Fálkinn - 15.02.1961, Page 21

Kata leit undan og svaraði: — Já,
það hafa þau gert.
Helga greip í handlegginn á henni: —
Trúðu engu, sem þau segja, Kata! Hvað
sem skeð hefði, mundi Frank heldur
hafa dáið en að svíkja land sitt. Það
veiztu bezt sjálf. Og hún bætti við,
lágróma: — Og það getur hugsazt, að
hann sé dáinn, — það er ekkert ósenni-
legt, að hann sé dáinn.
Kata hafði snúið sér að henni og sagt
angistarfull: — Æ, Helga, ef þú veizt
eitthvað, þá verður þú að segja mér
það!
En Helga hafði hrist höfuðið: — Ég
veit ekkert!
Svo kom undursamlega blítt bros á
andlitið á henni og hún bætti við: -—•
En ég þekkti Frank vel um nokkurt
skeið.
— — Eftir nokkra stund var létta
hjalinu lokið. Þau sátu þegjandi og nög-
uðu hvort um sig sín kjúklingabein.
Loks leit Kata á hann og sagði:
—• Adrian, var það satt, sem þú sagð-
ir um Frank þarna heima hjá Dennison
forðum?
Hann varð niðurlútur. — Það var
sumpart satt. Það er að minnsta kosti
það, sem ég vil að þú trúir, og það
sem þú í augnablikinu .... verður að
trúa.
— En hvernig á ég að trúa, að Frank
sé landráðamaður? Ég þekkti hann út
og inn, Adrian. Ég er systir hans, og
veit, að hann hefði aldrei getað gert
þetta.
Adrian svaraði ekki beinlínis. í stað-
inn sagði hann: — En þú sást sjálf hve
breyttur hann var síðustu mánuðina í
Englandi.
— Já, ég gerði það, en það geta verið
aðrar ástæður til þess. Það gátu verið
persónulegar ástæður eingöngu.
— Já, sagði hann. — Það er mögu-
legt, Kata. En ég vissi, að honum var
þetta ekki sjálfrátt. Það var þess vegna
sem ég bað þig um að hindra að hann
færi hingað.
— Ég óska að ég hefði getað það!
sagði hún áköf.
— Þess óska ég líka, Kata, sagði hann
hljóðlega, og svo varð þögn aftur.
Kjúklingurinn varð kaldur á diskin-
um hennar.
— Hverig er sambandi þínu við Wil-
liams háttað? spurði hann allt í einu
upp úr þurru.
Kata svaraði hikandi: — Við erum
mjög góðir vinir, og það er ágætt að
vinna með honum, hann er alltaf vin-
gjarnlegur og nærgætinn. Síðustu vik-
una hefur hann unnið dag og nótt, en
hann er aldrei svo þreyttur, að hann
muni ekki, að ég get verið þreytt líka,
og hann sér alltaf um að ég fái nægi-
legan hvíldartíma.
Hann kinkaði kolli. Svo horfði hann
beint á hana.
— Segðu mér — treystir þú honum
að fullu og öllu, Kata?
Hún starði á hann. — Ég skil ekki
hvað þú átt við, Adrian. Vitanlega
Framh.

