Fréttablaðið - 20.10.2009, Blaðsíða 13

ÞRIÐJUDAGUR 20. október 2009 13
ÍTALÍA, AP Ítalska stjórnin segir
ekkert hæft í því að leyniþjón-
usta landsins hafi greitt talibönum
í Afganistan stórfé fyrir að láta í
friði landsvæði þar, sem ítalskir
hermenn höfðu umsjón með.
Breska dagblaðið Times heldur
þessu fram og segir að talibanarn-
ir hafi jafnframt lofað því að segja
ekki frá þessu fyrirkomulagi.
Silvio Berlusconi, forsætisráð-
herra Ítalíu, segir þennan frétta-
flutning þvætting og hótar því að
lögsækja blaðið.
Samkvæmt Times greiddu Ítal-
ir tugi þúsunda Bandaríkjadala til
leiðtoga og stríðsherra talibana-
hreyfingarinnar í Surobi-héraði,
sem er skammt austan við höfuð-
borgina Kabúl. Vitnað er í yfir-
menn í fjölþjóðaliði Bandaríkj-
anna og NATO í Afganistan, sem
ekki eru þó nafngreindir.
Ítalska stjórnin er í blaðinu sökuð
um að hafa ekki látið bandamenn
vita, sem kom sér illa fyrir franska
herliðið þegar það tók við stjórninni
í Surobi af Ítölum um mitt síðasta
ár. Frakkar hafi talið ástand örygg-
ismála í héraðinu gott, en stuttu
síðar var gerð árás á franska her-
deild þar. Sú árás kostað tíu franska
hermenn lífið og olli töluverðu pól-
itísku róti í Frakklandi.
Christophe Prazuck, talsmaður
franska hersins, sagðist ekki hafa
neinar upplýsingar sem styddu
frétt breska dagblaðsins. - gb
Breskt dagblað sakar Ítali um að hafa greitt talibönum fyrir grið í Afganistan:
Ítalir segja ásakanir um mútur fráleitar
UPPNÁM Í FRAKKLANDI Frakklandsfor-
seti á tali við ítalska hermenn í Kabúl
daginn eftir mannskæða árás í Surobi-
héraði í ágúst 2008. FRÉTTABLAÐIÐ/AP
ÖRYGGISMÁL „Ég hirti nokkrar
þvottavélar og þurrkara handa
heimilisfólkinu mínu og gaf
nokkrum íþróttafélögum nokkur
eintök,“ segir Tómas J. Knútsson,
sem tók að sér að farga um 300
heimilistækjum af varnarsvæðinu
á Keflavíkurflugvelli.
Ofangreind ummæli Tómasar
eru úr tölvuskeyti hans til raf-
magnsöryggissviðs Brunamála-
stofnunar. Tómas sendi skeyt-
ið einnig til Fréttablaðsins sem
á föstudag sagði frá því að Raf-
iðnaðarsamband Íslands teldi að
heimilistæki sem áður tilheyrðu
her Bandaríkjanna væru seld eða
gefin út af vallarsvæðinu í trássi
við lög sem banna notkun þeirra
hérlendis.
Í skeyti Tómasar kemur fram að
tækin sem hann átti að koma í lóg
hafi verið í íbúðum þar sem rekstr-
araðilar á Ásbrú hafi verið búnir að
breyta rafmagnsspennu úr amer-
íska 110 volta kerfinu yfir í 220
volta kerfið íslenska. „Ég hef bent
öllum aðilum á það að kaupa réttu
straumbreytana hjá réttum aðil-
um,“ útskýrir Tómas.
Rafiðnaðarsambandið segir að
notkun tækjanna ofan af Kefla-
víkurflugvelli í „íslensku rafum-
hverfi“ geti verið lífshættuleg og
hefur vísað málinu til rafmagnsör-
yggissviðs Brunamálastofnunar.
Jóhann Ólafsson sviðsstjóri sagði
í Fréttablaðinu á föstudag að þótt
tækin væru ólögleg væru þau ekki
lífshættuleg. - gar
Maður, sem beðinn var um að farga 300 heimilistækjum af Keflavíkurflugelli:
Hirti nokkrar þvottavélar og þurrkara
STJÓRNSÝSLA Ríkisendurskoðun
ætlar eftirleiðis einvörðungu að
birta skýrslur sínar á vef sínum
en ekki á prenti. Er það gert í
sparnaðarskyni.
Í frétt á vef Ríkisendurskoðun-
ar segir að stofnunin hafi á þessu
ári gert ýmsar ráðstafanir til að
minnka rekstrarkostnað enda
fyrirséð að fjárveitingar dragist
verulega saman á næstunni.
