Fréttablaðið - 20.10.2009, Blaðsíða 26
22 20. október 2009 ÞRIÐJUDAGUR
sport@frettabladid.is
Stelpurnar okkar verða á ferðinni um helgina sem og í næstu viku
en fram undan eru tveir leikir hjá þeim í undankeppni HM 2011.
Báðir leikirnir verða spilaðir ytra en Ísland mætir Frakklandi á
laugardag og síðan Norður-Írum á miðvikudag.
Má segja að leikurinn gegn Frökkum sé annar tveggja
úrslitaleikja í riðlinum enda Ísland og Frakkland klárlega
sterkustu liðin í riðlinum. Leiðin á HM er löng enda
dugar ekki að vinna riðilinn til þess að komast á
HM. Sigurvegari riðilsins þarf nefnilega að mæta
sigurvegara annars riðils og sigurvegarinn í því
umspili kemst á HM.
„Því er ekki að neita að ég hefði alveg
verið til í að spila við eitthvað annað lið
en Frakkland. Ég er orðinn pínuþreyttur og
hefði verið fínt að fá smá tilbreytingu,“ sagði
Sigurður Ragnar Eyjólfsson landsliðsþjálfari
spurður hvort hann væri ekki búinn að fá nóg af
því að spila á móti Frökkum enda hafa liðin mæst
ansi oft á síðustu árum.
„Vonandi er það þannig að þetta sé annar af úrslitaleikjun-
um í riðlinum en ég hef samt smá áhyggjur af þessum leik
gegn Norður-Írum enda vitum við ekki mikið um liðið og
rennum nokkuð blint í sjóinn. Við erum samt klárlega með
sterkara lið en það er samt aldrei þægilegt að mæta liði sem
maður veit ekki nógu mikið um,“ sagði Sigurður Ragnar.
Landsliðið er með alla sína sterkustu leikmenn, en Guðrún
Sóley Gunnarsdóttir getur ekki leikið vegna meiðsla.
„Hún er búin að vera frábær og hefur spilað nánast alla
leiki undir minni stjórn. Við eigum bæði Ernu og Sif sem
og Ástu sem allar geta tekið þessa stöðu,“ sagði Sigurður
Ragnar sem ætlar sér stóra hluti með liðið sem fyrr.
„Að sjálfsögðu ætlum við okkur sigur í þessum riðli.
Annars tæki því varla að standa í þessu. Við höfum sett
okkur það markmið að komast á HM og þá verðum við
að vinna riðilinn og gott betur. Þetta verður því erfitt
verkefni,“ sagði Sigurður en aðeins fimm lið frá Evrópu fá
þáttökurétt á HM sem verður haldið í Þýskalandi.
SIGURÐUR R. EYJÓLFSSON: TILKYNNTI LANDSLIÐSHÓPINN FYRIR LEIKINA GEGN FRÖKKUM OG NORÐUR-ÍRUM
Orðið svolítið þreytandi að mæta Frakklandi
FÓTBOLTI Ein besta knattspyrnukona landsins, Guðrún
Sóley Gunnarsdóttir, er ekki í landsliðinu að þessu
sinni enda er hún að glíma við erfið höfuðmeiðsli.
Guðrún Sóley fékk heilahristing í fyrsta leik EM
í Finnlandi gegn Frökkum og svo aftur í leik
með Djurgarden á dögunum. Síðan þá hefur
hún verið með mikinn höfuðverk og ekki
liðið vel. Guðrún er því komin til
Íslands og gekkst undir rannsókn-
ir vegna meiðslanna í gær.
„Það eru þrjár vikur síðan
ég fékk seinni heilahristing-
inn og ég hef í rauninni
ekkert lagast síðan. Er
stanslaust með haus-
verk ásamt því að
vera þreytt,“ sagði Guðrún Sóley en líklegt
er talið að þetta séu venjuleg eftirköst heila-
hristingsins en þau koma ef fólk fer sér ekki
hægt. Það hefur Guðrún ekki verið að gera
enda mætt á æfingar, spilað og ekki síst
skallað boltann sem er óhjákvæmileg-
ur hluti leiksins.
