Fréttablaðið - 29.05.2009, Blaðsíða 6

6 29. maí 2009 FÖSTUDAGUR
• Rafhlaðan endist í allt að 15 tíma. Hentar vel í útileguna,
sumarbústaðinn og í ferðalagið. Þú stingur símanum eða
iPod í samband við Power2Charge og hleður af rafhlöðunni
• 6 millistykki fyrir t.d. síma, iPod, myndavélar og önnur 5V tæki
• Snúran er í litlu handhægu kefli
• Millistykki geymd í gúmmíbandi
• Ferðapoki
Hleðslutæki með
innbyggðri rafhlöðu
Hleður síma, iPod og myndavélar
Í vinnuna
H
V
ÍT
A
H
Ú
S
IÐ
/
S
ÍA
-
0
9
-0
3
6
3
KJARAMÁL Fyrrverandi stjórnar-
menn í VR hafa safnað 249
undirskriftum við beiðni um að
haldinn verði félagsfundur. Sam-
kvæmt lögum þarf að halda slík-
an fund ef 200 félagsmenn krefj-
ast þess og er þetta í fyrsta sinn
sem þeim lögum er beitt.
Stjórnarmennirnir fyrrverandi
eru óánægðir með vinnubrögð
nýju stjórnarinnar og hyggjast
á fundinum spyrja um stöðu
kjarasamninga, samstarf við
ASÍ, jafnréttisstefnu félagsins
og hvort félagið hyggst áfram
vera hlutlaust eins og verið hefur
eða hvort það ætlar að verða
pólitískt. - sh
Fyrrverandi stjórnarmenn:
Krefjast félags-
fundar í VR
DÓMSMÁL Hæstiréttur hefur sýknað
starfsmenn Kastljóss af miskabóta-
kröfu Luciu Celeste Molina Sierra,
tengdadóttur Jónínu Bjartmarz
fyrrverandi ráðherra, og unnusta
hennar, Birnis Orra Péturssonar.
Þau kröfðust samtals þriggja og
hálfrar milljónar króna vegna
umfjöllunar Kastljóss um veitingu
ríkisborgararéttar Luciu.
Hæstiréttur kemst að þeirri
niðurstöðu, eins og héraðsdóm-
ur hafði áður gert, að fjölmiðlar
verði að hafa svigrúm til að fjalla
um málefni sem eigi erindi við
almenning og einstaklingar þurfi
„að nokkru marki að þola að per-
sónuleg málefni, er þá varða, komi
í slíkum tilvikum til almennrar
umfjöllunar“.
Í dómnum eru vinnubrögð Kast-
ljóss hins vegar gagnrýnd harka-
lega, umfjöllunin öll sögð full af
rangfærslum og að viðleitni Kast-
ljóssmanna til að sýna fram á að
afgreiðsla ríkisborgararéttarins
hafi verið óeðlileg hafi borið ofur-
liði vilja þeirra til að fara rétt með
staðreyndir, leiðrétta rangfærsl-
ur og gera viðhlítandi grein fyrir
lagagrundvelli málsins. Starfs-
fólkið „hafi í ýmsum atriðum brot-
ið þær skyldur sem á þeim hvíla í
starfi“ og ekki sýnt Luciu og Birni
Orra næga tillitssemi.
Þórhallur Gunnarsson, ritstjóri
Kastljóss, segist fagna niðurstöðu
dómsins og segir hana mikilvæga
fyrir íslenska fjölmiðlun. Hann er
hins vegar ekki sammála gagnrýn-
inni sem dómarar beini að honum
og starfsfólki hans. Hún sé ekki öll
á rökum reist. - sh
Tengdadóttir Jónínu Bjartmarz og unnusti hennar tapa máli gegn Kastljósi:
Kastljós sýknað í Hæstarétti
JÓNÍNA Í KASTLJÓSI Jónína Bjartmarz
sat fyrir svörum hjá Helga Seljan vegna
málsins.
EFNAHAGSMÁL „Það er mjög slæmt
að fá skattahækkanir inn í íslenskt
atvinnulíf í dag,“ segir Erna Hauks-
dóttir, framkvæmdastjóri Samtaka
ferðaþjónustunnar. Hún óttast að
hækkun neysluskatta muni hafa
slæm áhrif á fyrirtæki í ferðaþjón-
ustu.
Alþingi fjallaði í gærkvöld um
frumvarp fjármálaráðherra um
breytingu á neyslusköttum. Sam-
kvæmt því er gert ráð fyrir að tekj-
ur ríkisins aukist um 4,4 milljarða
á ári, eða 2,7 milljarða það sem eftir
er af þessu ári.
Sigrún Ósk Sigurðardóttir,
aðstoðarforstjóri ÁTVR, segir að
einhvern tíma taki að hækka verð
á áfengi og tóbaki. Hækkunin taki
því ekki gildi í dag. Fimmtán pró-
senta hækkun á áfengisgjaldi þýðir,
að sögn Sigrúnar, að verð á léttvíni
mun hækka um ríflega sjö pró-
sent og verð á bjór um litlu minna.
