Fréttablaðið - 03.10.2009, Side 44

„Það hefur voðalega fátt breyst á
þessum fimmtíu árum. Þá endaði
ég lag um stjórnmálamenn á að
syngja um Bjarna Ben, og það geri
ég enn í dag,“ segir Ómar Ragn-
arsson og hlær sínum landsþekkta
hlátri. Ómar heldur upp á hálfrar
aldar skemmtanaafmæli úti á landi
í Tjarnarborg í Ólafsfirði í kvöld
klukkan 20.30. Áður hafði Ómar
rifjað upp fyrstu skemmtun sína
í Reykjavík á sama stað.
Ómar skemmti í fyrsta sinn
í Reykjavík um áramótin 1959,
en utan höfuðborgarsvæðisins
skemmti hann fyrst í Ólafsfirði.
Hann segir áhorfendur eiga von
á góðu. „Þetta verður tveggja
tíma skemmtidagskrá, alvöru pró-
gramm. Ég byrja á að rifja upp
fyrstu skemmtunina mína á staðn-
um og feta mig svo eftir áratug-
unum fram til dagsins í dag. Það
verður glens og grín og líka fjölda-
söngur, sem er einstakur vegna
þess að ég og enginn annar hefur
hann á prógramminu hjá sér. Og
svo mun ég flytja skemmtidagskrá
sem Haraldur Á. Sigurðsson, guð-
faðir minn og höfuðpaur revíanna,
flutti í Ólafsfirði á sama héraðs-
móti og ég steig mín fyrstu spor í
bransanum,“ segir Ómar.
Haukur Heiðar Ólafsson, undir-
leikari Ómars til margra ára, verð-
ur með Ómari í för í Ólafsfirði.
Einnig er von á ýmsum fleiri gest-
um. Ekki er loku fyrir það skotið að
Hafliði Jónsson, sem spilaði undir
hjá Ómari fyrir hálfri öld og er nú
á tíræðisaldri, taki upp þráðinn og
rifji upp gamla takta. Þá er hugs-
anlegt að Ragnhildur Helgadóttir
láti sjá sig, en sem nýkjörinn þing-
maður hélt hún aðalræðuna á hér-
aðsmótinu fyrir fimmtíu árum.
Húsið opnar klukkan 20.30 og
verð aðgöngumiða er 2.500 krón-
ur. Vakin er athygli á því að aðeins
þessi eina skemmtun er í boði.
kjartan@frettabladid.is
Fátt breyst í fimmtíu ár
Ómar Ragnarsson heldur upp á hálfrar aldar skemmtanaafmæli úti á landi í Tjarnarborg í Ólafsfirði í
kvöld. Áður hafði hann rifjað upp fyrstu skemmtun sína í Reykjavík. Ómar lofar alvöru prógrammi.
Ómar Ragnarsson, sem skemmtir í Tjarnarborg í Ólafsfirði í kvöld, festi kaup á eðal vestur-þýskum NSU Prinz, svörtum að lit, fyrir
réttum fimmtíu árum. Ómar segir hann hafa verið sparneytnasta og umhverfisvænasta bíl á Íslandi á sínum tíma. Gula bílinn
keyrði hann meðal annars í Gay Pride-göngunni í ágúst. FRÉTTABLAÐIÐ/GVA
FYRIRLESTRAR um merkar athuganir stjörnufræðingsins Rasmus
Lievog í Lambhúsum á ofanverðri 18. öld verða haldnir í Bessastaða-
kirkju í dag. Dagskráin hefst klukkan 14 en upplýsingar um hana er að
finna á vefsíðunni www.alftanes.is.
Yfir 750 hreinræktaðir hundar af
yfir áttatíu hundakynjum mæta
í dóm á hundasýningu Hunda-
ræktarfélags Íslands um helgina.
Hundasýningin er haldin í Reið-
höllinni í Víðidal í dag og á morg-
un. Megintilgangur hundasýninga
er að meta hundana út frá rækt-
unarmarkmiði hvers kyns og leið-
beina ræktendum þannig í starfi
sínu.
Dómar hefjast klukkan 9 árdeg-
is báða daga og standa fram eftir
degi. Fimm dómarar frá þrem-
ur löndum, Belgíu, Danmörku og
Írlandi, dæma í fimm sýningar-
hringjum samtímis. Úrslit á morg-
un hefjast upp úr klukkan 14 og
kemur þá í ljós hvaða hundar bera
af að mati dómara.
Í dag verða heiðraðir stigahæsti
hundur og öldungur ársins ásamt
afreks- og þjónustuhundi ársins
2009.
Í anddyri Reiðhallarinnar verða
kynningarbásar um ólík hunda-
kyn. Þar gefst gestum kostur á
að kynnast hundum og ræða við
hundaeigendur, auk þess sem á
staðnum verður fjöldinn allur af
sölu- og kynningarbásum þar sem
ýmis tilboð verða.
Hundasýning í Reið-
höllinni um helgina
Schäferhundurinn Caty von Oxalis ásamt eiganda sínum, Örnu Rúnarsdóttur. Caty
var valinn besti hundur afmælissýningar HRFÍ 23. ágúst síðastliðinn.
Kraftur, stuðningsfélag fyrir ungt
fólk sem greinst hefur með
krabbamein, stendur fyrir sól-
argöngu í miðbæ Reykjavíkur í
dag.
Gangan er farin í tilefni af tíu
ára afmæli Krafts. Hún hefst
klukkan 14 og gengið verður frá
Hallgrímskirkju niður að Ingólfs-
torgi þar sem tekið verður á móti
göngumönnum með hátíðar-
dagskrá.
Í lokin verður 1.300 blöðrum
sleppt, en það er sá fjöldi sem
greinist árlega með krabbamein.
Sólarganga Krafts
GENGIÐ VERÐUR FRÁ HALLGRÍMS-
KIRKJU OG NIÐUR Á INGÓLFSTORG
Í DAG TIL AÐ MINNAST ÞEIRRA SEM
GREINST HAFA MEÐ KRABBAMEIN.
Lagt verður af stað frá Hallgríms-
kirkju klukkan 14.
Flóamarkaður í Kaffi Hljómalind
MYNDLISTARNEMAR SAFNA FYRIR FERÐ TIL PRAG.
Fornámsdeild Myndlistarskólans í Reykjavík heldur flóamarkað í dag í
Kaffi Hljómalind á Laugavegi 23. Markaðurinn stendur yfir frá 11-17.30.
Markmið flóamarkaðarins er
að safna fyrir ferð fornáms-
deildarinnar til Prag. Verk-
efnið gengur út á samvinnu
íslenskra og tékkneskra
nema í formi fræðsluefnis
frá Tékkunum og heimasíðu-
gerðar og listrænnar upp-
setningar af hálfu íslensku
nemendanna. Tékknesku
nemendurnir eru 20 talsins
en þeir íslensku eru 32.
BYLGJAN ÞAKKAR HLUSTENDUM
SAMFYLGDINA Á HVERJUM DEGI
Hlustendur Bylgjunnar eru í eftirsóttasta
markhópnum og stærsta neysluhópnum.
Bylgjan ber af og tryggir að skilaboð
auglýsenda komist áleiðis til mikilvægasta
markhópsins.
Samkvæmt mælingum Capacent á hlustun í mínútum í
aldurshópnum 18 – 49 ára, vika 33, 2009.