hafa fleiri tekið þátt í
mótinu, en rúmlega 6000 manns voru á svæðinu
þegar mest var. Þetta er annað skiptið í röð sem
Unglingalandsmótið fer fram um verslunarmanna-
helgi og var áfengisbindindi á mótinu. Með
þessari tímasetningu og reglum er UMFÍ að vinna
ákveðið forvarnastarf, sem mótsgestum líkaði
vel. Kjartan Páll Einarsson var formaður
Unglingalandsmótsnefndar og Valdimar
Kristófersson heyrði hljóðið í honum eftir mótið.
Allir skemmtu sér vel ,
þrátt fyrir rigninguna
Ákveðið forvarnastarf í gangi
Ertu ánægður með útkomu unglinga-
landsmótsins?
„Já, ég er ánægður með hvernig tókst til
með framkvæmd og þátttöku, það skemm-
tu sér allir vel þrátt fyrir að við fengjum mik-
la rigningu á sunnudeginum."
Þetta er í fimmta skipti sem mótið er
haldið og annað skiptið í röð sem það
fer fram um verslunarmannahelgi. Af
hverju þessa helgi?
„Það felst í því mikil ögrun fyrir Ungmenna-
félagshreyfinguna að bjóða upp á mót sem
byggist upp á þátttöku i íþróttum og ýmiss
konar afþreyingu um verslunarmannahelgi.
Þessa helgi hefur starfsemi innan íþrótta-
og ungmennafélagshreyfingarinnar legið
niðri í gegnum tíðina.“
Nú er þetta fjölskylduskemmtun og þið
hvöttuð foreldra, ömmur og afa til að
mæta. Það hafa allir fundið eitthvað við
sitt hæfi?
„Það var margt í gangi, barnaleiksýningar
íslandsleikhússins, leiktæki, leikir og þraut-
ir, Gokart, kajaksiglingar, gönguferð á
Drápuhlíðarfjall, undir leiðsögn Haraldar
Arnar Ólafssonar pólfara, dansleikir og
kvöldvaka, siglingar um Breiðafjörð með
Sæferðum auk annarra fastra afþreyingar-
möguleika á Snæfellsnesi."
Og þið fenguð margt þekkt fólk til að
láta Ijóst sitt skína á mótinu?
„Já, það voru margir sem komu að mótinu,
bæði þekktir og minna þekktir. Rúnar og
Selma stjórnuðu kvöldvökunni og Haraldur
Örn fór með góðan hóp á Drápuhlíðarfjall,
annars er það ekki frægðin sem skiptir máli
á hátíð sem þessari, heldur að sem flestir
finni eitthvað við sitt hæfi og fjölskyldan
njóti stundarinnar."
Unglingalandsmótið frábær
valkostur fyrir fjölskyldufólk
Nú var öll áfengisneysla bönnuð á
svæðinu á meðan á mótinu stóð. Þið
eruð að vinna ákveðið forvarnastarf.
Hvernig tókst það?
„Það tókst mjög vel, engin vandamál, auð-
vitað eru alltaf einhverjar undantekningar
en lögregla og björgunarsveitarmenn, sem
sáu um gæslu, geta vitnað um það að
hátíðin fór vel fram og framkoma gesta var
til fyrirmyndar. Við teljum að Unglinga-
landsmótið sé frábær valkostur fyrir fjöl-
skyldufólk sem vill skemmta sér á
heilbrigðan hátt án vímuefna um verslunar-
mannahelgina ár hvert.“
Hvað með foreldrana og eldra fólkið,
stóð það sína pligt? „Framkoma þeirra
fullorðnu var til fyrirmyndar, engin ölvun og
því þótti ýmsum fjölmiðlum lítið vera að
frétta frá mótinu - enginn skandall í gangi.“
Annað unglingalandsmót að ári?
Nú er unglingalandsmótið haldið á
tveggja ára fresti - er ekki ástæða til að
vera með mótið á hverju ári þar sem fólk
er svona ánægt með þetta?
„Stjórn UMFÍ hefur ákveðið að leggja tillögu
fyrir sambandsráðsfund þann 19. október
nk. um að Unglingalandsmót verði haldið
um verslunarmannahelgi árið 2003 og
auglýst verði eftir mótshaldara. Ég tel
tvímælalaust að Ungmennafélagshreyf-
ingin eigi að standa fyrir móti sem þessu
árlega, við þurfum að skoða nánar hvernig
við viljum byggja mótið upp. Ég tel að við
eigum að auka hlut afþreyingar á mótinu
fyrir alla aldurshópa þannig að Unglinga-
landsmótið vinni sér sess sem glæsileg
fjölskylduhátíð sem Ungmennafélagshreyf-
ingin getur verið stolt af.“