Náttúrufræðingurinn - 1937, Blaðsíða 7

NÁTTÚRUFRÆÐINGURINN 49
.......................
Bjarni Sæmundsson sjötugur.
í dag, 15. apríl 1937, er Dr. phil. Bjarni Sæmundsson sjötug-
nr. Að baki honum liggur, auk hinnar löngu æfi, þvílíkt lífsstarf í
þágu íslenzkra náttúruvísinda, í þágu alþjóðavísinda, að Náttúru-
fræðingurinn telur það skyldu sína, reyndar mjög kærkomna
skyldu, og heiður, að tengja þetta litla hefti við hið þekkta
nafn hans.
Hér verður ekki rakin æfisaga Bjarna Sæmundssonar, né
minnzt þeirra mörgu starfa, sem eftir hann liggja, því að sögu
hans er, sem betur fer, ekki enn þá lokið. Enda er sagan um starf
hans svo nátengd sögunni um þá miklu þróun, sem íslenzkur út-
vegur hefur tekið á starfsárum Bjarna, og sögunni um framfarir
náttúruvísindanna í Evrópu á þessari öld, að hér er að ræða um
efni í heila bók, engin tímaritsgrein getur gert því full skil. Að-
eins skrá yfir rit þau, sem eftir Bjarna liggja, á íslenzku, dönsku,
ensku, þýzku og frönsku, myndi fylla margar blaðsíður Náttúru-
fræðingsins.
Dagurinn í dag er ekki einungis hátíðisdagur fyrir Dr. Bjarna
Sæmundsson sjálfan, ættingja hans og vini, heldur fyrir alla ís-
lenzku þjóðina. Á liðnum sjötíu árum hefur Bjarni sýnt, að ís-
lenzka þjóðin, sem löngu er fræg orðin fyrir söguleg fræði, get-
ur einnig alið frábæra menn á sviði raunvísindanna, menn, sem
á alþjóðlegan mælikvarða standa í fremstu röð. Þetta hafa reynd-
ar aðrir sýnt en Dr. Bjarni, og nægir þar að nefna Þorvald Thor-
oddsen og Guðmund Bárðarson. Ef til vill er það engum manni
hér á landi betur kunnugt en mér, hvílíkrar hylli Bjarni Sæmunds-
son nýtur meðal samstarfsmanna sinna í öðrum löndum. Til þess
að sanna þetta, nægir að vísa til greinar þeirrar, sem prófessor
Ad. S. Jensen, einn af mætustu vísindamönnum Dana, ritar hér
í heftið. Engum dylst sú velvild og sú virðing, sem kemur yfir
hafið frá útlöndum, afmælisbarninu til handa, sem íslenzka þjóð-
in hyllir í dag.
Mörgum ókunnugum kann ef til vill að virðast, að lífsferill-
inn, sem byrjaði á fjörusteinunum í Grindavík og nú, eftir sjö-
tíu ár, gerir heimagarðinn frægan, hafi verið tilbreytingalítill, en
svo er þó aðeins á yfirborðinu. Auk þeirrar tilbreytni, sem í því er
fólgin, að koma úr fátæku sjávarþorpi heima á íslandi, sækja
4