Samvinnan - 01.05.1952, Blaðsíða 9

Um byggingasamvinnufélög hér á landi
Fyrir íbúa norðlægra landa er það
mjög þýðingarmikið, að híbýli
þeirrra séu hlý og vönduð. Því betur
sem þjóðfélagið getur séð þeim borgið
í þessum efnum, því meiri er lífsham-
ingja þeirra og því betur nýtist
vinnuafl þeirra, enda er þak yfir
höfuðið eitt frumskiljnði lífsins.
Gildir í þessum efnum önnur regla,
þar sem loftslag er hlýrra og þurrara.
★
Upphaf opinberrar aðstoðar við
byggingu íbúðarhúsa hér á Islandi
munu vera lögin um Byggingar- og
landnámssjóð. Næst komu lögin um
verkamannabústaði í kaupstöðum og
loks lögin um byggingasamvinnufé-
lög frá 1932, en tvö síðartalin lög
voru sameinuð 1946 í einn lagabálk
um byggingasamvinnufélög og verka-
mannabústaði. Þessi lög bera vott
um ný sjónarmið opinberra aðila í
byggingamálum, þar sem gert er ráð
fyrir verulega aukinni aðstoð og
föstu framlagi ríkis og bæja til verka-
mannabústaða. En því miður hafa
slíkar aðgerðir ekki borið tilætlaðan
árangur sökum fjárhagsörðugleika
þjóðarinnar.
Oðru máli gegnir um hygginga-
samvinnufélögin. Fjárhagsleg aðstoð
við þau hefur aldrei fengizt nein.
önnur en ríkisábyrgð fyrir lánum,
sem oft hafa hvergi fengizt eftir eðli-
legum leiðum. Mun þessi vandi verða
torleystur, þar til hér verður komið
upp fasteignalánastofnun, þar seni
lán fást til bygginga án okurkjara,
svo sem 15—20% affalla af ríkis-
ttyggðum bréfum, eins og dæmi eru
til um.
Undantekning um aðstoð við
byggingasamvinnufélög eru samtök
opinberra starfsmanna, sem hafa að-
gang að eftirlaunasjóðum sínum, er
lána með mjög hagkvæmum skil-
málum til langs tíma.
Nú mun svo komið, að annað-
hvort byggingafélög verkamanna eða
samvinnubyggingafélög eru starfandi
í öllum stærstu bæjurn á landinu. Hér
Skortur á tánsfé dregur mjög úr starfi félaganna
Hér sjást nokkur íbúðarhús, sem reist voru af byggingasamvinnufélagi opinberra starfsmanna í Rvík,
og eru fjórar íbúðir í hverju, auk kjallaraíbúða.
Hér sjást nokkur af húsum þeim, sem Byggingasamvinnufélag Reykjavíkur reisti við Barmahlíð t
Reykjavík.
9