Sjómannablaðið Víkingur - 01.09.1956, Blaðsíða 8

Radio-innsiglingarvitinn
í Grindavík
Hinn 8. ágúst sl. bauð Friðrik A. Jónsson út-
varpsvirki stjórn Félags Suðurnesjamanna í
Reykjavík, formanni Slysavarnadeildarinnar
Hraunprýði í Hafnarfirði, ásamt blaðamönnum
og fleira fólki, með sér út fyrir hafnargarðana
í Reykjavík á björgunarbátnum „Gísli J. John-
sen“, og sýndi ný tæki, er setja á upp í Odds-
vita í Grindavík fiskibátum til leiðbeiningar við
innsiglinguna þar í slæmum veðrum, þoku eða
byl, en innsiglingin til Grindavíkur er eins og
kunnugt er mjög viðsjárverð í dimmviðri.
Hér er um að ræða Loran-stefnuvita, sem
komið var fyrir á Ingólfsgarði til reynslu, en
um borð í bátnum var svo móttökutækið, sem
nota á við miðanir. Vitinn í landi sendir frá sér
þrenns konar merki: morsestafina V og B, en
á milli þeirra samfelldan són. Þegar samfelldi
sónninn heyrist í tækinu um borð í bátnum er
innsiglingarstefnan rétt, en stafirnir gefa til
kynna, að báturinn sé ekki á réttri innsiglingar-
stefnu og á hvaða borð skekkjan er.
Viti þessi sendir á ultrastuttbylgju (3 cm)
VÍKIN □ U R
168