Fréttablaðið - 21.12.2009, Blaðsíða 70

58 21. desember 2009 MÁNUDAGUR
sport@frettabladid.is
Þýska úrvalsdeildin
Kiel - Hamburg 29-29
Aron Pálmarsson kom ekki við sögu hjá Kiel.
Füchse Berlin - Rhein-Neckar Löwen 33-28
Guðjón Valur Sigurðsson skoraði 1 mark fyrir RNL,
Ólafur Stefánsson 5 en Snorri Steinn Guðjónsson
ekkert. Rúnar Kárason skoraði 3 mörk fyrir Füchse.
Hannover-Burgdorf - Lemgo 26-25
Hannes Jón Jónsson skoraði 3 mörk fyrir Hann-
over-Burgdorf. Vignir Svavarsson skoraði 2 mörk
fyrir Lemgo en Logi Geirsson ekkert.
Göppingen - Gummersbach 31-29
Róbert Gunnarsson skoraði 4 mörk fyrir Gumm.
TuS N-Lübbecke - Balingen 32-24
Heiðmar Felixsson skoraði 1 mark fyrir Lübbecke
en Þórir Ólafsson lék ekki með vegna meiðsla.
Flensburg - Minden 35-21
Alexander Petersson skoraði 3 mörk fyrir Flens
burg. Ingimundur Ingimundarson skoraði 4 mörk
fyrir Minden og Gylfi Gylfason 2.
STAÐAN
Kiel 15 13 2 0 518-388 28
Hamburg 15 13 1 1 513-401 27
Flensburg 15 11 0 4 468-416 22
RN Löwen 15 10 1 4 461-403 21
Göppingen 15 10 1 4 454-447 21
Lemgo 15 9 2 4 431-402 20
Gummersb. 15 8 3 4 437-404 19
Grosswallstadt 15 8 3 4 413-401 19
Füchse Berlin 15 8 0 7 430-427 16
Magdeburg 15 7 0 8 441-452 14
Wetzlar 15 6 1 8 400-437 13
Lübbecke 15 4 3 8 419-428 11
Melsungen 15 5 0 10 402-449 10
H-Burgdorf 15 4 1 10 380-44 9
Balingen 15 3 0 12 377-405 6
Minden 15 1 3 11 355-414 5
Düsseldorf 15 2 1 12 358-440 5
Dormagen 15 2 0 13 381-480 4
Danska úrvalsdeildin
Nordsjælland - GOG 28-31
Gísli Kristjánsson skoraði 3 mörk fyrir Nord-
sjælland og Ásgeir Örn Hallgrímsson 4 fyrir GOG.
FHK Elite - Skjern 33-24
Björn Ingi Friðþjófsson leikur með FHK.
ÚRSLIT
FÓTBOLTI Þrótturum barst góður
liðsstyrkur fyrir komandi átök
í 1. deild karla í knattspyrnu er
Halldór Hilmisson gekk aftur í
raðir liðsins.
Halldór lék með Þrótturum í
fimm ár áður en hann fór í Fylki
árið 2006. Þar hefur hann ætíð
gegnt lykilhlutverki og lék á þeim
þremur árum sem hann var í
Árbænum 68 leiki í deild og bikar
og skoraði í þeim tólf mörk.
Halldór hefur einnig leikið
með Val, Fram og FH á ferlinum.
Hann gerði tveggja ára samning
til Þrótt en þjálfari liðsins er
Páll Einarsson sem var aðstoðar-
maður Ólafs Þórðarsonar hjá
Fylki í sumar.
Halldór er 32 ára gamall og
hefur á ferlinum leikið 121 leik
í efstu deild og skorað í þeim
þrettán mörk. - esá
Liðsstyrkur til Þróttar:
Halldór aftur
til Þróttar
Á LEIÐ Í ÞRÓTT Halldór Hilmisson í leik
með Fylki síðastliðið sumar.
FRÉTTABLAÐIÐ/STEFÁN
HANDBOLTI Rússar urðu í gær
heimsmeistarar í handknattleik
kvenna eftir sigur á Frökkum í
úrslitaleik, 25-22. Staðan í hálf-
leik var 14-11, Rússum í vil.
