Skinfaxi - 01.08.2008, Qupperneq 20

Frjálsíþróttaskóli UMFÍ
haldinn í fyrsta sinn
Frjálsíþróttaskóli UMFÍ var haldinn á
þremur stöðum dagana 7.-11. júlí, i
Borgarnesi, á Sauðárkróki og Egilsstöð-
um. Þetta var í fyrsta skipti sem UMFl
heldur þessu verkefni úti og var það
gert í samvinnu við Frjálsíþróttasam-
band íslands. Þátttakendur voru mjög
ánægðir og miðað við hvernig til tókst
má ljóst vera að þetta verkefni verður í
boði næsta sumar.
Ekki náðist næg þátttaka á öðrum
stöðum, s.s. Vík í Mýrdal, ísafirði og
Laugum í Reykjadal, og var skráðum
krökkum á þá staði boðið að færa sig á
einhvern þessara þriggja staða sem
flestir þáðu. Þátttakendur í Borgarnesi
voru 23, á Sauðárkróki 19 og 14 á Egils-
stöðum.
Dagana 9.-10. júlí heimsótti Guðrún
Snorradóttir alla skólana og fundaði
með forsvarsmönnum á hverjum stað
fyrir sig. Allir voru sammála um að
þetta væri verkefni sem ætti að vinna
áfram og að vel væri farið af stað þrátt
fýrir skamman undirbúning. Flestir
komu með athugasemdir um stuttan
fyrirvara til kynningar og undirbúnings
og að þátttökugjöld væru helst til lág.
Á öllum þessum þremur stöðum var
úrvalsfólk að störfum og mikil vinna
lögð í undirbúning. Fagmennskan var í
fyrirrúmi gagnvart íþróttagreininni en
einnig var lögð áhersla á skemmtilega
samveru utan þjálfunarinnar og m.a.
fóru allir með hópana í vettvangsferð
þar sem fólk grillaði og skemmti sér.
Viðhorfskönnun var lögð fyrir þátt-
takendur í lokin og miðað við það úrtak
sem hefur verið skilað inn voru þátt-
takendur ánægðir, töldu sig hafa lært
mörg tækniatriði í íþróttum og urðu
áhugasamari. Þátttakendur fengu allir
eins viðurkenningarskjöl í lokin.
20 SKINFAXI - tímarit Ungmennafélags íslands