Skinfaxi - 01.08.2003, Blaðsíða 23

Finnbogi Kristinsson
í Kópavoginu er vinnustaður er
nefnist Fjölsmiðjan. Þar starfa rúm-
lega 30 krakkar á aldrinum 16 til 24
ára. Þetta eru allt krakkar sem hefur
orðið fótaskortur í lífinu, ekki fundið
sig í skóla eða lent í vímuefnaneyslu
og vandræðum. í Fjölsmiðjunni hafa
þau tækifæri til að fóta sig, endur-
heimta sjálfstraustið og finna sér
fastan sess í lífinu. Það er Rauði
krossinn og Vinnumálastofnun rík-
isins sem eru burðarásar í starfsemi
Fjölsmiðjunnar. Þar eru sjö starfs-
menn og er Finnbogi Kristinsson
einn þeirra en hann sér um tölvu- og
pökkunardeild Fjölsmiðjunnar. Skin-
faxi leit við í Fjölsmiðjunni en þá var
þar frekar tómlegt um að litast enda
krakkarnir og starfsmenn í sumarfríi.
Við erum með um 130 krakka á
biðlista sem bíða eftir að komast að
- segir Finnbogi Kristinsson starfsmaður Fjölsmiðjunnar
Mikil aðsókn í Fjölsmiðjuna
Hvernig stóð á því að Fjölsmiðjan var
opnuð - hvaðan kom hugmyndin?
„Fjölsmiðjan fór af stað í október árið 2001.
Hún er rekið að danskri fyrirmynd en þar í
landi er fullt af samskonar vinnustöðum.
Það var Ásgeir Jóhannesson fyrrverandi
stjórnformaður Fjölsmiðjunnar sem kom
þessu af stað en það er Rauði krossin og
Vinnumálastofnun sem standa á bak við
þetta. Þá koma sveitarfélögin að rekstr-
inum og svo er ákveðin framlegð á stað-
num þar sem fyrirtæki kaupa af okkur
ákveðna þjónustu."
Er mikil þörf fyrir slíkan vinnustað hér á
•andi? ,,Já, hún er gríðarleg. Við erum
nteð um 130 krakka á biðlista hjá okkur
sem bíða eftir að komast að. Það er mjög
stöðug aðsókn að Fjölsmiðjunni. Krakkarnir
þurfa mis langan tíma. Sumir krakkarnir eru
upp undir tvö ár sem er hámarkstími hjá
°kkur. Að þeim tíma liðnum teljum við okkur
vera búin að gefa þeim allt sem við getum.
Flestir eru í mikið skemmri tíma.“
Hvaða krakkar eru það sem koma til
ykkar?
,,Þetta eru krakkar sem hafa ekki náð
fótfestu í námi, á vinnumarkaði, og sum
þeirra eru að koma úr neyslu með mikla
neyslusögu að baki.“
Og það eru bæði strákar og stelpur í
vinnu hjá ykkur?
,,Já, þetta er bara almennur vinnustaður
þannig að okkur er stætt á því að vera með
bæði kynin.“
Fá tækifæri til að Ijúka
grunnskólaprófi
Hvað eru þið að reyna að gera fyrir
krakkana sem koma til ykkar í Fjöl-
smiðjuna?
,,Við erum að reyna að útskrifa þau héðan
þannig að þau séu tilbúin að takast á við
lífið í einhverri mynd t.d. með því að fara
aftur í skóla eða inn á vinnumarkaðinn. Það
er fjöldi krakka sem kemur til okkar sem
hefur ekki lokið grunnskólaprófi og er
jafnvel með lesblindu og skriftarörðugleika
og eiga við ýmis vandamál að etja. Hjá
okkur fá þau t.a.m. mikinn stuðning við
kennsluna og tækifæri til að Ijúka grunn-
skólaprófinu í gegnum Námsflokkana. Þótt
þau séu farin héðan þá geta þau leitað til
okkar og fengið áframhaldandi stuðning til
að Ijúka grunnskólaprófinu."
Hvað fer fram innan veggja Fjölsmið-
junnar?
,,Það er nokkuð fjölbreytt starf sem fer
hérna fram. Eitt hlutverkið hérna er að veita
þeim aðstoð og kennslu sem gerir þau
hæfari til að halda áfram í námi. Einnig er
þeim hjálpað við að undirbúa sig fyrir
bílprófið og fleira. Þá erum við með
trésmíðaverkstæði hérna og þar eru nemar
sem vinna að ýmsum verkefnum. Þeir hafa
síðan farið í framhaldsnám í trésmiði eða
beint út á vinnumarkaðinn. Það eru t.d.
tveir einstaklingar hjá okkur sem eru í tré-
smíðanámi og þeir koma hingað til að fá
stuðning og undirbúa sig fyrir bóklega
námið. Krakkarnir vinna við þrif og bón fyrir
þriðja aðila og við erum með eldhús sem er
rekið eins og hver annar vinnustaður. Þá