Fréttablaðið - 15.12.2009, Blaðsíða 40

15. DESEMBER 2009 ÞRIÐJUDAGUR12 ● fréttablaðið ● jólagjöfi n hennar
Sögur um mikilmenni, spæjara
og uppvakninga bar á góma
þegar þrjár úrvalskonur voru
beðnar um að nefna þær
bækur sem þær langar helst í
jólagjöf í ár.
Elísabet Ronaldsdóttir kvikmynda-
gerðarmaður segist hafa gaman af
alls kyns skáldskap og fyrir þessi
jól langar hana einna helst í Síð-
ustu daga móður minnar eftir
Sölva Björn Sigurðsson. „Hún
segir af mæðginum sem skella sér
til Amst erdam. Móðirin er með
krabbamein á lokastigi og ferðin
er hugsuð sem síðasta ævintýra-
ferð mæðginanna,“ útskýrir Elísa-
bet og bætir við að hún hafi heyrt
vel af bókinni látið. „Mér skilst að
hún detti alls ekki ofan í einhverja
dramatík, en mér finnst heillandi
þegar höfundum tekst að fjalla um
erfið málefni án þess að detta ofan
í þá gryfju og jafnvel takast að gera
þau svolítið skemmtileg.“
Þá langar Elísabetu til að kom-
ast yfir Horfðu á mig, fimmtu
spennusögu Yrsu Sigurðardóttur
rithöfundar. „Mér finnst sögurnar
hennar Yrsu lipurlega skrifaðar og
skemmtilegar. Oftast er þetta létt-
meti í aðra rönd en á móti kemur
að það er þægilegt að hafa eitthvað
í þeim dúr til að lesa ef maður er
kannski að drukkna í vinnu. Einmitt
þess vegna hef ég almennt gaman
af slungnum sakamálasögum.“
Bryndís Schram segist eiga erf-
itt með að gera upp við sig hvaða
bækur hana langi helst í vegna þess
hversu fjölbreytt úrvalið er í ár.
Sagnfræði, ævisögur og endurminn-
ingar heilli þó yfirleitt mest og því
kemur kannski ekki á óvart að hún
skuli nefna bækur þar sem mikil-
hæfir menn í Íslandssögunni gegna
stórum hlutverkum. „Sögurnar um
Snorra Sturluson og Auði djúpúðgu
finnst mér mjög spennandi, en það
er eins með þær og aðra sagnfræði
að lestur þeirra opnar dyr inn í aðra
veröld,“ segir hún.
Bryndís kveðst einnig gleypa í
sig hvers kyns skáldskap og hana
langar mikið til að blaða í nýjustu
verkum Steinunnar Sigurðardótt-
ur, Jóns Kalmans Stefánssonar og
Gyrðis Elíassonar. „Þessir höfund-
ar eru allir í eftirlæti hjá mér,“ út-
skýrir hún og bætir við að Fugla-
líf á Framnesvegi eftir Ólaf Hauk
Símonarson, Dóttir mæðra minna,
eftir Sindra Freysson og Orrustan
um Spán komist líka á listann í ár.
„Hið fullkomna landslag eftir
Rögnu Sigurðardóttur er það fyrsta
sem kemur upp í hugann,“ segir
leikkonan Maríanna Clara Lúthers-
dóttir og lýsir söguþræðinum á eft-
irfarandi máta: „Sagan fjallar um
konu á listasafni sem fær það verk
að skera úr um hvort málverk sem
hún fær í hendurnar er falsað eða
ekki og það hrindir af stað spenn-
andi atburðarás.“ Söguna segir hún
falla í flokk spennusagna sem hún
viðurkennir að hafa lúmskt gaman
af, en þess utan séu þó fagurbók-
menntir í mestu uppáhaldi. „Svo er
ekki verra ef það tvennt fer saman,
eins og til dæmis í sögum Kate At-
kinson sem verið er að þýða yfir á
íslensku,“ segir hún.
