Tímarit iðnaðarmanna - 01.12.1967, Blaðsíða 59

13- gr-
í byrjun hvers Iðnþings kýs þingið 7 manna kjör-
nefnd, er undirbýr allar kosningar á þinginu og gerir
tillögur um menn í trúnaðarstörf Landssambandsins.
Heimilt er þó þingfulltrúum að stinga upp á öðrum en
þ>eim, sem kjörnefnd tilnefnir.
14- gr.
Stjórn Landssambands iðnaðarmanna skipa 7 menn,
búsettir í Reykjavík og nágrenni og aðrir 7 til vara.
Skulu stjórnarmenn kjörnir til þriggja ára í senn,
þannig að þriðja hvert ár skulu 3 menn ganga úr stjórn-
inni, en hin tvö skulu 2 menn ganga úr henni hvert ár.
Varamenn skulu kosnir til eins árs.
Forseti Landssambandsins skal kosinn sérstaklega,
en að öðru leyti skiptir stjórnin sjálf með sér verkum.
Stungið skal upp á mönnum í stjórnina skv. 13. gr.
og síðan kosið um þá bundnum kosningum skriflega,
og ræður einfaldur meirihluti úrslitum. Ár hvert skulu
kosnir tveir endurskoðendur reikninga Landssam-
bandsins, og aðrir tveir til vara.
15- gr-
Stjórn Landssambandsins framkvæmir ályktanir
þingsins og undirbýr mál undir næsta þing. Hún fer
með mál Landssambandsins milli þinga og kemur
fram fyrir hönd þess útávið og innávið. Hún skal vera
ráðunautur stjórnarvalda ríkisins og annarra um mál-
efni, sem snerta iðnað, samtök og fræðslumál iðnaðar-
manna og lætur engin slík mál sér óviðkomandi. Hún
stjórnar skrifstofu Landssambandsins, ræður fram-
kvæmdastjóra og annað starfsfólk, ákveður laun þess
og setur því erindisbréf eftir því sem þurfa þykir.
Stjórnin og starfsfólk Landssambandsins aðstoðar
menn almennt með þau mál er varða iðnað og til
hennar er vísað.
16. gr.
Landssambandið getur látið gera heiðursmerki til
verðlauna fyrir framúrskarandi störf í þágu iðnaðar-
mála, og ákveður Iðnþing gerð þess og setur reglu-
gerð um veitingu þess. Á sama hátt getur Landssam-
bandið kjörið sér heiðursfélaga, ef stjórn Landssam-
bandsins gerir einróma tillögu þar um til Iðnþings.
Heiðursfélagar hafa fulltrúarétt á Iðnþingum og
eru kjörgengir í trúnaðarstörf Landssambandsins, en
ekki eru þeir skyldir að taka kosningu í þau.
17- gr.
Skrifstofa Landssambandsins skal leitast við meðal
annars að gefa iðnaðarmönnum upplýsingar og ráð um
kaup og meðferð véla, efniskaup o. fl., sérstaklega
viðvíkjandi smærri iðnaði. Er stjórn Landssambands-
ins í því skyni heimilt að fá sérfróða menn til ráða,
ef með þarf, en kostnað við slíkar upplýsingar greiða
þeir, er um þær biðja.
18. gr.
Fé til reksturs Landssambandsins og starfrækslu
skrifstofunnar og þinghalds fáist þannig:
a) Þóknun fyrir upplýsingaþjónustu.
b) Rekstrarframlag úr ríkissjóði.
c) Skattur frá félögum og fyrirtækjum í Landssam-
bandinu. Skatturinn skal ákveðinn á hverju Iðnþingi
og gildi til næsta þings.
Skal skatturinn miðast við félagatölu hvers sam-
bandsfélags.
Skattur iðnfyrirtækja og fyrirtækjasambanda miðast
við iðnlánasjóðsgjaldstofn þeirra.
Skatturinn miðast við félagatal um síðustu áramót
og iðnlánasjóðsgjald síðasta árs, og greiðist fyrir 1.
apríl ár hvert. Þeir aðilar að Landssambandinu sem
ekki hafa greitt skattinn fyrir Iðnþing ár hvert, eiga
ekki rétt á að senda fulltrúa á Iðnþing.
d) Aðrar tekjur, sem sambandið kann að afla.
19- gr-
Landssambandið greiðir ekki kaup, ferðakostnað
eða dvalarkostnað fulltrúa þeirra, er á Iðnþinginu
sitja, en allan annan beinan kostnað af þinginu. Stjórn
Landssambandsins eða stjórn iðnaðarmannafélags á
þingstað skal, eftir því sem unnt er, útvega fulltrúum
dvalarstað á meðan þing stendur yfir.
20. gr.
Stjórn Landssambandsins skal semja reikning yfir
tekjur og gjöld Landssambandsins og leggja hann end-
urskoðaðan fyrir Iðnþing, sem úrskurðar hann. Reikn-
ingsárið er almanaksárið.
21. gr.
Landssambandsstjórn má velja sér trúnaðarmenn í
þeim kaupstöðum og héruðum landsins, sem henni
þykir þurfa.
22. gr.
Hver aðili að Landssambandinu skal senda Lands-
sambandinu skýrslu um starf sitt, fjárhag, félagatal og
starfsmannafjölda síðasta almanaksár ef um fyrirtæki
er að ræða. Sé skýrslan komin fyrir 31. marz ár hvert.
23- gr-
Hvert félag í Landssambandinu hefur fullt frelsi um
félagsmál sín, þó svo, að ekki komi í bága við Lands-
sambandsfélög, stefnuskrá eða samþykktir Landssam-
bandsins.
24. gr.
Landssambandið hefur ekki afskipti af kaup- og
kjaramálum.
25- gr-
Hvert félag, samband eða fyrirtæki hefur rétt til að
skjóta öllum ágreiningsmálum, öðrum en kaupdeilu-
og kjaramálum og málum stjórnmálalegs eðlis til
Landssambandsstjórnar til úrskurðar. Áfrýja má úr-
skurði stjórnarinnar til Iðnþings.
TÍMARIT IÐNAÐARMANNA
163