Fálkinn - 14.11.1962, Side 4

30 & heyrt
Þýzk leikkona, Karin Field að nafni, fékk góða hugmynd, er hún
ætlaði að fara dansa twist. Setti hún kringlótta leðurpjötlu, en
inni í henni var kúlulega, neðan á skósólann. Twistskórnir höfðu
verið fundnir upp. Þegar Karin sýndi sig fyrst á þessum skóm,
var ekki laust við að sumar meyjarnar öfunduðu hana, en flestir
voru hrifnir af hugmyndinni. Leikkonan hefur nú sótt um einka-
leyfi á uppfinningu sinni.
Hérna áður fyrr börðust hnefaleikarar ber-
hentir. Ekki hindraði það þá í að slá á fleira
en mannskjálka. Svo er sagt, að einn af hinum
fornu köppum hafi rekið hnefann í gegnum 2
cm þykka tréhurð án þess að nokkuð sæist á
hendinni. En leyndardómurinn á bak við þetta,
var sá, að þeir lögðu hendurnar í saltlög, en
það kom í veg fyrir, að húðin rifnaði, þegar
þeir slógu.
Dagbókin.
Við komumst í dagbókina hjá ungri stúlku, sem ferðaðist í sum-
ar með einu af okkar ágætu farþegaskipum. Við segjum ekki ann-
að en það, að margt getur gerzt á sæ.
Fimmtudagur 10. ágúst: — Hafið er yndislegt og blátt. Skip-
stjórinn sagði mér í trúnaði, að hann væri ástfanginn af mér.
Föstudagur 11. ágúst: — Mikill hópur af múkka við skipið. Skip-
stjórinn ógnaði mér og sagðist mundu sökkva skipinu, ef ég endur-
gyldi ekki ást hans.
Laugardagur 12. ágúst: — Yndislegt veður. Ligg í sólbaði. Ég
hef bjargað skipinu og öllum farþegunum.
Fyrir nokkrum árum voru reistir níu risa-
stórir skýjakljúfar. Tveir þeirra hrundu strax
og þeir voru komnir undir þak.. Blað eitt í
Brazilíu lýsti óhappinu á þessa leið: — Þetta
var allt saman mjög hentugt. Maður fór bara
inn í forstofuna, og ef maður ætlaði upp í lyftu
ýtti hann bara á hnapp, og þá komu allar hæð-
irnar niður til hans.
Spánskur vínframleiðandi ákvað að flytjast
búferlum til Afríku. En hann vildi selja upp
vínbirgðir sínar áður en hann færi úr landi.
vínið var bæði gott og ódýrt, en hann átti óhemju
birgðir af því og enda þótt verðið lækkaði
stöðugt gekk ekkert svo að segja á birgðirnar.
Loksins fór að ganga eitthvað á þær, þegar
hann fór að selja vínið þannig að menn máttu
drekka eins mikið og þeir gátu gegn ákveðinni
borgun.
Eitt sinn kusu
bandarískir íþrótta-
fréttamenn Kennedy
forseta bezta íþrótta-
blaðamann ársins.
John F. Kennedy
hefur ritað grein um
æskuna og íþrótt-
irnar og sú grein olli
því, að hann fékk verðlaunin. Dómnefndin
lýsti kjöri Kennedy forseta á þessa leið:
— Það er leiðinlegt, að John F. Kennedy
skuli hafa annan starfa. Annars hefði hann
verið með beztu íþróttafréttariturum okkar.
★
Ung stúlka var borðdama Peary, hins
kunna pólarfara, í samkvæmi nokkru. Hún
var málug mjög og spurði hinn fræga mann
um allt, sem snerti heimskautaferðir. Peary
svaraði henni hæversklega unz hún spurði:
— Hvernig veit maður, að maður er kom-
inn á Norðurpólinn?
— O, sagði Peary, það er ekkert auðveld-
ara. Maður stigur bara eitt skref af pólnum,
skiljið þér, og þá verður norðanáttin sunnan-
vindur.
★
Alfred Hitchock
var eitt sinn staddur
í Róm, meðan upp-
takan á Kleopötru
fór fram.
— Og hugsaðu þér
bara, var sagt við
hann, Elizabeth Tay-
lor fær eina milljón
dala fyrir að leika í
myndinni.
— Nújá, sagði Hitc-
hock, — eina milljón
— látum oss nú sjá. Ég man nú þá tíma, þá
gömlu góðu daga, þegar hægt var að ráða
Elizabethu fyrir 750.000 . .. en ég er nú líka
að verða gamall.
★
Sú saga er sögð um Isador Duncan, hina
frægu dansméy, og Bernard Shaw, að hún
hafi eitt sinn skrifað honum og harmað það,
að þau gátu ekki átt barn saman. „Hugsið
yður“, reit hún, „hvernig barnið mundi verða,
ef það erfði minn líkama og gáfur yðar“. Það
stóð ekki á svarinu hjá Shaw: „Veit ég það
vel“, reit hann „en gerum nú ráð fyrir að
barnið hljóti minn líkama og gáfur yðar.“
★
Ernest Marples, brezki ráðherrann, hélt
eitt sinn ræðu í skóla, þar sem hann hafði
numið í æsku. Hann sagði nemendunum frá
því, að hann hefði opnað' með gufu umslagið,
sem í var einkunn hans og skýrsla um hegðun
hans í skólanum. Þegar hann kom heim, fór
hann í skrifborð föður síns og fann þar eink-
unnir hans. Hann sagðist svo hafa rétt föður
sínum bæði umslögin í einu. Marples bætti
svo við í ræðunni: — Ég skal segja ykkur,
drengir, að þetta varð upphafið að mínum
pólitíska ferli.
4 FÁLKINN