Árlega gefur Ríkisendurskoðun
út fjölda skýrslna með niðurstöð-
um endurskoðunar- og annarra
eftirlitsverkefna. Athuganir sýna
að lestur þeirra á heimasíðunni
hefur aukist verulega á undan-
förnum árum. - bþs
Ríkisendurskoðun sparar:
Hætt verður að
prenta skýrslur
HVERAGERÐI Breytingar urðu á háhita-
svæðum í bænum í stórskjálftunum í
maí í fyrra.
SVEITARFÉLÖG Bæjarráð Hvera-
gerðis tekur undir með Háskóla-
félagi Suðurlands og skorar á
ríkið að endurskoða áform um
að fella niður fimmtán milljóna
króna framlag til Rannsóknar-
miðstöðvar í jarðskjálftaverk-
fræði á Selfossi. Rannsóknir
miðstöðvarinnar hafi gegnt afar
mikilvægu hlutverki á undan-
förnum áratug sem seint verði
ofmetið. „Því væri það í hæsta
máta óráðlegt að tefla í tvísýnu
þeim viðamiklu rannsóknum
sem þegar eru hafnar eða eru í
bígerð,“ segir bæjarráð Hvera-
gerðis og ítrekar við dómsmála-
ráðherra að það væru alvarleg
mistök að slá framlag ríkisins af.
- gar
Sunnlendingar mótmæla:
Rannsóknir á
jarðskjálftum
verði óskertar
ERLEND HRAÐBRAUT Ítali á fimmtugs-
aldri sveigði heldur betur af réttri braut í
sunnudagsbíltúr sínum um Sviss en var
stöðvaður af lögreglu.
SVISS, AP Ítalskur maður er talinn
hafa brotið einar 15 umferðar-
reglur á 11 mínútum með ofsa-
akstri í rigningu og roki um Aust-
ur-Sviss á sunnudag.
47 ára gamall ökuþórinn geyst-
ist fram úr ómerktum lögreglu-
bíl á 160 kílómetra hraða á jeppa
sínum. Lögregla segir hann hafa
farið hættulega nærri öðrum
bílum á hraðbraut og látið skila-
boð lögreglu um að stöðva bílinn
sem vind um eyru þjóta. Hann
fór svo um byggingarsvæði á
140 kílómetra hraða, tvöföldum
hámarkshraða, áður en tókst að
stöðva hann.
Ítalinn var sviptur ökuskírteini
á staðnum og skikkaður í lyfja-
próf af dómara. - óká
Háskaakstur í Austur-Sviss:
Fimmtán brot á
ellefu mínútum
ÞVOTTAVÉLUM HENT Í
SUMAR Tómas J. Knútsson,
sem átti að farga heimilis-
tækjum, kveðst hafa gefið
nokkur þeirra til áfram-
haldandi notkunar.
M
YN
D
/B
LÁ
I H
ER
IN
N
Byrjað verður að bólusetja sjúklinga í tilgreindum
forgangshópum og þungaðar konur á heilsugæslustöðvum
um land allt mánudaginn 2. nóvember 2009.
og þungaðar konur hafi samband við heilsugæslu næst
lögheimilum sínum og panti tíma fyrir bólusetninguna.
22. október 2009.
Gert er ráð fyrir að læknar sjúklinga með sjúkdóma
samkvæmt meðfylgjandi upptalningu hvetji þá til að láta
bólusetja sig og afhendi þeim sérstakt staðfestingarblað
sem framvísað er við bólusetninguna. Þá geta sjúklingar,
sem greindir hafa verið með sjúkdóma á listanum, einnig
pantað tíma í bólusetningu þótt þeir hafi ekki fengið
staðfestingarblöð.
Ætla má að það taki um fjórar vikur að bólusetja nefnda
konur á landinu öllu. Í framhaldinu verður almenningi boðin
bólusetning og verður það auglýst sérstaklega í nóvember
næstkomandi.
hvattir til að láta bólusetja sig:
kransæðasjúkdóma og alvarlega meðfædda
hjartasjúkdóma.
fyrirbyggjandi lyfjameðferðar (meðal annars astma).
barksteraskort).
krabbameinsmeðferð og líffæraþega).
Ef spurningar vakna um þörf sjúklinga fyrir bólusetningu eru
viðkomandi beðnir um að ráðfæra sig við lækna sína.
hámarksvernd gagnvart inflúensunni.
Börn á aldrinum 6 mánaða til og með níu ára þurfa hins vegar
að mæta tvisvar í bólusetningu með þriggja vikna millibili.
Þeim sem haldnir eru eru alvarlegu eggjaofnæmi eða ofnæmi
fyrir latex er ráðið frá því að láta bólusetja sig.
Bólusetning vegna A(H1N1)
– svínainflúensu
Nánari upplýsingar um bóluefnið og bólusetningu vegna A(H1N1) er að finna á influensa.is.
Tilkynningar og upplýsingar um viðbúnað vegna inflúensu A(H1N1) eru á influensa.is og á almannavarnir.is.
Landlæknisembættið
sóttvarnalæknir
Ríkislögreglustjórinn
almannavarnadeild