Fréttablaðið - 15.12.2009, Blaðsíða 70

50 15. desember 2009 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
VEISTU SVARIÐ?
Svör við spurningum á síðu 8.
1. Í Kaupmannahöfn í Danmörku.
2. Silvio Berlusconi,
forsætisráðherra Ítalíu.
3. Á vefmiðlinum Eyjunni.is.
LÁRÉTT
2. fugl, 6. hvort, 8. sægur, 9. skraf, 11.
ullarflóki, 12. óhemju, 14. titill, 16.
samtök, 17. sönghópur, 18. dvelja, 20.
tveir eins, 21. titra.
LÓÐRÉTT
1. tilraunaupptaka, 3. 950, 4. undir-
búningspróf, 5. traust, 7. fuglategund,
10. atvikast, 13. pappírsblað, 15.
illgresi, 16. for, 19. til.
LAUSN
LÁRÉTT: 2. álft, 6. ef, 8. mor, 9. mas,
11. rú, 12. ósköp, 14. herra, 16. aa, 17.
kór, 18. una, 20. ff, 21. riða.
LÓÐRÉTT: 1. demó, 3. lm, 4. forpróf,
5. trú, 7. fashani, 10. ske, 13. örk, 15.
arfi, 16. aur, 19. að.
„Þar sem ég er að reyna að
temja mér hollara líferni er ég
byrjaður að venja komur mínar
á Maður lifandi í Borgartúni.
Best er dýrindis grænmetis-la-
sagne með kókos. Í sveitta pakk-
anum vinnur Tívolí á Laugavegi
þar sem það er yfirleitt enginn
þar nema norskir túristar.“
Haukur Viðar Alfreðsson í Morðingjunum.
Ásamt því að flytja fréttir af veðrinu hefur
veðurfréttakonan Elísabet Margeirsdótt-
ir hlaupið fimm maraþon á síðustu fjórum
árum. „Ég byrjaði að skokka og stunda lík-
amsrækt þegar ég var um sextán ára gömul
og eftir það fór ég að æfa hlaup. Það fer
langur tími í undirbúning fyrir hvert hlaup
og undanfarið hef ég verið að æfa með þjálf-
ara ásamt nokkrum öðrum hlaupurum. Ég
hljóp síðast maraþon í Frankfurt í októb-
er og hljóp það á þremur og hálfum tíma,“
segir Elísabet sem hefur tvisvar hlaupið í
New York og einu sinni í Kaupmannahöfn og
Berlín. Aðspurð segir hún erfitt að hlaupa
heilt maraþon og segir síðustu fimm til tíu
kílómetrana vera andlega erfiða en það ger-
ist sjaldan að fólk gefist upp og ljúki ekki
hlaupinu.
Elísabet hefur sinnt starfi veðurfrétta-
manns í rúmt ár og til að byrja með stóð
hún í skugganum af sjálfum Sigga stormi.
Hann kvaddi hins vegar áhorfendur Stöðv-
ar 2 nokkuð skyndilega og þegar Elísabet er
innt eftir því hvort það hafi ekki verið erf-
itt að taka við af Sigga segir Elísabet svo
ekki vera. „Það breyttist ekki mikið en mér
fannst leiðinlegt að missa hann af skjánum,
hann var skemmtilegur karakter sem sagði
skemmtilega frá.“
Og spurð hvort Íslendingar geti átt von á
hvítum jólum í ár segir Elísabet að erfitt sé
að spá fyrir um það að svo stöddu. „Það fer
kólnandi í vikunni og ætti að snjóa norð-
austanlands um helgina. Það er smá úrkoma
í kortunum suðvestanlands eftir helgi og
ágætis líkur á að hún falli sem snjókoma.
Spár geta snögglega breyst en ég vona að við
fáum hvít jól,“ segir Elísabet að lokum. - sm
Arftaki Sigga storms hleypur maraþon
HLEYPUR MARAÞON Veðurfréttakonan Elísabet
Margeirsdóttir hefur hlaupið fimm maraþon á síðustu
fjórum árum. FRÉTTABLAÐIÐ/STEFÁN
„Þetta hefur farið fram úr mínum
björtustu vonum því Los Angel-
es er engin sérstök leikhúsborg,“
segir Stefán Karl Stefánsson.
Hann hefur nú leikið í fimmtíu
sýningum af söngleiknum How the
Grinch Stole Christmas í Pantages
Theatre. Stefán leikur aðalhlut-
verkið, sjálfan Trölla, en tíma-
bilið hjá honum er hvergi nærri
búið, enn eru eftir þrjátíu sýning-
ar. „Þetta hafa verið þrjár sýning-
ar á dag, stundum fjórar þannig að
þetta er mikil keyrsla, ég kvarta
hins vegar ekki, þetta er bara ver-
tíð hjá manni,“ segir Stefán.
Og þar sem Stefán er í höfuð-
borg kvikmyndastjarnanna og
annars frægðarfólks hefur tölu-
verður fjöldi þeirra komið með
fjölskyldurnar sína og horft á
söngleikinn. Má þar meðal ann-
ars nefna hjónakornin Gwen Stef-
ani og Gavin Rossdale sem komu
ásamt syni sínum, Cheryl Hines úr
Curb Your Enthusiasm-sjónvarps-
þáttunum og svo var Ben Still-
er, einn þekktasti gamanleikari
heims um þessar mundir, meðal
gesta um helgina. „Brad Pitt og
Angelina Jolie hafa síðan boðað
komu sína hingað ásamt krakka-
skaranum þannig að það er alltaf
eitthvað um svona heimsóknir,“
segir Stefán sem tók sig síðan til,
„ruddist“ inn í beina útsendingu
hjá latínskri sjónvarpsstöð í Los
Angeles og bauð sjálfum Tiger
Woods að koma á sýninguna.