Þetta er í fjórða sinn sem Rúss-
ar verða heimsmeistarar og
þriðja skiptið í röð. Yelena Dmit-
iyeva skoraði átta mörk fyrir
Rússa í leiknum.
Norðmenn unnu lið Spánverja
í leik um þriðja sætið. Þórir
Hergeirsson er landsliðsþjálfari
Noregs.
Rúmenar urðu í áttunda sæti
á mótinu en Florentina Stanciu,
markvörður Stjörnunnar, leikur
með rúmenska landsliðinu.
Eftir úrslitaleikinn var Liud-
mila Postnova, Rússlandi,
útnefnd besti leikmaður
keppninnar. - esá
HM í Kína lauk um helgina:
Rússar enn og
aftur meistarar
HEIMSMEISTARAR Rússar urðu heims-
meistarar í þriðja sinn í röð um helgina.
FRÉTTABLAÐIÐ/AP
FÓTBOLTI Barcelona varð um helg-
ina heimsmeistari félagsliða eftir
sigur á argentínska liðinu Estudi-
antes, 2-1, í framlengdum úrslita-
leik sem fór fram í Abu Dhabi.
Lionel Messi skoraði sigurmark
Börsunga í framlengingunni.
Þeir argentínsku komust yfir
með marki Mauro Boselli í fyrri
hálfleik en þrátt fyrir þungar
sóknir Börsunga tókst þeim ekki
að jafna fyrr en seint í leiknum.
Varamaðurinn Pedro Rodriguez
skoraði jöfnunarmarkið þegar ein
mínúta var til leiksloka eftir send-
ingu frá Gerard Pique.
Pep Guardiola, stjóri Barce-
lona, hefur náð frábærum árangri
með liðinu en aldrei áður hefur
liði tekist að vinna sex titla á einu
og sama árinu. Eftir leikinn báru
tilfinningarnar hann yfirliði og
hann grét þegar hann gerði sér
grein fyrir hversu stórt afrek hans
og lærisveina hans var.
Hann sagði í viðtölum eftir leik-
inn að nú væri óhjákvæmilegt að
frægðarsól liðsins myndi lækka
aðeins. „Okkur tókst þetta með
mikilli vinnusemi en leikmenn
búa einnig yfir miklum hæfileik-
um. Ég held að það verði allt í lagi
með okkur,“ sagði hann.
„Það er óviðjafnanlegt að
vinna sex titla. Þetta krefst meiri
ábyrgðar af okkur og við þurfum
að leggja áfram mikið á okkur til
að halda okkur í hópi þeirra bestu.
En ég mun aldrei gleyma því að
það voru leikmennirnir sem náðu
þessum árangri.“
Barcelona er nú þriðja liðið sem
hefur tekist að vinna alla þrjá Evr-
óputitlana sem og heimsmeistara-
keppni félagsliða. Hin eru Ajax og
Juventus.
Eiður Smári Guðjohnsen á sinn
þátt í þessum árangri en hann
vann alls fimm titla með félaginu
á á rinu – í spænsku úrvalsdeild-
inni og spænsku bikarkeppninni,
Meistaradeild Evrópu sem og í
spænska og evrópska ofurbikarn-
um. Hann gekk svo í raðir Monaco
í Frakklandi í haust. - esá
Barcelona varð heimsmeistari félagsliða og fyrsta liðið til að vinna sex titla á einu og sama árinu:
Óviðjafnanlegu ári að ljúka hjá Barcelona
SEX STJÖRNU MAÐUR
Pep Guardiola, stjóri Barcelona, klæddur
í bol með sex stjörnum sem táknar
árangur félagsins á árinu. Til vinstri er
Joan Laporta, forseti Barcelona.
NORID PHOTOS/AFP
Kjartan Henry Finnbogason er á leið aftur til Sandefjord í Noregi
eftir að hafa verið í láni hjá skoska úrvalsdeildarfélaginu Falkirk í
haust. Lánssamningur Kjartans rennur út um miðjan janúar og á
hann von á því að fara aftur til Noregs þá.
„Jú, það hefur gengið það illa hjá liðinu að það virðist ekki
annað vera í sjónmáli,“ sagði Kjartan við Fréttablaðið í gær.
