Náttúrufræðingurinn - 1962, Qupperneq 31

NÁTTÚRUFRÆÐINGURINN
77
5. mynd. Svelgásar í Syliilvsdalen í Jamtalandi. — Engorgecl eskers in
Syliilvsdalen, Jamlland, Swcden. — Úr Mannerlelt 1945.
stúfar, ef vel er að gáð, og er full ástæða að gá vel að, sakir þýð-
ingu þessara ása fyrir malarnám. Að því var vikið, að malarásar
eru nú sums staðar að myndast vegna hopunar jökla á síðustu
áratugum. Svelgása þykist ég hafa séð lrér í dalahlíðum, er ég hef
flogið yfir landið.
Hér um árið var ég fenginn til að athuga grunn fyrirliugaðs
barnaskóla í Smáíbúðahverfinu í Reykjavík. Var þá búið að grafa
fyrir vesturálmu skólans, sem er sunnan í ávalri hæð, og er hæsti
hluti hennar nefndur Álfhóll. Þessi hæð er hulin þykkum moldar-
jarðvegi, en í djúpum skurði, sem grafinn hafði verið fyrir ræsi
þvert í gegnum hana, kom í ljós, að þessi hæð var ekta malarás
og líkur þeim, er myndast undir vatnsborði, hlaðinn upp úr vel
vatnsnúnu og allvel lagskiptu grjóti, möl og sandi, en sandur til
beggja hliða. Er ég ekki frá því, að þarna hefði mátt fá allverulegt
magn af góðu steypuefni, ef athugað hefði verið í tíma, en þarna
var það moldarjarðvegslagið þykka, sem Imldi mölina, og mun svo