Sjómannablaðið Víkingur - 01.08.1981, Page 23

Loftskeytamenn
ómissandi um borö
í október í fyrra sökk m/v Prinsendam, glæsilegt farþega-
skip sem metið var á um 50 miljón dala, fyrir utan strönd
Alaska. Á sjötta hundrað manns voru um borð í skipinu, og
björguðust allir. Hér á eftir er greint frá þætti loftskeyta-
manna í þessarri mestu björgun úr sjávarháska á síðari árum.
Það er athylisvert, og íhugunarefni fyrir alla sjófarendur, hve
vel loftskeytamönnum tókst að halda fjarskiptum gangandi á
500 khz þegar fjarskipti um gervihnött höfðu brugðist. Þetta
sýnir, svo ekki verður um villst, að sjófarendur verða ávallt að
standa vörð um öryggi sitt á hafi úti, og að grafið er undan
þessu öryggi með því að þrýsta á um að loftskeytamönnum
verði fækkað um borð í skipum. Þá er látinn fylgja með pistill,
sem formaður danska skipstjórafélagsins flutti af sama til-
efni.
Björgun bandaríska farþegaskipsins Prinsendam
Ég heiti Jim Pfister og ég skrif-
aði þetta greinarkorn í þeirr von
að það mætti verða öðrum til
fróðleiks um þátttöku mína í
björgun rúmlega 500 farþega af
S/S Prinsendam. Ég var fyrsti
loftskeytamaður um borð í T/T
Williamsburg og er frásögn mín
byggð á skrásetningu viðskipta
okkar. Við vorum með þeim fyrstu
sem heyrðum neyðarkall Prinsen-
dam og hjálparbeiðni þess. (SOS).
Williamsburg varð síðan í forystu
við björgunina þar sem við urðum
fyrstir þeirra sem færir voru um að
veita aðstoð, á slysstað.
Williamsburgh er bandarískt
olíuflutningaskip, 103.812 lestirað
stærð og 1095 feta langt. Venju-
lega erum við í olíuflutningum
milli Alaska og annarra banda-
rískra hafna. Á meðan á björgun-
arstörfunum stóð, vann aðstoðar-
maður minn, Dave Ring loft-
skeytamaður með mér en á Prins-
endam var loftskeytastörfum allan
tímann stjórna af Jack van der
Zee, loftskeytamanni frá Beek í
Hollandi.
Lögðum við af stað frá San
Francisco 25. september 1980, á-
leiðis til Valdes í Alaska. Við vor-
um á reglubundnum átta stunda
vöktum á 500 kHz. Þó nokkru áð-
ur en slysið átti sér stað, hafði ég
heyrt í farþegaskipinu Prinsen-
dam PJTA á 500 kHz, þar sem það
var á leið upp með ströndinni, á-
leiðis til Alaska. Þegar við sigldum
síðan inn í Alaska flóann vissum
við hvar Prinsendam var statt,
sömuleiðis S/S Vinedam og S/S
Mardi Gras og fleiri skip sem ég
hafði heyrt í á 500 kHz.
Ég var búinn að vinna lengi á
strandstöð í San Francisco, KFS.
Loftskeytamaður um borð í skipi
veit alltaf um öll skip sem eru í
grennd við hann og hann getur
náð sambandi við og treyst á þegar
þörf krefur. Það lítur út fyrir að
loftskeytamenn hafi sjötta skiln-
VIKINGUR
23