„Ég spilaði þrjá leiki á EM eftir þetta
og áttaði mig ekki á því þá að þetta gæti
verið alvarlegt. Svo fór ég beint til Svíþjóð-
ar og hélt áfram í stað þess að taka hvíld
sem ég hefði líklega átt að gera,“ sagði Guð-
rún og neitaði því ekki að það væri óþægi-
leg tilfinning að vita ekki nákvæmlega
hvað væri að sér í höfðinu.
„Það er óþægilegt að vita ekki
hvað er að. Svo er ég oft þreytt og
þetta er búið að vera svona svo-
lítið lengi. Það er líka þannig
að ef maður hefur feng-
ið heilahristing eru meiri
líkur á að þetta komi
fyrir aftur,“ sagði
Guðrún Sóley sem
gæti hugsanlega
þurft að hvíla sig í einhverjar vikur til
viðbótar. - hbg
Guðrún Sóley Gunnarsdóttir gæti verið lengi frá vegna höfuðmeiðsla:
Með hausverk í heilar þrjár vikur
GUÐRÚN SÓLEY
Ekki með
landsliðinu
og munar um
minna.
FRÉTTABLAÐIÐ/STEFÁN
LANDSLIÐSHÓPURINN
Átján manna hópurinn sem mætir
Frökkum og Norður-Írum.
Guðbjörg Gunnarsdóttir Djurgarden
Þóra B. Helgadóttir Kolbotn
Ásta Árnadóttir Tyresö
Erna B. Sigurðardóttir Breiðablik
Katrín Jónsdóttir Valur
Ólína G. Viðarsdóttir Örebro
Sif Atladóttir Valur
Edda Garðarsdóttir Örebro
Erla Steina Arnardóttir Kristianstad
Hólmfríður Magnúsdóttir Kristianstad
Katrín Ómarsdóttir KR
Sara Björk Gunnarsdóttir Breiðablik
Dóra María Lárusdóttir Valur
Fanndís Friðriksdóttir Breiðablik
Guðný B. Óðinsdóttir Kristianstad
Kristín Ýr Bjarnadóttir Valur
Margrét Lára Viðarsdóttir Kristianstad
Rake Hönnudóttir Þór
FÓTBOLTI Ensku félögin Arsen-
al og Liverpool verða í eldlín-
unni í Meistaradeild Evrópu í
kvöld en staða félaganna er held-
ur ólík innan riðla sinna. Arsen-
al getur með sigri farið langt með
að tryggja sig áfram í milliriðil en
Liverpool má helst ekki tapa til
þess að lenda ekki í tómum vand-
ræðum.
Eftir brösugt gengi hjá Arsenal í
fyrstu umferð riðlakeppninnar þar
sem Lundúnafélagið rétt marði 2-
3 útisigur gegn Standard Liege
fylgdi þægilegur 2-0 sigur gegn
Olympiakos í annarri umferðinni.
Með sigri gegn AZ Alkmaar á úti-
velli í kvöld komast „byssustrák-
arnir“ hans Arsene Wenger því
með annan fótinn í milliriðilinn.
AZ Alkmaar og Arsenal hafa aldrei
mæst í alvöru leik áður en Arsenal
mætti hollenska félaginu í vígslu-
leik DS-leikvangsins árið 2006 þar
sem Arsenal fór með 0-3 sigur af
hólmi. Wenger fékk slæm tíðindi
fyrir leikinn því meiðsli Theos
Walcott eru alvarlegri en fyrst var
haldið og hann verður ekkert með
næstu þrjár til fjórar vikurnar. Þá
verður Tomas Rosicky ekki heldur
með frekar en Nicklas Bendtner,
Denilson, Eduardo da Silva og
Johan Djourou. Gael Clichy stóðst
þó læknisskoðun og verður í leik-
mannahópunum.
