Samvinnan - 01.03.1953, Blaðsíða 2

Útgefandi: Samband íslenzkra
samvinnufélaga.
Ritstjóri: Benedikt Gröndal.
Ritstjórn og afgreiðsla í
Sambandshúsinu, Reykjavík.
Ritstjórnarsími 7080.
Kemur út mánaðarlega.
Verð árgangsins kr. 40.00.
Verð í lausassölu 5 kr.
Prentsmiðjan Edda.
Efni:
Gernýting í iðnaði og verzlun 3
Framtíð íslands byggist á
frjósemi jarðar og afli
fallvatna 4
Kvikmyndir framtíðarinnar 7
Hlöðukálfur, smásaga 9
Hvað er að gerast? 11
Viðtal við ungan kaupfé-
lagsstjóra 12
Vísindin og inflúensan 13
Svipir samtíðarmanna 14
Samvinnutryggingar 15
Pétur Jónsson frá Gaut-
löndum, kvæði 16
Jeppi háloftanna 16
Verzlunarsamtök við Isa-
fjarðardjúp 18
Myndir Emils Thoroddsen 27
Framhaldssaga 28
MARZ 1953
XLVII.árg. 3.
MYNDASAGAN, sem Samvinnan
hefur nú um skeið birt á næstöftustu
síðunni, Gulleyjan, hefur hlotið mikl-
ar vinsældir yngri kynslóðarinnar.
Reyndar er ekki
grunlaust um
það, að sumir
hinna e 1 d r i
gluggi í söguna,
enda er hún
gamalkunn og
mun vandfund-
inn sá maður,
sem ekki las
hana á æskuár-
um sínum. Fyr-
ir nokkru var
sýnd kvikmynd
af sögunni í
Reykjavík, og
mun hún, ef að líkum lætur, verða
sýnd víðs vegar um land næstu vik-
urnar. Þessi vinsæla saga eftir Robert
Louis Stevenson, sem hlotið hefur
heimsviðurkenningu á sínu sviði,
f j allar að vísu ekki um eintóma engla,
en þó er eitthvað viðkunnanlegra að
lesa þetta gamla verk til dægra-
styttingar en glæpareyfara, kjarn-
orkusprengjasögur og annað, sem
æskan virðist hvað sólgnust í nú á
dögum.
Robert Louis Stevenson.
í AFMÆLISRITI SÍS, sem allir
kaupendur Samvinnunnar fengu í
fyrrasumar, var gefið yfirlit um öll
kaupfélögin, starfsemi þeirra, félags-
mannafjölda, stjórn og kaupfélags-
stjóra. Þetta yfirlit var miðað við ára-
mótin 1951—52 og var því haldið nær
undantekningalaust, enda þótt
nokkrar breytingar hefðu orðið á
þessum málum, þegar ritið kom út.
UM ÞESSAR MUNDIR eru að verða
allmiklar breytingar í stöðum kaup-
félagsstjóranna og raunar einnig á
skipulagi starfseminnar hjá SÍS. Eru
margir menn að taka við nýjum
störfum, og mun lesendum Samvinn-
unnar án efa þykja fróðlegt að fylgj-
ast með þeim breytingum. Sem dæmi
má nefna það, að á árinu 1952 tóku
fimm ungir menn við störfum sem
kaupfélagsstjórar, þeir Matthías Pét-
ursson á Hellissandi, Guðjón Ólafsson
í Búðardal, Björgvin Jónsson á Seyð-
isfirði, Lúðvík Jónsson á Siglufirði og
Ásgrímur Halldórsson í Höfn. Um
þessar mundir standa fyrir dyrum
fleiri slíkar breytingar, og hafa verið
auglýstar lausar til umsókna nokkr-
ar kauplélagsstjórastöður. Samvinn-
an vill gjarna kynna þessa ungu og
nýju menn fyrir lesendum sínum, og
er í þessu hefti stutt viðtal við Matt-
hías Pétursson, sem byrjun á þeirri
viðleitni.
MYNDIR EMILS THORODDSENS
fylla eina síðu aftarlega í þessu hefti,
en þær voru nýlega á sýningu i
Reykjavík. Var Emil hinn fjölhæf-
asti listamaður, mjög geðþekkur mál-
ari, en fyrst og fremst afburða tón-
listarmaður. Sýning þessi, sem vakti
mikla athygli í höfuðstaðnum, var
haldin í Listvinasalnum við Freyju-
götu, þar sem áður var vinnustofa Ás-
mundar Sveinssonar. Hafa nokkrir
ungir men haldið þar uppi listastarf-
semi og sýnt verk fjölmargra málara
og myndhöggvara, ungra og gamalla
og áhangenda ýmisso listastefna.
Er það gott, að til skuli vera litlir
sýningarsalir, þar sem hver sýning
þarf ekki að verða stórfyrirtæki. Gefst
þannig ýmsum tækifæri til að sýna,
sem ella ættu þess engan kost, og
margar sýningar á gömlum myndum
hafa verið haldnar, sem'varla hefði
orðið af ella.
Listvinasalurinn.
2