Tímarit iðnaðarmanna - 01.12.1967, Side 46

staðnum fyrir sína hönd mann, sem fullnægir þessu
skilyrði.
2i. gr.
Sá hefur fyrirgert réttindum sínum samkvæmt
meistarabréfi, sem:
i. Missir einhvers þeirra skilyrða, sem í 1.-3. tölulið
og 1. málslið 4. tölulið 3. gr. segir.
2. Missir þeirra annarra skilyrða (sbr. 5. tölulið 3.
gr.) er sett eru annars eða sett kunna að verða til þess
að halda réttindunum.
Ef félag á hlut að máli, þá skal svo fara sem í 2.
mgr. 5. gr. segir.
(3. grein er svohljóðandi:
Hver maður, karl sem kona, getur fengið iðjuleyfi,
ef hann:
1. Er heimilisfastur á íslandi þegar leyfið er veitt og
hefur verið það síðasta árið.
2. Er fjárráður.
3. Hefur forræði á búi sínu. Ekki má þá veita þeim
iðjuleyfi, sem tvisvar hefur orðið gjaldþrota, nema
komizt hafi á löglegir samningar um skuldagreiðslur
hans milli hans og lánardrottna hans.
4. liður hefur verið felldur niður með lögum nr.
28/1961.
5. Fullnægir að öðru leyti þeim skilyrðum, sem sett
eru, eða sett kunna að verða lögum samkvæmt til þess
að mega reka iðju.
Iðjuleyfi má ekki veita embættis- eða sýslumönnum,
né maka þeirra, ef hjón búa saman, nema ráðherra
hafi úrskurðað, að iðjureksturinn megi samrýma stöðu
þeirra).
22. gr.
Lögreglustjóri, þar sem aðili á lögheimili, lætur af
hendi meistarabréf, samkvæmt tillögu viðkomandi
iðnráðs.
Nú synjar lögreglustjóri um meistarabréf, eða ágrein-
ingur verður um það, hvort aðili hafi misst rétt sinn,
og er aðila þá rétt að bera málið undir ráðherra.
Ennfremur getur hann leitað úrlausnar dómstóla um
það mál, enda skal þá stefna lögreglustjóra fyrir
gestarétt á varnarþingi hans.
23. gr.
I hverjum kaupstað skal vera iðnráð. Skulu lög-
reglustjórar að jafnaði leita umsagnar iðnráðanna um
þau mál, er undir þá falla samkvæmt II. kafla þessara
laga og samkvæmt löggjöfinni um iðnaðarnám.
Ráðherra skal með reglugerð setja ákvæði um kosn-
ingu iðnráða og nánari ákvæði um starfssvið þeirra.
III. KAFLI - ALMENN ÁKVÆÐI
27- gr-
Það varðar sektum, frá 100-2000 kr., og réttinda-
missi í 5-10 ár, ef um ítrekuð brot er að ræða, ef
maður:
1. Rekur iðnað, sem meistarabréf þarf til, án þess
að hafa fengið það eða eftir að hann hefur misst
heimildina.
2. Leyfir öðrum að reka iðn í skjóli meistarabréfs
síns.
3. Tekur að sér verk, er í 20. gr. segir, án þess að
fullnægja skilyrðum þeirrar greinar.
4. Tekur nemendur til verklegs náms, enda þótt
hann eigi ekki rétt til þess, eða tekur nemendur til
náms í annarri iðn en þeirri, sem hann er meistari í eða
hefur réttindi meistara, eða heldur nemendur án lög-
legs námssamnings.
5. Tekur mann til iðnaðarvinnu, sem ekki hefur rétt
til þess skv. 14., 15. og 16. gr.
2 9. IÐNÞINGIÐ
Framhald af bls. 129.
Þá kvaddi sér hljóðs Eyþór Þórðarson, formaður
Iðnaðarmannafélags Suðurnesja, og skýrði frá því, að
félagið hefði ákveðið að bjóða að næsta Iðnþing verði
háð á Suðurnesjum. Var þessu boði fagnað af iðn-
þingsfulltrúum og samþykkt samhljóða.
Vigfús Sigurðsson, forseti Landssambandsins, tók
til máls og kvaðst telja þetta iðnþing hafa verið mjög
ánægjulegt og kvað það vera trú sína, að þetta yrði
talið með merkari iðnþingum. Hann gat nokkurra
þeirra mála, sem um hefði verið fjallað ,og ætla mætti
að mundu skilja eftir varanleg spor í framtíðinni. Þá
bauð hann velkominn til starfa hinn nýja hagráðunaut
Landssambandsins, Sigurð Auðunsson. Ennfremur
bauð hann hina endurkjörnu stjórnarmenn velkomna
til starfa að nýju og þakkaði stjórn og framkvæmda-
stjóra samstarfið. Ennfremur þakkaði hann þingfull-
trúum fundarsetu, þingforsetum góða fundarstjórn og
starfsfólki iðnþingsins vel unnin störf. Árnaði hann að
lokum öllum velgengni á komandi tímum.
Þingforseti færði starfsfólki og iðnþingsfulltrúum
þakkir og árnaðaróskir og óskaði stjórn Landssam-
bandsins og öllum iðnaðarmönnum farsældar í fram-
tíðinni. Síðan sagði þingforseti 29. Iðnþingi íslendinga
slitið.
150
TÍMARIT IÐNAÐARMANNA