Fréttablaðið - 15.12.2009, Qupperneq 36

15. DESEMBER 2009 ÞRIÐJUDAGUR8 ● fréttablaðið ● jólagjöfi n hennar
Rómantísk helgarferð er gjöf sem lifir í minn-
ingunni. Á Íslandi úir og grúir allt af fallegum
áfangastöðum þar sem pör geta ræktað sam-
bandið í stórbrotinni náttúru og látið sér líða vel
á fallegu hóteli eða í sumarbústað.
Fátt styrkir samband pars betur en að komast í burtu
frá öllu daglegu amstri. Því er ekki úr vegi að mað-
urinn gefi sinni heittelskuðu gjafabréf upp á helgar-
ferð út á land. Slíkar ferðir geta verið með ýmsu sniði.
Bæði má panta herbergi á krúttlegu hóteli í kaupstað
úti á landi eða í sveitasælu, eða jafnvel leigja sumar-
bústað í fallegri náttúru.
Langir göngutúrar, ferskt loft, góðar samræður og
samvera geta lífgað upp á sambandið auk þess sem
slík helgarferð býr til minningar sem lifa lengi.
Þá er bara að velja sér einn af þeim fjölmörgu stöð-
um sem standa til boða. Látið hugmyndaflugið ráða
eða fáið ráð hjá góðum vinum og munið eftir mynda-
vélinni til að festa minninguna á filmu. - sg
Gefðu góðar minningar
Helgarferð til Akureyrar, höfuðborgar Norðurlands, getur verið sannkölluð menningarreisa. Þar má skoða
söfn, fara í leikhús og fínt út að borða. Þá er stutt út í ósnortna náttúruna þar sem pör geta farið í göngutúr,
haldist í hendur og rifjað upp sokkabandsárin.
Snæfellsjökull laðar að fjölmarga gesti á ári hverju. Ekki að furða enda er jökullinn talinn búa yfir yfirnáttúrulegum krafti. Þá er
heldur ekki nauðsynlegt að fara út fyrir borgarmörkin, helgardvöl á reykvísku gistiheimili með göngutúr niður Laugaveg getur
verið ágætis tilbreyting fyrir hjónalífið. FRÉTTABLAÐIÐ/GVA
Austurland að vetri til er ægifagurt þótt stundum sé það erfitt yfirferðar. Það ætti þó
að verða fínasta ævintýraferð fyrir ástfangið par. Hér má sjá kirkjuna á Seyðisfirði
sem er áfangastaður margra ferðamanna.
Mývetningar hafa notið þess að stunda heit jarðböð sér til heilsubótar allt frá landnámsöld enda eru þau
sögð búa yfir lækningamætti. Útkeyrðir foreldrar verða að öllum líkindum úthvíldir og slakir eftir eina
helgi í slíkri slökun í fallegu umhverfi.
Ekki þarf lengi að leita að fallegum áfangastöðum. Þingvellir eru í hálftíma fjarlægð frá borginni. Tilvalið er að fara þar í góða
göngu, henda pening í Peningagjá og skjótast að lokum í sumarbústað sem hægt er að taka á leigu í nálægum sveitum, skella sér
í heitan pott og skála í kampavíni. FRÉTTABLAÐIÐ/VILHELM
Frumleg og flott
dagatalsbók með
myndskreyttum
hugleiðingum.
Góð fyrir skapið
og skipulagið!
Við styrkjum
Jólagjöfin hennar