Vínflaska sem kostar 2.000 krón-
ur hækkar því í 2.140 krónur og
bjórkippa sem kostar 1.600 krónur
hækkar í 1.712 krónur.
Erna Hauksdóttir segir hækkan-
ir á neyslusköttum beinar skatta-
hækkanir fyrir fyrirtækin í land-
inu. Rekstur fyrirtækja sem geri
út bíla sé þegar afar erfiður þó að
hækkun á álögum ríkisins á elds-
neytisverð bætist ekki við.
Þá mun hækkun áfengisgjalds
gera heimsmet Íslands í áfengis-
gjöldum þeim mun meira afgerandi,
segir Erna. Hún óttast að hækk-
andi skattheimta skili sér í minnk-
andi eftirspurn. Ríkið eigi frekar
að beita sér fyrir því að auka eftir-
spurnina, til dæmis með því að fara
í markaðsátak til að fjölga erlend-
um ferðamönnum.
„Slíkt markaðsátak er einhver
besta fjárfesting ríkisins til að
örva neysluna,“ segir Erna. Hætt
sé við því að skattahækkanir dragi
úr neyslu, þegar markmiðið ætti að
vera að auka hana. Þekkt séu dæmi
um að tekjur ríkisins hafi aukist við
lækkun skatta, og dragist saman við
skattahækkanir.
Gísli Tryggvason, talsmaður
neytenda, segist ekki taka afstöðu
til skattamála nema þegar þau raski
frjálsum viðskiptum, neytendum í
óhag.
„Í þessu tilviki má helst nefna að
óheppilegt er ef slíkir skattar til
tekjuöflunar fyrir ríkið hafa óhag-
stæð áhrif á þróun verðtryggðra
lána,“ segir Gísli.
„Ég hef efast um réttmæti verð-
tryggingarinnar lengi, og það er
mjög öfugsnúið ef nauðsynleg
tekjuöflun ríkisins veldur hækk-
un á lánum sem eru löngu tekin, en
það er auðvitað hið slæma eðli verð-
tryggingar.“ brjann@frettabladid.is
kolbeinn@frettabladid.is
Alþingi samþykkir
hærri neysluskatta
Samtök ferðaþjónustunnar óttast að hækkun stjórnvalda á neyslusköttum muni
koma illa við fyrirtæki í ferðaþjónustu. Frekar ætti að auka tekjur með markaðs-
átaki erlendis. Talsmaður neytenda óttast áhrif hækkana á verðtryggð lán.
Á JÖKULSÁRLÓNI Forsvarsmenn fyrirtækja í ferðaþjónustu óttast áhrif hækkunar á neyslusköttum. FRÉTTABLAÐIÐ/VILHELM
Gjaldahækkanir færa ríkissjóði 2,7 milljarða króna í tekjur það sem eftir lifir árs:
Nauðsynlegar ráðstafanir
ALÞINGI „Sé ekki gripið til viðeig-
andi ráðstafana þegar á þessu ári
verður halli ríkissjóðs á árinu
2009 meiri en áætlað var og meiri
en viðunandi getur talist,“ segir
í athugasemdum með frumvarpi
fjármálaráðherra um hækkanir á
gjöldum á eldsneyti, bílum, áfengi
og tóbaki.
Lagabreytingarnar, sem rík-
isstjórnarflokkarnir samþykktu
í gær, færa ríkissjóði 4,4 millj-
arða króna á ársgrundvelli – 2,7
milljarða króna það sem eftir er
af árinu.
Á móti hækkuðu bensín- og
olíugjaldi lækkar kílómetragjald
en með því móti er ætlunin að
draga úr áhrifum breytinganna
á flutningskostnað og þar með
vöruverð. Olíugjald hækkar um
5 krónur og bensíngjald um 10
krónur en þannig vonast stjórn-
völd til að ýta undir frekari dísil-
væðingu fólksbílaflotans eins og
ráðgert var með lagabreytingum
2004. Verð á dísilolíu hefur verið
hærra en á bensíni undangengin
ár. - bþs
4,4 MILLJARÐAR Á ÁRI
Áhrif breytinganna á tekjur ríkis-
sjóðs
Bensíngjald 1.970 milljónir
Áfengisgjald 1.100 milljónir
Olíugjald 690 milljónir
Tóbaksgjald 620 milljónir
Bifreiðagjald 520 milljónir
Kílómetragjald -490 milljónir
KJÖRKASSINN
Óttast þú aukið ofbeldi í
tengslum við innbrot og rán á
höfuðborgarsvæðinu?
Já 88%
Nei 12%
SPURNING DAGSINS Í DAG
Horfðir þú á úrslitaleik Meist-
aradeildarinnar í knattspyrnu?
Segðu skoðun þína á visir.is.