Liverpool hefur ekki verið sann-
færandi í tveimur leikjum sínum
til þessa í riðlakeppninni. Í fyrstu
umferð vannst 1-0 sigur gegn
Debrecen en í annarri umferð-
inni steinlá félagið 2-0 gegn Fior-
entina í Flórens. Liverpool þarf
því helst á sigri að halda á Anfield
gegn Lyon í kvöld en franska félag-
ið hefur unnið báða leiki sína til
þessa í riðlinum. Liverpool hefur
aldrei mætt Lyon áður í alvöru
leik en hefur þó ærna ástæðu til
bjartsýni þar sem félaginu hefur
vegnað vel gegn frönskum félög-
um á heimavelli sínum til þessa og
unnið níu af ellefu leikjum og gert
eitt jafntefli. Knattspyrnustjórinn
Rafa Benitez getur einnig glaðst
yfir því að fyrirliðinn Steven Gerr-
ard er leikfær að nýju eftir að hafa
misst af tapleiknum gegn Sunder-
land um helgina. Fernando Torres
er þó enn frá vegna meiðsla og
verður ekki í leikmannahópnum
í kvöld.
„Að fá Gerrard aftur er gríðar-
lega mikill meðbyr fyrir okkur en
Torres er ekki í það góðu standi að
við getum tekið áhættu með hann.
Við þurfum nauðsynlega á sigri að
halda gegn Lyon ekki bara upp á
stöðuna í riðlinum heldur einnig
til þess að byggja upp sjálfstraust
fyrir leikinn gegn Manchester
United um helgina,“ sagði Benitez
á blaðamannafundi í gær.
omar@frettabladid.is
Gerrard með en ekki Torres
Steven Gerrard er leikfær að nýju þegar Liverpool mætir Lyon í mikilvægum
leik í riðlakeppni Meistaradeildarinnar í kvöld. Arsenal mætir AZ Alkmaar.
GERRARD OG TORRES Var sárt saknað þegar Liverpool tapaði fyrir Sunderland um
helgina. Steven Gerrard er leikfær gegn Lyon í kvöld en Fernando Torres er enn frá
vegna meiðsla. NORDIC PHOTOS/GETTY
LEIKIR KVÖLDSINS
E-riðill:
Debrecen-Fiorentina
Liverpool-Lyon Stöð 2 Sport
F-riðill:
Barcelona-Rubin Kazan Stöð 2 Sport 4
Inter-Dynamo Kiev
G-riðill:
Rangers-Unirea Urziceni
Stuttgart-Sevilla
H-riðill:
AZ Alkmaar-Arsenal Stöð 2 Sport 3
Olympiakos-Standard Liege
> Stórleikir í 32 liða úrslitum
Í gær var dregið í forkeppni og 32 liða úrslit Subway-
bikars karla í körfubolta og vægast sagt hægt að segja
að strax verði boðið upp á mjög áhugaverða leiki. Þrír
innbyrðis leikir liða í Iceland Express-
deildinni eru á boðstólum í 32 liða
úrslitum að þessu sinni. Bikarmeist-
arar Stjörnunnar fá Keflvíkinga í
heimsókn, Breiðablik tekur
á móti FSu og Íslands-
meistarar KR heimsækja
Njarðvíkinga. Leikirnir í 32
liða úrslitunum verða spilaðir
7.-8. nóvember. Nánar má lesa
um dráttinn á Vísi.
Iceland Express-deild karla
Breiðablik-Snæfell 62-81 (29-40)
Stigahæstir hjá Breiðabliki: John Davis 20,
August Angantynsson 10.
Stigahæstir hjá Snæfelli: Jón Ólafur Jónsson 26,
Hlynur Bæringsson 18 (21 frákast), Sigurður Á.
Þorvaldsson 13 (9 fráköst).
Stjarnan-Keflavík 82-73 (37-33)
Stigahæstir hjá Stjörnunni: Justin Shouse 24,
Jovan Zdravevski 22, Fannar Freyr Helgason 20
(18 fráköst), Kjartan Atli Kjartansson 11 (8
fráköst).
Stigahæstir hjá Keflavík: Gunnar Einarsson 18,
Hörður Axel Vilhjálmsson 17 (8 fráköst), Rashon
Clark 11, Sigurður Gunnar Þorsteinsson 10.
