Sjómannablaðið Víkingur - 01.09.1956, Blaðsíða 3

síður en fiskiflotans, til hagsældar öllum lands-
lýð. Þeim miklu fjárfúlgum, sem við árlega
verðum að greiða, í erlendum gjaldeyri fyrir
Vilhjálmur Þór fyrrv. forstjóri S. 1. S.
leigu á erlendum flutningaskipum, er betur var-
ið til afborgana og vaxtagreiðslu á lánum, sem
fara til lífsnauðsynlegrar aukningar á okkar
eigin skipastól.
framkvæmdastj. Skipadeildar S. í S.
Hjörtur Hjartar
Um leið og Sjómannablaðið Víkingur óskar
afmælisbarninu til hamingju með áratuginn og
þann glæsilega árangur, sem náðst hefur, er það
von hans að á næsta áratug bætizt enn fleiri
hentug og glæsileg skip, svo að flutningar til
og frá landinu komizt algjörlega í íslenzkar
hendur. Ritstj.
Hversvegna drekka menn?
Þessari spurningu svaraði á^sinni tíð inn
merki lífefnafræðingur Gustav von Bunge í Ba-
sel, og þó að um 60 ár séu liðin síðan er svar
hans jafn gott og gilt eins og það hefði verið
gefið í gær eða dag. Hann segir svo: „Fyrsta
aðalorsökin til ofdrykkjuvanans er in mannlega
tilhneiging til að herma eftir öðrum. Fyrsta
glasið er ekki betra á bragðið en fyrsti vindill-
inn, en menn drekka það af því að aðrir drekka.
En þegar maðurinn hefur vanið sig á að drekka,
skortir hann aldrei ástæðu til að halda því
áfram. Menn drekka, þegar þeir skilja, og þeir
drekka, þegar þeir hittast aftur; þeir drekka,
þegar þeir eru soltnir, til að sefa hungrið, og
þeir drekka, þegar þeir eru saddir, til þess að
auka matarlystina; þeir drekka til þess að hita
sér, þegar kalt er, og þegar heitt er drekka þeir
til að svala sér. Þegar þeir eru syfjaðir drekka
þeir til þess að halda sér vakandi, og þegar þeir
þjást af svefnleysi drekka þeir til þess að geta
sofnað. Þeir drekka, þegar illa liggur á þeim,
og þeir drekka, þegar vel liggur á þeim. Þeir
drekka, þegar barn er skírt, og þeir drekka,
þegar gamalmenni er jarðað. Þeir drekka til að
gleyma áhyggjum sínum, sorgum og neyð. Þeir
drekka til þess að losna við leiðindi og margs
konar böl — og þeir drekka til þess að fá nægi-
legt hugrekki til að — svipta sig lífi!“
Áfengisvamaráðunauturinn.
Þaramjöl gerir kraftaverk.
í ,,Piskaren“ 15. ágúst segir frá því, er Thorgersen,
fulltrúi við þaramjölsverksmiðjuna í Kristiansund, fékk
sendan að gjöf fagran postulínsöskubakka frá konu í
þýzka bænum Neuen am Rhein. Kona þessi hafði borð-
að þaramjöl frá verksmiðjunni með þeim árangri, að
hún fékk hár sitt aftur.
Þegar við hugsum um, hversu mikilvægt hárið er
fyrir kvenþjóðina, erum við ekki undrandi yfir, að sú
þýzka hafi viljað tjá þakklæti sitt á einhvern hátt.
í Bandaríkjunum hefur þaramjölið frá Norður-Mæri
einnig gert kraftaverk: Veðhlaupahesturinn Swapa,
einn af fremstu brokkhestum landsins, er fóðraður á
norsku þaramjöli.
Þaramjölið er fyllilega á borð við grasmjölið sem
fóður fyrir hænsni og kjúklinga, og það sem meira er
það er miklum mun ódýrara.
VÍ K I N B U R
163