Vikan - 01.02.1973, Blaðsíða 4
Teppin sem endast. endast og endast
á stigahús og stóra gólffleti
Sommer teppin eru úr nælon. Það er sterkasta teppaefniS
og hrindir bezt frá sér óhreinindum. Yfirborðið er með þéttum, lá-
réttum þráðum. Undirlagið er áfast og tryggir mýkt,
sislétta áferð og er vatnsþótt.
Sommer gólf- og veggklæðning er heimsþekkt. Sommer teppln
hafa staðizt ótrúlegustu gæðaprófanir, m. a. á fjölförnustu
járnbrautarstöðvum Evrópu.
Við önnumst mælingar, lagnlngu, gerum tilboð og gefum
góða greiösluskilmála. Leitið til þeirra, sem bjóða Sommer verð og
Sommer gæði.
PÓSTURINN
Hárgreiðsla
Kæri Pósturl
Mig langar til að fá upplýsingar
um það, hvað maður þarf að
vera búin með marga bekki í
iðnskóla til að komast að sem
lærlingur hjá hárgreiðslukonu.
Hvernig er skriftin, og hvað
lestu úr henni? D.Á.
Fyrsta skrefið er að komast að
sem nemi á einhverri stofunni,
síðan er skólinn sóttur með-
fram vinnunni. Skriftin er ekki
beint falleg og fremur ólæsileg,
en úr henni má iesa dugnað og
ákaflyndi.
Gullsmíði
Kæri Pósturl
Mig langar til að spyrja þig um
nokkur atriði varðandi gull-
smíðanám. Fer aðalkennslan
fram hjá gullsmið? Hvernig er
bóklegu námi háttað og hvaða
fög laerð? Hvað tekur námið
langan tíma? Fær nemandi
greidd einhver laun, meðan á
námi stendur? Með fyrirfram
þakklæti. j.þ.
Eftir því sem við komumst næst,
er talsvert erfitt að komast að
sem nemi hjá gullsmið um þess-
ar mundir. En takist það, þá er
gullsmiðurinn sjálfur aðalkenn-
arinn. Námið tekur 4 ár, þar af
er neminn 3 mánuði á ári { iðn-
skólanum og lærir þar tungu-
mál, reikning, teiknun o. fl. —
Hann fær lítils háttar laun sem
nemi.
Svar til einnar í
miklum vanda
Þú skalt bara halda áfram að
vera hamingjusöm með piltinum
þínum. Að vísu þorum við ekki
að lofa því ákveðið, að börn
ykkar erfi ekki þennan eigin-
leika, sem þú lýsir, og höfum
raunar grun um, að hann geti
komið fram í öðrum eða þriðja
lið. En er eitthvað voðalegt við
það? Þú ert hrifin af piltinum
þínum, og þeir eru áreiðanlega
ekki margir, sem llta á þennan
eiginleika sem löst eða lýti. Þú
getur rætt þetta við lækni, en i
öllum bænum láttu ekki þessa
smámuni spilla hamingju þinni
og tilfinningum þínum til manns-
ins. Stafsetningin er góð, nema
þú ert ekki viss í reglunum um
y. Skriftin er snotur og ber vott
um tilfinningahita og mann-
gæzku. Steingeitarpiltur og vog-
arstúlka eiga vel saman, að því
tilskildu, að stúlkan sætti sig við
ráðríki piltsins.
Ef nafn er falsað
Kæri Póstur!
Mig langar til að bera aðeins
eina spurningu undir þig, og
hún er: Ef nafn er falsað á vfxil,
getur maður þá stefnt þeim, er
það gerir, og er mikil sekt við
því? Fer það eftir upphæð víx-
ilsins? Með kveðju og virðingu.
S.H.
Sá, sem getur sannað, að nafn
hans hafi verið falsað á víxil,
þarf ekki að borga hann. Falsar-
inn verður dæmdur til að greiða
fjárkröfu samkvæmt víxilupp-
hæðinni. Skjalafölsun getur varð-
að ailt að 8 ára fangelsi, en við-
urlög við broti sem þessu eru
ákveðin eftir eðli brotsins og
ferli viðkomandi manns. Við
fengum þessar upplýsingar í
dómsmálaráðuneytinu og von-
um, að þær nægi þér.
Kennarinn alveg
óður
Kæri Póstur!
Eg þakka fyrir allt gamalt og
gott og þó sérstaklega þáttinn
um poppið og framhaldssög-
urnar. En nú kemur vandamál,
sem ég vona, að þú getir ráðið
fram úr fyrir mig. Þannig er mál
með vexti, að ég er í skóla hér
í bæ og læri ensku, eins og sjálf-
sagt er. En kennarinn er alveg
óður. Ég er frekar góð f ensku,
en það er sama, hvað ég geri
og segi rétt, hann stekkur alltaf
upp á nef sér. Ég er alltaf að
drepast úr taugaóstyrk, þegar ég
fer í tfma, og ekki batnar hann,
þegar ég sé ferlíkið birtast. Hin-
ir krakkarnir kvarta um þetta
líka, og við vitum hreinlega
ekki, hvað við eigum að gera.
Eigum við að hætta að mæta í
tíma hjá honum eða eigum við
að kvarta við skólastjórann? —
4 VIKAN 5. TBL.