Skinfaxi - 01.02.2006, Side 27

Ungmennafélagið Baldur í Hraungerðishreppi:
Ungmennafélagið
Baldur í Hraun-
gerðishreppi
var stofnað 8. júní 1908 og
starfaði af krafti fyrstu árin.
Félagið átti erfitt uppdráttar á
tímabilinu 1916-1927, en starf
þess lá þá niðri. Á þessum tíma
vantaði sárlega samkomuhús
en árið 1927 var reist félags-
heimili í sveitinni sem gefið var
nafnið Þingborg og varð það til
þess að félagið tók til starfa aft-
ur og hefur starfað óslitið
síðan. Félagið starfar nú eins
og áður undir slagorðinu:
„Ræktun lýðs og lands."Einbúi
er landspilda í eigu félagsins.
Þetta er útivistarsvæði í
Oddgeirshólaklettum sem
Guðmundur Sigurðsson í
Austurkoti gaf félaginu árið
1931. Ungmennafélagar hafa
unnið af kappi við að gera
svæðið að fallegu íþrótta- og
útivistarsvæði, m.a. með
hleðslu palla og gróðursetn-
ingu skjólbelta.
íþróttir
Eitt meginviðfangsefni félags-
ins er að halda uppi öflugu
íþróttastarfi. Frjálsar íþróttir
eru mest stundaðar innan
félagsins. Æfingar eru einu
sinni í viku og skipt er í eldri
og yngri flokka. Á veturna
eru æfingar í félagsheimilinu
Þingborg en á sumrin eru þær
í Einbúa. Á sumrin eru einnig
fótboltaæfingar einu sinni
til tvisvar í viku og mæta þá
krakkar og fullorðnir og spila
sér til gamans. Ýmis mót eru
haldin bæði á veturna og
sumrin, svo sem Þingborgar-
mót, Flóamót og Baldurs- og
Skeiðamót. Mótin eru fyrst og
fremst haldin til að efla kynni
milli félaga og allir hafi gaman
af. Skákæfingar eru stundaðar
öðru hverju innan félagsins.
Einnig hafa verið stundaðar
körfubolti, glíma, borðtennis
og fleiri greinar.
Félagsmál
Mikið er lagt upp úr að efla
félagslegan þroska einstakl-
ingsins. Umf. Baldur sér um
árlegt þorrablót í sveitinni í
samvinnu við nágranna okkar
í Sandvíkurhreppi. Venja er að
annálar sveitanna séu samdir
og fluttir af skemmtinefndar-
fólki. Á vorin heldur félagið
hestamannakaffi. Þá kemurfólk
ríðandi, akandi eða gangandi
og kaupir sér kaffimeðlæti og
skrafar saman. Oft verða
skemmtilegar umræður yfir
kakóbollanum. Flestamanna-
kaffi og þorrablót eru stærstu
fjáröflunarsamkomur félagsins.
Fleiri samkomur eru haldnar,
svo sem vorfagnaður, en þar
er slegið á létta strengi og
vorinu fagnað. Fialdin er hátíð
á þjóðhátíðardaginn. Það var
fyrst gert 1957. Þar er flutt
hátíðarræða, fjallkona kemur
fram og farið er í ýmsa leiki.
Jólavaka og þrettándagleði
eru haldin á hverju ári og hefur
það verið gert í samvinnu við
Þingborgarskóla. Oft hafa ver-
ið haldin námskeið, svo sem
dansnámskeið og félagsmála-
námskeið. Fyrr á árum voru sett
upp leikrit, oft í samstarfi við
nágrannafélögin. Gönguferðir,
útilegur, skemmtiferðir og
samkomuhald af ýmsu tagi eru
dæmi um sívinsæl verkefni.
Framleiðum barmmerki
í öllum stærðum og
gerðum
Mikið úrval af bikurum
og verðlaunapeningum
Verið velkomin í verslun
okkar að Síðumúla 17
eða hafið samband í
síma 588-3244
Fax 588-3246
email: isspor@simnet.is
SKINFAXI - tímarit Ungmannafélags íslands 27