Fálkinn - 24.02.1964, Blaðsíða 29

KÓPAVOGSBÍÓ SÝNIR
DÁLEIDDI BANKA-
GJALDKERINN
Bráðlega mun Kópavogsbíó hefja sýningar á ensku gaman-
myndinni Dáleiddi Bankagjaldkerinn. Þetta er mjög skemmti-
leg mynd og vel þess virði að leggja leið sína suður í Kópavog
til að sjá hana.
Henry er duglegur og reglusamur ungur maður sem komið
hefur sér vel áfram og fengið góða bankagjaldkerastöðu í
banka nokkrum. Hann á snoturt hús og snotra konu og þau
hjónin lifa mjög reglusömu og rólegu lífi. Charley bróðir
Henry er andstæða hans. Hann er kviklyndur og hinn mesti
afglapi í fjármálum og það er hann sem kemur Henry út í
þau ævintýri sem myndin segir frá.
Dag nokkurn gefur Charley út falska ávísun í leikhúsi
nokkru og Henry fer á stað til að greiða hana. Þar er upp-
hafið að hinum ótrúlegu ævintýrum hans. Leikhússtjórinn
verður svo hrifinn af að fá þessa ávísun greidda að hann býður
Henry að vera viðstaddan kabarettsýninguna um kvöldið.
Þar lendir Henry í klónum á dávaldi sem breytir honum
mjög. Og áður en dávaldurinn getur tekið Henry úr dáinu
gerast ýmsir atburðir á sviðinu svo Henry fer heim í sínu
dái. Nú er hann gjörbreyttur maður og engnn þekkir hann
sem slíkan. Gerast nú margir atburðir hver öðrum skemmti-
legri, sem óþarfi er að rekja nánar hér enda sjón. sögu ríkari.
Brandararnir eru margir hreint afbragð jafnvel hinir þung-
lyndustu neyðast til að brosa.
Myndin er gerð eftir samnefndu leikriti Vernon Sylvaine
og leikstjóri er Michael Anderson.
Aðalhlutverkið Henry bankagjaldkera leikur George Cole.
Hann er nú rétt um fertugt og hefur leikið í fjölda kvikmynda.
1941 lék hann í fyrstu mynd sinni þá aðeins 17 ára gamall.
Framhald á hls S9