Náttúrufræðingurinn - 1937, Blaðsíða 26

68 NÁTTÚRUFRÆÐINGURINN
llllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll
Viðarrekinn mikli 1936.
Það hefir verið mál manna, og er efalaust rétt, að trjáreki
að ströndum landsins sé nú minni en fyrr á öldum. Þessa getur
Þorvaldur Thoroddsen í íslandlýsingu sinni hinni miklu. Sumt
af rekaviðnum, sem hingað kemur, er suðrænt að uppruna, og
hefir borizt hingað með Golfstraumnum frá Mið-Ameríku og
sunnanverðri Norður-Ameríku. En með aukinni byggð á þeim
slóðum hafa hin skógivöxnu svæði þar minnkað, og mannshönd-
in búið betur um það, að elfurnar tækju ,eigi með sér tré og við
út á sjó. Þó mun það enn koma fyrir, þá er stórfelldir vatna-
vextir verða, eins og nú fyrir skemmstu, að mikið rekald berst
þar til sjávar, og má búast við því, að sumt af því lendi hér við
land um síðir.
Annar hluti rekaviðarins, og það líklega sá, sem mestu máli
skiptir fyrir land vort, hefir borizt hingað með norrænum haf-
straumum, og hafa menn af ýmsu getað ráðið, að það væri tré
úr skógum Síberíu, sem þessa leiðina berast hingað til lands.
Þorvaldur Thoroddsen áleit einnig, að minna kæmi nú á dögum
af þessum rekavið hingað en áður gerðist. Áraskipti eru samt
að því, hversu milcill þessi trjáreki er, ,en mál þetta er lítið
rannsakað ennþá.
Mikill viðarreki er sagður að hafa orðið á Ströndum fyrir
fáum árum, sennilega veturinn 1938—1934, og voru það eink-
um stór tré, sem rak þá. Miklu meiri varð samt viðarrekinn
norðanlands veturinn 1935—1936. Að vísu telja menn á Strönd-
um rekatrén þá yfirleitt eigi jafnstór og þau, sem rak 2 árum
áður, en stórum fleiri að tölu; en annars staðar norðanlands er
þess þó getið, að rekatrén hafi verið um 9 og upp í 12 m löng,
svo að allvæn hafa þessi tré verið. Seint í janúar er farið að
bera svo mikið á þessum viðarreka, að mönnum þótti ástæða til
að senda Ríkisútvarpinu og blöðunum fregnir um það. Og ber-
ast þá um tíma allmargar fregnir af þessum óvenjulega mikla
reka víðsvegar frá norðurströnd landsins. Seint í marz er þess
svo getið í fregn frá Raufarhöfn, að viðarrekinn mikli sé þá að
mestu um garð genginn. Má af þessu ætla, að mest hafi borið
á þessum óvenjulega viðarreka mánuðina janúar-marz. Sumir
geta þess til, að viðarskip muni hafa farizt fyrir norðan land