Þá segist Maríanna bíða í of-
væni eftir bókinni Jane Austen and
Zombies þar sem verkum höfund-
arins Austen og uppvakningahryll-
ingi er blandað saman. „Ég er nátt-
úrlega aðdáandi Austen númer eitt
og hef lesið allt eftir hana og ým-
islegt sem henni viðkemur. Margt
af því er reyndar ekki gott en mér
skilst að þessi vægast sagt óvenju-
legi kokkteill sé mjög skemmtileg-
ur aflestrar.“
- rve
Uppvakningar og Jane Austen
Ævisögur og endurminningar heilla Bryndísi, sem langar til að lesa um Snorra Sturluson og Auði djúpúðgu um jólin. FRÉTTABLAÐIÐ/GVA
Síðustu dagar móður minnar er efst
á lista yfir þær bækur sem Elísabetu
langar til að eignast. FRÉTTABLAÐIÐ/VILHELM
Maríanna er mest gefin fyrir fagurbók-
menntir en viðurkennir að hafa gaman
af spennusögum. FRÉTTABLAÐIÐ/VALLI
● GEFÐU NÝJAN HEIM
Það getur verið erfitt að gefa
einhverjum jólagjöf sem
á allt og vantar, strangt til
tekið, ekki neitt. Oft endar
maður á því að gefa ömmu
sinni kerti eða frænku ævi-
sögu sem einhver annar er
líka búinn að kaupa handa
henni. Þá getur þú komið
sterkt inn og gert eitthvað alveg nýtt.
Prófaðu til dæmis að gefa ömmu þinni disk með uppáhaldstónlistinni
þinni, það er aldrei að vita nema henni finnist hún skemmtileg.
Eða fjárfestu í striga, málningu og penslum
handa frænku þinni sem fær alltaf konfektkassa
frá öllum.
Heimur tölvuleikjanna er oft lokaður eldri
konum sem hafa tíma til að drepa og þær munu
örugglega ekki bera sig eftir þeim sjálfar. Hvernig
væri að opna víddir tölvuheima fyrir þeim?
Svo gætirðu líka gefið
þeim mánaðarlega ferð
með þér á safn eða
sýningu og hádeg-
ismat á undan
eða kaffi á eftir.
Eða hádeg-
istón-
leika?
Og þá geturðu farið
að gefa henni listaverkabækur og diska með
tónlistinni sem þið heyrðuð saman. Þannig get-
urðu gefið gjöf sem gagnast þér líka og hver
veit nema þú komir af stað nýju áhugamáli sem
síðan getur nýst þér í jólagjafir árum saman?
● HANDA HESTAKONUNNI Hestamennska er dýrt sport. Allar gjafir sem snúa að
íþróttinni ættu því að gleðja hestakonuna. Úrvalið er endalaust enda þarf alltaf að endur-
nýja bæði föt, skó og reiðtygi.
Sérstök tíska er ríkjandi í hestaheiminum og því ekki hægt að vera í
hvaða tusku sem er. Hestaverslanir bjóða upp á fallegan og vandaðan
fatnað sem bæði þykir töff á hestamannamótum en sinnir sínu hlutverki
sem útivistarfatnaður á við bestu útivistarmerkin.
Höfuðleður, mél og tauma er gott að eiga nóg af og því ekki hægt að
missa marks með slíkri gjöf. Hnakkar eru svo sér kapituli út af fyrir sig. Þeir
eru dýrir og ekki á færi margra að gefa slíkt í jólagjöf, en svo mætti líta á
slíka gjöf sem innborgun inn á afmælis- og jólagjafir í framtíðinni.Ekta Egils Malt og Appelsínblandað að hætti íslenskra heimila
Íslenskt handverk
Tákn heilagrar þrenningar
til styrktar blindum og sjónskertum
Fæst um land allt.
Dreifingaraðili Blindrafélagið,
Hamrahlíð 17, sími 525 0000.
Stuðningur til sjálfstæðis!