„Þeir eiga eitthvað sameiginlegt,
Trölli og Tiger,“ segir Stefán og
hlær en eins og flestir ættu að vita
hefur töluvert gengið á í einkalífi
kylfingsins eftir að upp komst um
stanslaust framhjáhald hans. Og
þau verða eflaust ekki hátíðleg
jólin hjá hjónakornunum.
Stefán viðurkennir að sýning-
in sé frábær auglýsing fyrir sig
sem leikara, hún hafi fengið mikla
athygli og hann finni fyrir því að
fólk úr bransanum fylgist vel með.
„Ég er bara að hamra járnið á
meðan það er heitt því það er fljótt
að kólna í Hollywood,“ segir Stefán
en nú er að renna upp sjónvarps-
þáttatímabilið í Bandaríkjnum
þar sem nýir þættir fara í fram-
leiðslu hjá stóru sjónvarpsstöðv-
unum. „Maður verður bara að vera
duglegur og harka en þetta krefst
þess að maður sé með stáltaugar
og hafi góða fjölskyldu og vini á
bakvið sig.“ freyrgigja@frettabladid.is
STEFÁN KARL STEFÁNSSON: BAUÐ TIGER WOODS Á SÝNINGU Í BEINNI
Stefán Karl sýnir fyrir
stjörnurnar í Hollywood
Ben Stiller, Gwen
Stefani og Gavin
Rossdale eru meðal
þeirra sem hafa séð
sýningu Stefáns
Karls, The Grinch, í
Pantages Theater.
Sjálf Angelina Jolie
og Brad Pitt hafa
boðað komu sína
og svo bauð Stefán
Tiger Woods að
sjá leiksýninguna
í beinni á latínskri
sjónvarpsstöð.
Á MEÐAL
STJARNANNA
„Ég er eiginlega í sjokki, ég vissi
ekki að þetta yrði svona mikið,“
segir rithöfundurinn Þórarinn
Leifsson. Á laugardaginn birtist
við hann tveggja blaðsíðna viðtal í
bókmenntakálfi danska dagblaðsins
Politiken vegna barnabókar hans,
Leyndarmálið hans pabba. Einnig
var heilsíðu teikning eftir hann birt
í blaðinu „Ég hélt að þetta myndi
fá hálfsíðu. Þetta var eins og köld
vatnsgusa framan í mig því það er
mjög óvenjulegt að barnabók fái
svona mikla umfjöllun. Ég yrði sátt-
ur við svona umfjöllun einu sinni
á tíu árum,“ segir Þórarinn sigri
hrósandi.
Í greininni er hann sagður Roald
Dahl Íslands en Roald er þekktast-
ur fyrir ævintýrin um Willy Wonka
og Jóa og baunagrasið. Áður hafði
Þórarni verið líkt við danska skáld-
ið Ole Lund Kirkegaard.
Þórarinn segir að þessi góða
umfjöllun hafi mikla þýðingu fyrir
sig. „Bókasafn ömmu Huldar (nýj-
asta bók Þórarins) kemur út í Dan-
mörku á næsta ári og þetta hjálp-
ar vægast sagt mjög mikið við að
kynna þá bók.“
Leyndarmálið hans pabba fjallar
um systkini sem komast að því að
pabbi þeirra er mannæta. Eins
og Fréttablaðið greindi frá á
dögunum kynnti Þórarinn hana
með óvenjulegum hætti á bóka-
messu þegar hann bauð gestum
og gangandi upp á fingramat
sem líktist mannakjöti. Vakti það að
vonum gríðar-
lega athygli
á meðal við-
staddra. - fb
Í sjokki yfir grein Politiken
POLITIKEN Stór grein
um Þórarin Leifs-
son og nýjustu
bók hans birtist
í danska blaðinu
Politiken um
helgina.
Samkvæmt
niðurstöðum
áhorfsmælinga
Capacent Gallup
hefur áhorfið á
gamanþáttaröðina
Marteinn í leikstjórn
Bjarna Hauks
og sýnd er á
RÚV hreinlega
hrunið. Fyrsti
þátturinn
byrjaði í
þrjátíu pró-
sentum hjá
stærsta aldurshópnum, 12-80 ára,
en samkvæmt síðustu mæling-
um mældist þátturinn með 21
prósents áhorf. Svipað er upp á
teningnum þegar skoðaður er
aldurshópurinn 12-45 ára en þar
mældist Marteinn fyrst með 24
prósent en er nú með 16.
Þetta áhorfshrun á
sér kannski eðli-
legar skýringar því
á svipuðum tíma
var fyrsti þátturinn
af Wipeout Ísland
frumsýndur. Mikið
hefur verið lagt
í auglýsinga-
herferðina
og sérhvert
mannsbarn
ætti að vita
að þættirnir
eru sýndir á
Stöð 2. Þetta
virðist hafa borgað sig því rúm
þrjátíu prósent sáu Haffa Haff
sigra með afgerandi hætti.
Nú styttist óðfluga í að lokahluti
Vaktarinnar bresti á því kvikmynd-
in Bjarnfreðarson verður frum-
sýnd annan í jólum. Eins og fyrr
er það lag eftir Bubba Morthens
sem varðar leiðina. Nú er komið
að Utangarðsmannalaginu Híró-
síma með sinni grundvallarspeki:
Þið munið öll, þið munið öll
– deyja! Annars sér Pétur
Ben um tónlist í
myndinni og leggur
meðal annars til
lokalag myndar-
innar. Það heitir
einfaldlega
Lokalagið.
- drg/fgg
FRÉTTIR AF FÓLKI
Fiskikóngurinn • Sogavegi 3 • sími 587 7755