„En það var reyndar aldrei í myndinni að ég yrði hér áfram
á lánssamningi. Falkirk stendur til boða að kaupa mig en
ég á ekki von á að það gerist.“
Samningur Kjartans við Sandefjord rennur út í desem-
ber á næsta ári og má hann ræða við önnur félög
næsta sumar. „Því vildi Sandefjord ekki lána mig lengur
en til áramóta. Annars væri það eins og ég væri að fara
frítt frá félaginu.“
Kjartan Henry hefur sjö sinnum verið í byrjunarliði Fal-
kirk á leiktíðinni en hann skoraði í sínum fyrsta leik með
liðinu í haust, í 2-1 tapi fyrir Dundee United. En Kjartan
hefur ekkert spilað síðan í lok október vegna meiðsla.
„Ég er ekkert svekktur yfir því að fara aftur til Noregs en
hins vegar hafa þessi meiðsli hafa verið mjög leiðinleg. Ég togn-
aði á liðbandi í hné fyrir sjö vikum en upphaflega var talið að ég
yrði í 4-6 vikur að ná mér. Ég fór í sprautu í fyrradag og vona ég
að það verði til þess að ég geti eitthvað spilað með liðinu um
hátíðarnar enda eru margir leikir þá,“ sagði Kjartan.
Falkirk er á botni deildarinnar og hefur mórallinn í
liðinu verið eftir því. „Það er mikið búið að ræða um
hvort reka eigi þjálfarann og það er mikil pressa á
liðinu. En á meðan hef ég þurft að sitja uppi í stúku
og horfa á.“
Honum líst þó vel á framhaldið og ætlar að reyna
að sanna sig á ný í Noregi. „Yfirmaður íþróttamála
hjá Sandefjord kom til Skotlands og sá mig spila
á móti Celtic. Hann sagði mér að reyna að ná mér
góðum og koma svo af fullum krafti í undirbúnings-
tímabilið fyrir tímabilið í norsku deildinni.“
Kjartan Henry hóf atvinnumannaferil sinn hjá Celtic
í Skotlandi en hann gekk í raðir Sandefjord í fyrra og
hefur síðan þá skorað tíu mörk í 33 deildarleikjum.
KJARTAN HENRY FINNBOGASON: AFTUR Á LEIÐ TIL NOREGS FRÁ SKOTLANDI
Það var aldrei í myndinni að lána mig lengur
> KR spilaði í Kína um helgina
KR lék tvo sýningarleiki við Beijing
Aoeshen í borginni Chengdu í Kína
um helgina. KR tapaði báðum leikj-
unum, þeim fyrri 101-73 og þeim
síðari 104-81. KR-ingar léku þó
vel enda þurftu leikmenn að
leggja á sig langt ferðalag auk
þess sem leiktíminn var lengri,
48 mínútur, en þeir hafa vanist.
Leikir hér á landi og annars stað-
ar í Evrópu eru 40 mínútur. Tommy
Johnson var stigahæstur KR-inga í
fyrri leiknum með 22 stig en Semaj
Inge skoraði nítján stig í þeim síðari.
HANDBOLTI Kiel tókst að halda
toppsæti sínu í þýsku úrvalsdeild-
inni í handbolta eftir að hafa gert
jafntefli við Hamburg á heima-
velli, 29-29, í toppslag deildarinn-
ar. Kiel er því enn taplaust eftir
fimmtán fyrstu umferðir tíma-
bilsins en þetta var annað jafn-
tefli liðsins í vetur. Kiel hefur
nú leikið 35 leiki í röð á heima-
velli án taps. Síðast tapaði liðið á
heimavelli fyrir meira en tveimur
árum – þá fyrir Hamburg.
Hamburg er þó aðeins einu
stigi á eftir Kiel og því spenn-
an enn mikil á toppi deildarinn-
ar. Þessi tvö eru þó svo gott sem
stungin af, sérstaklega þar sem
Rhein-Neckar Löwen tapaði fyrir
Füchse Berlin á útivelli í gær.
