Fréttablaðið - 15.12.2009, Síða 27

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
„Ég hef bara rosalegan áhuga á
jaðarsporti, þar á meðal köfun. Ég
kann svakalega vel við mig í vatni,“
útskýrir Eva, sem segir áhugann
hafa kviknað þegar hún kafaði í
fyrsta sinn í Dahab í Egyptalandi.
„Ég fékk að busla aðeins þarna og
vildi eiginlega ekki koma upp úr
aftur. Mér fannst bara svo gaman
að uppötva nýjan litríkan og falleg-
an heim. Þannig byrjaði þetta,“ rifj-
ar hún upp.
Eva þreytti þarna frumraun
sína í sportköfun en ekki leið á
löngu þar til hún fékk tækifæri til
að spreyta sig á svokallaðri „open
water“-köfun fyrir utan strendur
Keníu. „Ég fór alveg niður á átján
metra og synti um meðal annars
með höfrungum, skjaldbökum og
djöflaskötum,“ segir hún og bætir
við að eftir það hafi ekki verið aftur
snúið, enda gerði hún sér lítið fyrir
og lauk bóklegu prófi í köfun.
Síðan hefur Eva smám saman
verið að bæta við þekkinguna
og víða fengið útrás fyrir þetta
áhugamál. Þar á meðal fyrir utan
strendur Höfðaborgar í Suður-Afr-
íku þar sem hún komst í tæri við
fimm metra langa hákarla. „Þetta
voru hvítháfar, sem eru með fáum
hákarlategundum sem geta ráðist
á menn. Þeir geta verið ansi ágeng-
ir en við í hópnum vorum vel varin
í búrum þannig að hættan var í
sjálfu sér engin. Draumurinn er
svo að geta einhvern tímann synt
óvarin innan um þessar skaðræð-
isskepnur.“
Eva kafar þó ekki aðeins í frí-
tíma sínum, því hún er jafnframt
fullgildur kafari í Björgunarsveit-
inni Ársæli. „Það er auðvitað mik-
ill munur á því að vera í fríi eða
í björgunarleiðangri,“ segir Eva,
sem hefur fengið nokkur útköll
þau fjögur ár sem hún hefur verið
í sveitinni. „Ég hef til dæmis lent í
því að leita að manni, en við slíkar
aðstæður kemur sér vel að vera í
góðum félagsskap og eins að vera
ágætu formi, því þá eyðir maður
minna súrefni og getur kafað leng-
ur,“ útskýrir hún og bætir við að
tvennt ólíkt sé að kafa hérlendis
og til dæmis í litríkum neðansjáv-
arheimi Rauðahafsins eða Kyrra-
hafsins.
roald@frettabladid.is
Synti um með hákörlum
Eva Lind Oliversdóttir er áhugasöm um allt sem viðkemur jaðaríþróttum, til að mynda fallhlífarstökki,
ísklifri og köfun. Hún hefur oft komist í hann krappan og meðal annars synt um með hákörlum.
GAMLÁRSHLAUP ÍR verður þreytt í 33. sinn
á gamlársdag. Hlaupið hefst klukkan 12 fyrir framan
hús Hjálpræðishersins. Skapast hefur hefð fyrir því að
hlauparar mæti í hinum ýmsu búningum og verða veitt
verðlaun fyrir þann besta. www.hlaup.is
Eva Lind Oliversdóttir hefur kafað víða um heim. Meðal annars í Keníu, Egyptalandi og við strendur Höfðaborgar í Suður-Afríku
þar sem hún komst í tæri við fimm metra langa hákarla. MYND/ÚR EINKASAFNI
Tímapantanir 534 9600
Hlíðasmári 11, 201 Kópavogur -www.heyrn.is
Bjóðum úrval af döskum ReSound heyrnartækjum
* Heyrnarþjónusta
* Heyrnarvernd
* Heyrnarmælingar
* Heyrnartæki
* Ráðgjöf
Hjá Heyrn er veitt alhliða þjónusta til að bæta
úr heyrnarskerðingu undir faglegri ábyrgð
Ellisifjar K. Björnsdóttur, heyrnarfræðings.
Ellisif K . Björnsdóttir
heyrnar fræðingur
jóð rval af önskum ReSound heyrnat j
Ellisif K . Björnsdóttir
heyrnar fræðingur
Hringdu í síma
ef blaðið berst ekki