|

i
■ ’■ 1 1, 4 Lis, : '
lÍlll!
STJÖRNUSPÁIN
Hrútsmerkii:
Þér hafið verið dálítið bitur út í lifið og tilveruna að und-
anförnu og raunar haft ástæðu til þess. Sitthvað hefur geng-
ið á afturfótunum, en takið það ekki of nærri yður. — Hins
vegar mætti benda á, að þér eigið engu síður sök á ógæfunni
en sá, sem þér áfellist. mest.
Nautsmerkið:
Það er ekki ofmælt, að glatt hefur verið á hjalla í lifi yðar
að undanförnu, en nú er framundan róleg og viðburðarlítil
vika. Það væri ef til vill ráð að líta í kringum sig og gæta að,
hvort eitthvað hefur ekki verið vanrækt, meðan gleðin stóð
sem hæst..
Tvíburamerkið:
Atburðir þessarar viku gerast allir á sviði einkalífsins. Þér
kynnizt mörgu nýju fólki, — fólki, sem yður geðjast ekki
allskostar að í fyrstu, en lærið betur að meta síðar. Ungt
fólk lifir spennandi og rómantísk augnablik seinni hluta vik-
unnar.
Krabbamerkið:
Þetta verður góð vika og vika glæstra tækifæra. Gætið bess
þó vel að spenna ekki bogann of hátt, svo að allt fari vel og
giftusamlega. Á laugardag fáið þér fréttir, sem gera það að
verkum, að þér stanzið andartak og litið yfir farinn veg.
Þá uppgötvið þér ýmislegt, sem er vissulega athyglisvert.
Ljónsmerkið:
í>ér hafið í huga að vinna mikil stórvirki á næstunni, en
verið ekki of bráðlátur og leggið ekki alltof mikið á yður.
Það vill reynast bezt að flýta sér hægt og fara að öllu með
gát, því að Róm var ekki byggð á einum degi.
Jómfrúarmerkið:
Vikan einkennist af meðlæti og gleðilegum tíðindum og þér
njótið þess í ríkum mæli að vel hefur verið unnið og uppskorið
eins og til var sáð. Konur fæddar undir þessu merki fá loks-
ins tækifæri til þess að gera upp reikningana við mann, sem
vægast sagt hefur hegðað sér óskynsamlega og ókurteislega.
V ojjarskálalrmerkið:
I vikunni blandast saman gott. og illt, og ekki skuluð þér
æðrast, þegar móti blæs og flest sund virðast lokuð. Þegar
neyðin er stærst er hjálpin næst, segir máltækið, og það mun
sannast rækilega á yður í þessari viku. En þér skuluð taka
vel eftir, að hjálpin barst. frá þeim, sem þér bjuggust sízt við
að yrði yður að liði.
Sporðdrekamerkið:
Á fyrstu dögum þessarar viku skylduð þér viðhafa fyllstu
varkárni, sérstaklega þegar um viðskipti er að ræða. Undir-
skrifið enga samninga eða skuldbindingar, fyrr en líða tekur
á vikuna. Þér skuluð ekki vera of viðkvæmur í ástamálum
yðar.
Bo ffmannsmerkið :
Það hefur verið talsvert erfitt hjá yður fjárhagslega síðan
um áramót, en nú er allt. útlit fyrir, að lánið leiki við yður á
þessu sviði. Verið samt ekki of rausnarlegur fyrst í stað, en
reynið heldur að leggja eitthvað til hliðar. Það mun koma sér
vel, þegar aftur kreppir að.
Steinpeitarmerkið:
Þér lítið alltof bölsýnum augum á ástandið. í rauninni haf-
ið þér góð spil á hendinni, en hafið hingað t.il spilað illa á
þau. Góður vinur yðar mun bjóða yður hjálp sína og þér
skuluð þiggja hana með þökkum. Aðstoð hans mun fleyta yður
spölkorn áfram að settu marki.
Vatnsberamerkið:
Þér eruð vissulega léttlyndur, og skuluð hegða yður sam-
kvæmt því. Takið ekki mark á því, þótt sumir kunningjar yðar
gefi beinlínis í skyn, að glens yðar og gamanyrði séu leiðinda-
þrugl. Farið yðar eigin leiðir og veljið yður vini, sem eru
Ííka léttir í lund og kunna að meta kímni yðar.
Fiskmerkið:
Það verður ást.in og rómantíkin, sem grípur hug yðar mest
í þessari viku og þetta verður sæluvika hjá öllum þeim, sem
geta ákveðið sig í þessum efnum, enda þótt það virðist sannar-
Íega ekki auðvelt. Farið ekki að ráðum annarra heldur eftir
eigin höfði og sannfæringu.
21. MARZ —
20. APRÍL
21. APRlL —
21. MAl
22. MAÍ —
21. JÖNl
22. JÚNl —
22. JÚLl
23. JÚLÍ —
23. AGÚST
24. ÁGÚST—
23. SEPT.
24. SEPT. —
23. OKT.
24. OKT. —
22. NÓV.
23. NÓV. —
21. DES.
22. DES. —
20. JAN.
21. JAN. —
19. FEBR.
20. FEBR. —
20. MARZ