Fjölnir-Grindavík 85-90 (44-44)
Stigahæstir hjá Fjölni: Christopher Smith 23,
Ægir Þór Steinarsson 17, Arnþór Freyr Guð-
mundsson 13, Ingvaldur Magni Hafsteinsson 12.
Stigahæstir hjá Grindavík: Amani Daanish 29
(9 fráköst), Páll Axel Vilbergsson 20 (8 fráköst),
Þorleifur Ólafsson 18, Brenton Birmingham 12.
Enska úrvalsdeildin
Fulham-Hull 2-0
1-0 Bobby Zamora (43.), 2-0 Diomansy Kamara
(64.).
Undankeppni HM 2010
Leikir í umspili sem fer fram 14. og 18. nóv.
Portúgal-Bosnía/Hersegóvína
Írland-Frakkland
Grikkland-Úkraína
Rússland-Slóvenía
ÚRSLIT
Grétar Arnbergsson á Flateyri axlarbrotnaði þann 14. mars 2009. Bæklunarlæknirinn hans var ekki
bjartsýnn á að almennileg virkni næðist í axlarliðinn. Grétar byrjaði að taka HAFKALK um mánaða-
mótin júní/júlí og er sannfærður um að beinin hafi gróið fyrr og betur en annars hefði verið. Hafkalkið
hafi fl ýtt fyrir bata og hreyfi getan sé mun betri en búist var við. Að öðru leyti segist Grétar fi nna mikinn
mun á sér, verkir í hnjánum séu horfnir. Hann hafi ekið frá Borgarfi rði eystri og til Flateyrar síðla
sumars, án mikillar hvíldar, og lítið fundið fyrir verk í mjaðmarlið. Liðverkirnir hefðu verið að plaga
hann lengi og Grétar segist geta mælt með hafkalkinu, það virki!
Kalkþörungar úr Arnarfi rði innihalda u.þ.b. 30% Kalsíum, 2% Magnesíum og stein- og
snefi lefni eins og járn, sink, selen, kalíum, mangan, joð og kóbalt.
Fæst í öllum helstu lyfja- og heilsubúðum
Grétar Arnbergsson „Grétar á gröfunni”
Styrkir brjósk og bein og getur dregið úr liðverkjum vegna slitgigtar
KÖRFUBOLTI Annarri umferð Ice-
land Express-deildar karla í
körfubolta lauk í gærkvöldi með
þremur leikjum. Snæfell vann
öruggan 62-81 sigur gegn Breiða-
bliki, Stjarnan vann 82-73 sigur
gegn Keflavík og Grindvíkingar
unnu nauman sigur gegn Fjölni.
Þrátt fyrir að heimamenn í
Breiðabliki hafi byrjað betur
gegn Snæfelli í Smáranum í gær
þá varð afleitur annar leikhluti
Blika þeim að falli. Snæfell leiddi
29-40 í hálfleik og hélt ótrautt
áfram og vann að lokum nítján
stiga sigur, 62-81.
Stjarnan var alltaf skref-
inu á undan Keflavík í leik lið-
anna í Garðabæ í gær en staðan
í hálfleik var 57-54 fyrir Stjörn-
una. Keflvíkingar náðu reyndar
að jafna leikinn 60-60 snemma
í lokaleikhlutanum áður en
Stjörnumenn gáfu í á nýjan leik
og unnu að lokum 82-73 sigur.
Flestir bjuggust við auðveldum
sigri Grindavíkur gegn Fjölni í
Grafarvogi en það varð alls ekki
tilfellið. Staðan var jöfn 44-44 í
hálfleik og Fjölnismenn leiddu
leikinn allt þangað til í blálok-
in þegar taugar gestanna voru
sterkari. Grindavík vann 85-90
og hefur unnið báða leiki sína,
líkt og Stjarnan og Snæfell. - óþ
Iceland Express-deild karla:
Tæpur sigur
Grindvíkinga
HLYNUR BÆRINGSSON Átti fínan leik
með Snæfelli í gærkvöld. FRÉTTABLAÐIÐ/ANTON