Sjómannablaðið Víkingur - 01.09.1956, Blaðsíða 10
Hinn 13. júlí sl. varð einn af merkustu em-
bættismönnum þessa lands, Júlíus Havsteen,
bæjarfógeti á Húsavík og sýslumaður í Norður-
Þingeyjarsýslu, sjötugur.
Það mun harla óvenjulegt, að opinberir em-
bættismenn hér á landi, í seinni tíð, skipti sér
af flestu því, sem fram fer í þjóðfélaginu, taki
opinberlega þátt í stjórnmálum, skrifi langar
fræðilegar ritgerðir um þjóðréttar- og land-
helgismál, taki virkan þátt í slysavarnarmál-
um, berjist fyrir hafnarbótum, byggingu fram-
leiðslutækja, svo sem síldarverksmiðja o. fl. En
í þessum málum hefur Júlíus Havsteen sýslu-
maður komið við sögu og það svo
um munar. Með sönnum fídons-
krafti hefur hann barizt gegn er-
lendri ásælni í fiskimið okkar,
hann hefur gefið sér tíma til að
grafa upp úr gömlum skræðum og
skýrslum sögulegan og siðferðis-
legan rétt okkar til landhelginnar.
Hann hefur fylgzt eins og lærður
vísindamaður með þróun og upp-
eldi fiskstofnsins um áratugi, en
hvað nákvæmast síðan nýju frið-
unarlögin voru sett, með uppeldis-
skilyrðum ungviðsins á flóum og
fjörðum norðanlands, með eigin at-
hugunum og fyrirspurnum til
glöggra og athugulla sjómanna.
Úr þessum fróðleik, sem hann
hefur aflað sér með mikilli vinnu
'og fyrirhöfn, hefur honum unnizt
tími til að afla efnis í langar rök-
studdar greinar og ritgerðir, sem
geymast munu sem mikilsverðar
heimildir, þegar stundir líða fram.
Júlíus Havsteen sýslumaður mun
í framtíðinni verða talinn meðal
þeirra „Fjölnismanna" 20. aldar-
innar, sem lét sér ekkert mann-
legt óviðkomandi, en var virkur
þátttakandi í mörgum þeim mál-
um, sem horfðu til heilla og fram-
fara fyrir land og þjóð.
Víðsýni, bjartsýni og trúin á
landið og þjóðina hefur verið honum aflgjafi í
þeim ótal framfaramálum, sem hann hefur bar-
izt fyrir. Hann hefur næman skilning á sögu
lands og þjóðar, frumlegur í hugsun og skrifar
léttan og skáldlegan stíl, svo að unun er að lesa.
Lesendum Víkingsins er óþarft að kynna
Júlíus Havsteen sýslumann. Hinar fjölmörgu
fræðilegu greinar hans hér í blaðinu, ásamt
skemmtilegum og hnyttnum frásögnum af ferð-
um hans til fjarlægra landa, hefur aflað honum
sérstakra vinsælda meðal hinna f jölmörgu kaup-
enda blaðsins.
Enda þótt Júlíus Havsteen eigi nú sjötíu ár
Júlíus Havsteen, sýslumaður.
170
VIKINGUR