Skinfaxi - 01.08.2003, Blaðsíða 26

Ásthildur Helgadóttir
Það fer ekki á milli mála að Ásthildur Helgadóttir knattspyrnukona úr KR
og landsleikjahæsti leikmaður íslenska landsliðsins er ein besta ef ekki
sú besta knattspyrnukona sem ísland hefur átt. Þessi 27 ára gamla
stúlka hefur unnið allt sem hún getur mögulega unnið hér á landi enda
státar hún af átta íslandsmeistaratitlum og fjóum bikarmeistartitlum.
Tvisvar hefur hún verið valin leikmaður ársins og síðast í fyrra. Þegar
íslandsmótið í knattspyrnu er rúmlega hálfnað standa KR-stúlkur vel að
vígi en þær tróni á toppi deildarinnar og virðast vera komnar langleiðina
með að verja íslandsmeistaratitilinn sem þær unnu í fyrra. En ætli
íslandsmótið sé búið f augum Ásthildar?
Þessi ólöglegu efni eru hættuleg og
menn sýna mikið dómgreindarleysi
og fáfræði ef þeir eru að taka þau
- segir Ásthildur Helgadóttir fremsta knattspyrnukona landsins
,,Nei, alls ekki. Ég er ekki tilbúin að viðurkenna það.. Það
er nóg eftir af mótinu og efstu liðin eiga eftir að leika
innbyrðis. Það getur því allt gerst enn þá og getur farið
svo að úrslitin ráðist ekki fyrr en í síðust umferð.'1
Hvað finnst þér um íslandsmótið það sem af er? ,,Það
er búið að vera skemmtilegt. Það hefur verið meiri keppni
en oft áður og efstu fjögur liðin í deildinni eru nokkuð jöfn.
Við erum t.a.m. dottnar út úr bikarnum sem má kannski
teljast óvænt. Deildin er reyndar tvískipt og hin fjögur liðin
sem eru í neðri hluta deildarinnar hafa verið að eflast eins
og t.d. FH.“
Liðið hefur verið að gera ótrúlega hluti
Nú hafið þið verið að missa stelpur milli ára og í
meiðsli núna í ár. Áttirðu von á ykkur svona sterkum
þetta sumar? ,,Mér finnst liðið okkar hafa gert ótrúlega
góða hluti miðað við miklar breytingar og svo höfum við
misst marga leikmenn í meiðsli t.d. eru fjórar í með slitin
krossbönd. Við höfum því stöðugt þurft að breyta liðinu á
milli leikja en samt náð góðum úrslitum. Það er bara
óskandi að við náum að klára þetta.“
Eins og þú segir er deildin tvískipt og oft sjást stórar tölur þegar
sterkari liðin leika við þau lakari. Vantar ekki fleiri sterk lið þannig að
kvennaknattspyrnan eflist? „Jú, það væri betra fyrir boltann en eins og
ég sagði þá hafa lakari liðin verið að styrkjast og vonandi halda þau áfram
sínu striki og nálgast toppliðin. Það hefur verið í umræðunni lengi að
breyta deildinni þannig að allir leikirnir séu erfiðir. Það hefur því miður ekki
fundist nein almennileg lausn án þess að hún bitni á lakari liðunum og ég
sé ekki alveg í hendi mér hvað hægt er að gera. Það er samt voðalega
leiðinlegt fyrir alla aðila þ.e.a.s. bæði liðin og áhorfendur þegar leikirnir eru
að vinnast með einhverjum fimm til átta mörkum.“
Hvað með kvennaboltann í heildina er hann að styrkjast? „Já, ég tel
það. Sérstaklega eftir að landsliðinu fór að ganga svona vel sem varð til
þess að áhorfendum hefur fjölgað og fjölmiðlaumfjöllunin hefur orðið meiri.
Áhuginn hefur því almennt aukist fyrir kvennaboltanum og einnig hjá ungu
stúlkunum sem eru að æfa fótbolta auk þess sem æfingarnar eru orðnar
mun markvissari en áður sem skilar vonandi fleiri og betri stelpum upp í
meistaraflokka félaganna."
Möguleikarnir fyrir stelpurnar orðnir miklir
Brottfailið úr kvennaboltanum hefur verið mikið á meðal stúlkna sem
eru rétt komnar yfir tvítugt og eiga sín bestu ár eftir. Þetta hefur