Skinfaxi - 01.08.2008, Blaðsíða 12

Unglingalandsmótið
201 Oá Hólmavík
Á Unglingalandsmótinu í Þorlákshöfn
var tilkynnt hvar 13. Unglingalandsmót
UMF( yrði haldið. Fjórir staðir sóttu um
að halda mótið og ríkti mikil eftirvænt-
ing um það hvaða staður yrði fyrir
valinu. Stjórn UMF( komst að þeirri
niðurstöðu að mótið 2010 yrði haldið
á Hólmavík en það var Helga Guðrún
Guðjónsdóttir, formaður UMFf, sem
tilkynnti þetta á setningarathöfn móts-
ins í Þorlákshöfn.
Næsta Unglingalandsmót, og það
12. í röðinni, verður hins vegar haldið á
Grundarfirði árið 2009 og er undirbún-
ingur fyrir það þegar hafinn.
Helga Guðrún Guðjónsdóttir, for-
maður UMF(,og Sæmundur Runólfsson,
framkvæmdastjóri UMFÍ, hittu á dög-
unum sveitarstjórnarmenn á Hólmavík
og stjórnarmenn úr HSS á fyrsta undir-
búningsfundi fyrir mótið, þar sem rætt
var m.a. um skipun í nefndir. Einnig var
farið yfir helstu þætti við framkvæmd
mótsins.
Vígsluathöfn nýrra
íþróttamannvirkja
í Þorlákshöfn
Þann 31. júlí í sumar fór fram vígslu-
athöfn nýrra íþróttamannvirkja í Þor-
lákshöfn. Þorgerður Katrín Gunnars-
dóttir, menntamálaráðherra, og Ólafur
Áki Ragnarsson, bæjarstjóri í Þorláks-
höfn, klipptu á borðann og tóku þar með
mannvirkin formlega í notkun. Hjörtur
Már Ingvarsson, sundmaður, tók fyrsta
sundsprettinn í nýju 25 metra lauginni.
Nýja íþróttavellinum var gefið nafn og
heitir hann Þorláksvöllur.
Fjölmenni var við athöfnina og fluttu
m.a. Þorgerður Katrín Gunnarsdóttir,
Guðni Ágústsson, alþingismaður, og
Helga Guðrún Guðjónsdóttir, formaður
UMFÍ, ávörp. Séra Baldur Kristjánsson
blessaði nýja mannvirkið.
Sigurðarbikarinn afhentur í fyrsta
sinn til minningar um Sigurð Geirdal
í mótslok á Unglingalandsmótinu í Þor-
lákshöfn afhenti Helga Guðrún Guðjóns-
dóttir, formaður UMFÍ, Sigurðarbikar-
inn í fyrsta skipti en hann er gefinn til
minningar um Sigurð Geirdal, fyrrver-
andi framkvæmdastjóra UMFÍ.
Gefendur voru Hafsteinn Þorvalds-
son, fyrrverandi formaður UMFÍ, og
Jónas Ingimundarson, fyrsti formaður
Ungmennafélagsins Þórs í Þorlákshöfn,
sem stofnað var 1960. Bikarinn skal
afhentur í mótslok því héraðssambandi
sem heldur Unglingalandsmót hverju
sinni. Bikarinn verður því í varðveislu
HSK fram að næsta móti sem haldið
verður í Grundarfirði.
Gísli Páll Pálsson, formaður HSK,
og Ragnar Sigurðsson, formaður
Unglingalandsmótsnefndar í Þor-
lákshöfn, með Sigurðarbikarinn
sem verður í varðveislu HSK fram
að næsta Unglingalandsmóti sem
haldið verður í Grundarfirði að ári.
12. Unglingalandsmót UMFÍ í Grundarfirði:
Framkvæmdum miðar vel áfram
Framkvæmdum við mannvirkjagerð
fyrir 12. Unglingalandsmót UMFl í
Grundarfirði næsta surnar miðar vel
og eru þær vel á áætlun, að sögn Jóns
Péturs Péturssonar, starfsmanns fram-
kvæmdanefndar Grundarfjarðarbæjar
vegna mótsins. Þessa dagana er einmitt
verið að ganga frá útboðsgögnum
vegna dýrasta hluta framkvæmdanna,
gerð frjálsíþróttavallarins. Áætlanir
gera ráð fyrir að gengið verði frá undir-
lagi fyrir völlinn í haust og að gervi-
efni verði síðan lagt á brautir og
keppnissvæði við völlinn næsta vor.
I sumar hefur verið unnið að mótun
fjögurra knattspyrnuvalla fyrir keppina
á Unglingalandsmótinu en þar er keppt
í sjö manna liðum. Verið er að leggja
þökur á þessa velli sem eru steinsnar frá
aðalleikvanginum. Vellirnir verða þó
einungis nýttir fyrir knattspyrnu á lands-
mótinu þar sem þeir verða skrúðgarðs-
og tjaldsvæði í framtíðarskipuiagi.
Að sögn Jóns Péturs eru þrjú stór verk-
efni sem unnið er að þetta árið; knatt-
spyrnuvellirnir, byrjunarframkvæmdir
1S.UNGUNBA
LANDSMÓT
UMFl
við frjálsíþróttavöll og mótokross-
braut. Svæði fyrir mótokrossbrautina
var úthlutað fyrir skömmu við Hrafn-
kelsstaðabotn í Kolgrafafirði.
Jón Pétur segir að kappkostað sé að
Unglingalandsmótið, sem fram fer
um verslunarmannahelgina næsta
sumar, verði mikil fjölskylduhátíð og
að íþróttakeppnin fari að mestu fram
á og við íþróttaleikvanginn. Það sé
aðeins keppni í golfi og mótokrossi
sem verði spölkorn frá aðalmótssvæð-
inu. Reiðvöllurinn við liesthúsaliverf-
ið, þar sem keppni í hestaíþróttum fer
fram, sé stutt frá íþróttasvæðinu.
12 SKINFAXI - tímarit Ungmennafélags (slands