Samvinnan - 01.12.1986, Blaðsíða 14

Málgagn
samvinnumanna
í áttatíu ár
síðan að fráteknu tímabili Hauks
Snorrasonar ritstjóra 1947-1950, en þá hafði
ritið aðsetur á Akureyri og var öðru sinni
prentað í Prentsmiðju Odds Björnssonar.
Samvinnan vill nota þetta tækifæri og
flytja prentsmiðjunni Eddu alúðarkveðjur í
tilefni af fimmtugsafmælinu og bestu þakkir
fyrir langt og heilladrjúgt samstarf. Prentun
og annar frágangur ritsins af hálfu Eddunnar
hefur verið vandaður og til fyrirmyndar
bæði fyrr og síðar.
# Tveir metrar í bókahillu
„Gott blað er margra manna verk“, er haft
eftir Guðmundi Björnssyni landlækni - og
það eru orð að sönnu. Hins vegar hefur það
líklega oftast verið svo í langri sögu
Samvinnunnar, að ritstjórn hennar hefur
hvílt á herðum fárra manna, jafnvel eins
manns. Að minnsta kosti hefur aðeins
einum manni verið til að dreifa undanfarin
tólf ár til að vinna það flókna verk, sem gerð
tímarits er nú á dögum; hann hefur þurft upp
á eigin spýtur að annast texta og öflun efnis,
myndaval og uppsetningu, prófarkalestur
og umsjón alla.
Alls hafa sautján menn starfað við
ritstjórn Samvinnunnar frá upphafi; sjö
aðalritstjórar, þrír meðritstjórar og sjö
blaðamenn. Attatíu árgangar af Samvinn-
unni, sem taka um tvo metra innbundnir í
bókahillu - það er verk þessara manna.
Dagarnir koma ekki allir í einum böggli,
segir gamalt máltæki og á vel við útgáfu
blaða og tímarita. Svo vanmáttugt sem hvert
hefti tímarits þykir, þegar það sér dagsins
ljós, er líkt og því vaxi ásmegin, um leið og
það er orðinn partur af þykku bindi í
bókaskáp.
Þá fyrst er hægt að gera sér grein fyrir
stefnu ritsins, þróun þess og ferli; sjá hvernig
það breytist með árunum í takt við tíðaranda
og tísku; hvernig útlit þess batnar með æ
fullkomnari prenttækni; hvernig hver
ritstjóri setur svipmót sitt á síðurnar eftir
81967 SAM
VINNAN
Sigurður A. Magnússon var ritstjóri Samvinnunnar 1967-1974 og í hans tíð fjall-
aði ritið meira en áður um menningar- og þjóðfélagsmál almennt og var ákveðið
efni tekið til umfjöllunar í hverju hefti.
áhugamálum sínum, smekk og jafnvel
skapgerð.
Otal spurningar vakna við slíka könnun:
Hvenær hefur ritið verið best? Og hvenær
hefur það verið lakast?
En hvað sem mannjöfnuði milli ritstjóra
líður og misjöfnum skoðunum á einstökum
tímabilum í sögu Samvinnunnar, þá er það
staðreynd, að sem heild er ritið ómetanleg
heimild um sögu samvinnuhreyfingarinnar.
Það geymir besta minnisvarðann um
baráttumenn samvinnustefnunnar fyrr og
síðar - þeirra eigin orð.
Og orð eru til alls fyrst.
# Hlutverk á nýrri öld
Fyrsta eiginlega verkefni Sambandsins var
að hefja útgáfu Samvinnunnar. Ef það
heillaspor hefði ekki verið stigið, væri
samvinnuhreyfingin í núverandi mynd sinni
ef til vill ekki til.
Frumherjunum tókst að gefa landsmönn-
14