Kiel var án Daniels Narcisse
í gær en hann á við meiðsli að
stríða. En þrátt fyrir það fékk
Aron Pálmarsson ekki tækifæri
í leiknum sem var jafn og spenn-
andi strax frá fyrstu mínútu.
Hamburg náði frumkvæðinu
í leiknum og var með fjögurra
marka forystu, 16-12, þegar fimm
mínútur voru eftir af fyrri hálf-
leik. En heimamenn náðu að bíta
frá sér og minnka muninn í eitt
mark, 17-16, áður en flautað var
til hálfleiks.
Kiel komst svo tvisvar yfir
í síðari hálfleik en enn voru
það gestirnir sem höfðu und-
irtökin á lokakafla leiksins,
þökk sé góðri frammistöðu
Johannes Bitter í markinu.
Filip Jicha skoraði jöfnunarmark
Kiel þegar ein mínúta var eftir og
þar við sat.
Lærisveinum Dags Sigurðs-
sonar, þjálfara Füchse Berlin,
hefur ekki gengið neitt sérstak-
lega vel á heimavelli þeirra í
Berlín í haust en annað var upp
á teningnum í gær. Þá tók liðið á
móti Rhein-Neckar Löwen sem
með sigri hefði getað styrkt stöðu
sína í þriðja sæti deildarinnar
og saxað á forystu toppliðanna
tveggja.
En refirnir frá Berlín yfirspil-
uðu ljónin frá Mannheim strax frá
fyrstu mínútu og voru mest með
sjö marka forystu, 19-12 í upphafi
síðari hálfleiks.
Besti maður Füchse Berlin var
markvörðurinn Petr Strochl sem
varði alls átján skot. Bartlomiej
Jaszka var markahæstur með
sex mörk en Rúnar Kárason
lét talsvert að sér kveða og
skoraði tvö mörk.
Ólafur Stefánsson var
meðal markahæstu leik-
manna Rhein-Neckar Löwen
og skoraði fimm mörk, þar af
þrjú úr víti, en hann reyndi að
keyra áfram sóknarleik sinna
manna eins og hann gat. Guð-
jón Valur Sigurðsson skoraði
eitt en Snorri Steinn Guðjóns-
son ekkert.
„Við erum mjög
ánægðir með
sigurinn og
gríðarlega
stoltir af
liðinu,“
sagði Dagur Sigurðsson eftir
leikinn. „Allir leikmenn stóðu
sig mjög vel en við gáfum aldrei
tommu eftir í leiknum. Forystan
sem við byggðum upp í leiknum
dugði til að missa ekki leikinn
úr höndunum eftir að við lent-
um í vandræðum með varnarleik
þeirra,“ bætti hann við.
„Ég get ekkert sagt
við því að hafa
tapað tveimur stig-
um hér í dag. Þeir
voru einfaldlega
mun hungraðri og
ákveðnari en við
í leiknum,“ sagði
Martin Schwalb,
þjálfari Rhein-
Neckar Löwen.
eirikur@frettabladid.is
Toppbaráttan enn galopin
Kiel og Hamburg skildu í gær jöfn í toppslag þýsku úrvalsdeildarinnar í hand-
bolta, 29-29. Þá hafði Dagur Sigurðsson, þjálfari Füchse Berlin, betur gegn Ólafi
Stefánssyni, æskufélaga sínum, og félögum í Rhein-Neckar Löwen á heimavelli.
ENN EKKI TAPAÐ
HEIMALEIK
Kiel hefur ekki
enn tapað á
heimavelli í þýsku
úrvalsdeildinni í
handbolta síðan
Alfreð Gíslason
tók við.
NORDIC PHOTOS/
BONGARTS
FÓTBOLTI Framkvæmda stjóri Bay-
ern München, Uli Hoeness, segir
að Luca Toni sé frjálst að fara frítt
frá félaginu þegar félagaskipta-
glugginn opnar um næstu áramót-
in. Samband Toni og Louis van
Gaal knattspyrnustjóra er mjög
slæmt og vill Hoeness binda enda
á þá neikvæðu fjölmiðlaumfjöll-
un sem hefur verið vegna máls-
ins, eins og hann sagði sjálfur við
þýska fjölmiðla í gær. - esá
Bayern München:
Leyfir Toni að
fara frítt