Vikan - 21.12.1961, Blaðsíða 39

'rM
f byrjun október tóku til starfa tvær nýjar verzlanir, Guðrúnar-
búð og Gjafa- og snyrtivörubúðin, { stórhýsi Kristins Guðnasonar
á Klapparstíg 27. Þær eru í einum sal, en smekklega aðgreindar
hvor frá annarri.
Guðrúnarbúð verzlar aðallega með kápur, fluttar inn beint frá
erlendum tfzkuhúsum, ennfremur með slæður, trefla og hanzka.
Gjafa- og snyrtivörubúðin hefur á boðstólum allskonar snyrti-
vörur, undirföt kvenna, skartgripi og ýmsar aðrar gjafavörur.
Afgreiðslusalurinn er einkar hlýlegur og vistlegur. í Guðrúnar-
búð er þægilegur setkrókur, og rúmgóðir mátunarklefar og inn
af þeim saumastofa, sem sér um að lagfæra kápur eftir þörfum
viðskiptavinanna. Afgreiðsluborð Gjafa- og snyrtivörubúðarinnar
er mjög fallegt og vandað og hillum er smekklega fyrir komið
í sérkennilegri, svartri járngrind. Jörundur Pá’.sson, ark'.tekt,
teiknaði og sá um innréttingu verzlananna.
Eigandi og verzlunarstjóri Guðrúnarbúðar er Guðrún Stefáns-
dóttir, fyrrum verzlunarstjóri í verzluriinni Guðrún á Rauðar-
árstíg.
Verzlunarstjóri í Gjafa- og snyrtivörubúðinri er Kristín Þor-
steinsdóttir, en eigendur Lára Biering og Sigríður Biering.
A bókamarkadnum
Hveitibrauðsdagar.
Smásögur eftir Ingimar Erlend
Sigurðsson.
Ýmsir ágætir menn hafa haldið
því fram, að íslendingar væru
heldur aftarlega á merinni í smá-
sagnagerð og mun síðri í þeirri
grein ritmennskunnar en til dæmis
skáldsagnagerð. Nú skal ekki dæmt
um réttmæti þessarar skoöunar hér,
en hinu ber vissulega að fagna,
þggar fram koma nýir, efnilegir
höfundar. Einn þeirra, sem hefur
kvatt sér hijóðs nýlega, er Ingimar
Erlendur Sigurðsson með bók sinni
„Hveitibrauðsdagar“.
Lesendur Vikunnar þekkja Ingi-
mar gjörla, þar sem hann sigraði
í smásagnakeppni blaðsins fyrir
nokkru. í haust var önnur saga birt
í blaðinu eftir hann og þær eru
báðar i umræddri bók. Ingimar
reynir ýmsar leiðir; stundum er
hann nálega abstrakt, stundum er
brugðið upp svipmyndum af nær-
færni og stundum hefur hann sögu-
þráð upp á venjulegan máta. Hon-
um lætur vel að lýsa flóknu til-
finningalífi unglinga á gelgjuskeiði
og maður hefur það alltaf á tilfinn-
ingunni að hann tali af eigin
reynslu, fremur en að sagan eigi
sér rót i imyndunarafli skáldsins.
Nú á það eftir að koma i ljós,
hvort Ingimar Erlendur verður sá
kóngssonur, sem leysir íslenzku
smásöguna úr álögum; en hann fer
vel af stað með þessari bók sinni
og hefur gefið sér nógan tíma. Sög-
urnar eru ritaðar á timabilinu
1946—1961.
Það mun hafa staðið til, að Al-
menna bókafélagið gæfi þessa bók
út, en sökum bersögli um kynferð-
ismál i einstökum sögum, mun hið
virðulega félag ekki hafa treyst sér
til að óhreinka nafn sitt með því
að láta það sjást á titilblöðum bók-
arinnar, heldur gefið hana út undir
rós: Bókaverzlun Sigfúsar Ey-
mundssonar er skráður útgefandi
en Almenna Bókafélagið á það fyrir-
tæki eins og kunnugt er.
Barnabókaútgáfan Máni sendir
að þessu sinni tvær barnabækur á
jólamarkaðinn, „Einu sinni var ...“
og „Segðu mér sögu“. Báðar þessar
bækur hafa inni að halda sögur og
ævintýri, sem Loftur Guðmundsson
hefur þýtt og endursagt úr ensku,
og báðar eru þær prýddar mörgum
myndum við þarnahæfi. Prentsmiðj-
an Edda h.f. hefur annazt prent-
unina.
„Einu sinni var —“ hefur inni
að halda sjö ævintýr og sögur, en
„Segðu mér sögu“, tólf talsins.
Óþarft er að taka það fram að
málið er vandað og frásögnin létt
og skemmtileg og vel við barna
hæfi, og er þess að vænta að bæk-
ur þessar verði mörgu barni kær-
komin jólagjöf.
Menningarsjóður gefur að venju
út fjöldan allan af bókum auk hinna
venjulegu félagsbóka. Af þeim
helztu, sem nú eru komnar á mark-
aðeinn og félagsmenn geta valið um,
má nefna Strönd og Vogar eftir
Árna Óla, Segðu mér að sunnan, úr-
valsljóð eftir Huldu, Útlendingurinn,
skáldsaga eftir nóbelsverðlauna-
skáldið Alfred Camus, Bréf frá ís-
landi, ferðabók um ísland eftir Uno
von Troil, og Veröld sem var, sjálfs-
ævisaga Stefans Zweig.
Félagsmenn geta valið um tvær
þessara bóka að eigin geðþótta.
Auk þess fá félagsmenn Andvara,!
Almanakið og Lönd og Lýði (Mann-
kynið), tekið saman af ólafi Hans-*
syni, menntaskólakennara. Fyriri«
allar þessar bækur greiða félags-á
menn aðeins 210 krónur, og þar að
auki fá þeir 20—25% afslátt af öllum
þeim bókum, sem Menningarsjóður
gefur ÚL
Almenna bókafélagið hefur nýlega
gefið út desemberbók sina, Hannes
Hafstein — ævisaga, eftir Kristján
Albertsson. Er þetta fyrra bindið
af tveim og gefin út í tilefni af ald-
arafmæli Hannesar Hafstein, 4. des.
Bókin fjallar um foreldra Hann-
esar og bernskuár, skólaár og em-
bættisár í Reykjavik og á ísafirði
og stjórnmálaferil hans til 1904.
Bókin er prýdd mörgum myndum
af fólki, sem kemur við sögu
Hannesar Hafstein, og sýnir hún,
að hann hefði einnig getað orðið
góður listmálari, ef hann hefði lagt
það fyrir sig.
Þetta fyrra bindi ævisögunnar er
360 bls. að stærð auk myndasíðna.
Steindórsprent h.f. hefur annazt
prentun texta og svart-hvítra
mynda, en litprentun málverks og
kápu hefur Lithoprent h.f. annazt.
Þá er og nýútkomið frá Almenna
bókafélaginu, 2. bindi af skáldverk-
um Gunnars Gunnarssonar, en 3.
í bindið mun koma i desember, og er
jáætlað að 4—5 bindi af þessu rit-
‘ safni komi út á næsta ári og mun
•■útgáfu ritsafnsins þvi ljúka þá, en
íiþað verður alls 8 bindi.
;—.......—----------------—-------------------------------------------—............................
óskar öllum viðskiptavinum sínum nær og f jær
Mars Trading Company gleðilegra jóla, árs og friðar með þökk fyrir
viðskiptin á liðna árinu.
VIKAN 39