Fréttablaðið - 10.09.2009, Síða 10

10 10. september 2009 FIMMTUDAGUR

EVRÓPUMÁL „Innganga Íslands í
ESB mun ekki leysa öll vandamál
Íslands í efnahagslegu tilliti en
getur leikið stórt hlutverk í endur-
reisninni,“ sagði Olli Rehn, fram-
kvæmdastjóri stækkunarmála hjá
ESB, í erindi sínu á fundi Alþjóða-
málastofnunar HÍ og utanríkis-
ráðuneytisins í gær.
Það var mál manna að Rehn
hefði verið orðvar á fundinum
og frekar slegið á væntingar um
hraða afgreiðslu aðildarumsóknar
Íslands. Rehn sagði það sína skoð-
un að Norðurlöndin ættu öll að
vera innan ESB og nú þegar nyti
sambandið kunnáttu og reynslu
Íslendinga hvað varðar sjálfbæra
nýtingu auðlinda. Sagði hann það
jafnt eiga við um orkunýtingu og
nýtingu sjávarauðlindarinnar.
Hann var spurður hvort til
greina kæmi að hans áliti að Ísland
gæti fengið sérmeðferð í peninga-
málum meðan á umsóknarferlinu
stæði – jafnvel að evra yrði tekin
upp hér á landi fyrr en almennt
væri gert ráð fyrir.
Rehn svaraði því til að lög ESB
gerðu ekki ráð fyrir því. Hins
vegar væri sá sem bæri ábyrgð
á peningamálasamstarfinu
innan framkvæmdastjórnar ESB
[Joaquín Almunia, framkvæmda-
stjóri gengis- og efnahagsmála
innan ESB] byrjaður að kynna sér
stöðu mála á Íslandi. Þannig væri
Ísland sem umsóknarland í betri
stöðu hvað þetta varðar en annars
væri. Rehn hafnaði því alfarið að
það tæki mjög langan tíma að fá
aðgang að myntbandalaginu, en því
hefur verið haldið fram að Ísland
eigi jafnvel ekki kost á því fyrr en
eftir áratug eða meira.
Rehn lítur svo á að innganga
Íslands í ESB sé rökrétt fram-
hald samvinnu á milli Evrópu og
Íslands. Slíkt samstarf hófst með
Fríverslunarsamtökum Evrópu
(EFTA) árið 1970 og síðar með til-
komu Evrópska efnahagssvæðisins
(EES) árið 1994.
Rehn var spurður hvort ekki
mætti birta spurningalista ESB, en
hann inniheldur um 2.000 spurn-
ingar sem stjórnvöld hér verða að
svara áður en samþykkt verður að
hefja formlegar viðræður um aðild
Íslands. Slíkt hefur aldrei verið
gert áður, að því er næst verður
komist.
Össur Skarphéðinsson greip bolt-
ann á lofti og spurður hvort hann
myndi birta listann svaraði: „Þetta
var eitt það fyrsta sem ég spurði
Rehn að við komuna til landsins og
útskýrði að vildum leyfa öllum að
sjá hvaða upplýsinga verði óskað
frá okkur. Hann tók því vel en
þurfti að kanna sitt bakland.“
Spurningalistinn var birtur á vef
utanríkisráðuneytisins síðdegis í
gær. svavar@frettabladid.is
Aðild Íslands rökrétt
framhald samvinnu
Framkvæmdastjóri stækkunarmála ESB slær á væntingar um hraða afgreiðslu
á aðildarumsókn Íslands. Hann ítrekar afstöðu ESB um að sérmeðferð komi
ekki til greina. Spurningalisti ESB hefur verið birtur, sem er án fordæma.
HEIMSÓKN Olli Rehn fundaði með utanríkismálanefnd Alþingis í gærmorgun.
FRÉTTABLAÐIÐ/GVA
STÆRÐARMUNUR Hann er svolítið
stærri, rúmenski körfuboltamaðurinn
Gheorghe Muresan, en fréttakonan
sem tók viðtal við hann í Shanghai í
Kína í vikunni. NORDICPHOTOS/AFP
HEILBRIGÐISMÁL Hulda Gunnlaugs-
dóttir, sem fengið hefur ársleyfi
sem forstjóri Landspítalans, tekur
að sér tímabundna verk efnisstjórn
við að hrinda í framkvæmd
aðgerðaáætlun um sam starf og
markvissari verkaskiptingu á
milli heilbrigðisstofnana.
Markmiðið er að setja fram
tímasetta verkáætlun sem byggist
á vinnu undanfarinna mánaða um
hagræðingu í heilbrigðiskerfinu.
Er þetta gert til að ná fram mark-
vissari rekstri heilbrigðisstofnana
á næstu árum.
Reynt verður að draga eins lítið
og kostur er úr þjónustu við sjúk-
linga og sömuleiðis er ætlunin að
reyna að koma í veg fyrir upp-
sagnir starfsmanna. - shá
Áætlun hrint í framkvæmd:
Samstarf um
verkaskiptingu
FRAKKLAND, AP Sihem Habchi
var mikið niðri fyrir þegar hún
kom fyrir nýstofnaða þingnefnd
í Frakklandi,
sem fær það
hlutverk að
rannsaka fatn-
að íslamskra
kvenna í land-
inu.
Habchi
hefur bar-
ist fyrir því
að búrkur og
andlitsskýlur verði bannaðar
með lögum, vegna þess að slík-
ur fatnaður einangri þær í sam-
félaginu.
Habchi er formaður samtaka
sem nefnast „Hvorki hórur né
undirgefnar“ og berjast fyrir
auknum réttindum íslamskra
kvenna og stúlkna í fátækra-
hverfum Frakklands. - gb
Íslömsk kona í Frakklandi:
Berst fyrir
búrkubanni
BRUSSEL, AP Jose Manuel Barroso
sækist eftir að vera forseti fram-
kvæmdastjórnar ESB í önnur
fimm ár. Hann svaraði spurn-
ingum blaða-
manna í gær.
Þingmenn
gagnrýndu
hann fyrir að
hafa ekki tekið
rétt á fjármála-
kreppunni,
sem reið yfir í
haust. Þá var
hann gagn-
rýndur fyrir
slælega frammistöðu í umhverfis-
málum.
Í dag taka leiðtogar þingsins
afstöðu til þess hvort kosið verði
um Barroso í næstu viku. - gb
Barroso á Evrópuþinginu:
Vill vera forseti
önnur fimm ár
JOSE MANUEL
BARROSO
SIHEM HABCHI