Vikan - 18.03.1976, Qupperneq 11

I NÆSTU lflKU
AKASSANUM
ÖII höfum lent i því að bíða við kassa í kjörbúð á
föstudagssíðdegi, þegar flestir eru að versla til
helgarinnar. Mörgum þykir nóg um biðina, en flestir
sýna þó skilning og gera sér grein fyrir því, að í ösinni
þurfa „kassastúlkurnar” sannarlega að halda á
spöðunum til þess að hafa undan og gera enga vitleysu.
Við litum inn í þrjár kjörbúðir og rseddum stuttlega við
nokkrar afgreiðslustúlkur, aðallega „kassastúlkur”.
Viðtölin við þaer birtast í næsta blaði.
SJALFSMYND AF HELGA SELJAN
Helgi Seljan situr á þingi sem alþýðubandalagsmaður
fyrir austurlandskjördæmi og hefur sannarlega í mörgu
að snúast. En Helgi er þannig, að hann á bágt með að
neita bón, og hann gat heldur ekki neitað Vikunni,
þegar hann var beðinn um að svara nokkrum
spurningum í þættinum Sjálfsmynd. Eflaust tækju
flestir alþingismennn undir þá frómu ósk Helga, sem
fram kemur í svari hans við spurningunni um það,
hvaða hæfileika hann kysi helst að vera gæddur.
Óbrigðulli dómgreind, svaraði Helgi, en svör hans
birtast í næstu Viku.
MEÐ ÓSKALAGAÞÁTT SJÚKLINGA
óhætt mun að fullyrða, að á öllum sjúkrastofum
landsins er útvarpið á fullu og öll eyru opin á
laugardagsmorgnum, þegar óskalagaþáttur sjúklinga er
sendur út. Þægileg kvenmannsrödd les upp kveðjurnar,
og við furðum okkur á öllum þeim aragrúa af gunnum
og stebbum og jónum og stínum, sem til eru. En hver
er hún, konan á bak við mjúku röddina, sem allir hafa
heyrt í, en fæstir séð? Vikan rabbaði við Kristínu
Sveinbjörnsdóttur nýlega, og viðtalið birtist í næsta
blaði.
Á FRÍVAKTINNI
Margrét Guðmundsdóttir heitir stjórnandi eins af
vinsælustu föstum þáttum útvarpsins, Á frívaktinni.
Vikan brá sér á hennar fund um daginn og hitti hana
fyrir, þar sem hún var að drukkna í loðnubréfum, en
loðnuvertíðin og hvalveiðivertíðin eru aðalvertíðir
Margrétar að sögn. 1 viðtalinu, sem birtist í næsta blaði,
segir Margrét, að oft sé klipið af þeim tíma, sem henni
er skammtaður, þegar auglýsingarnar fara fram úr
áætlun, og eru ugglaust margir fleiri óánægðir með
það.
MARGRÉT SEM MÓÐIR OG DROTTNING
Þrátt fyrir miklar annir og opinberar skyldur reynir
Margrét danadrottning að gefa sér tíma til að vera
móðir. Og bústaður drottningarfjölskyldunnar þykir
verulega heimilislegur og líkjast fremur raunverulegu
heimili en gamalli konungshöll. Bæði Margrét og
Hinrik maður hennar gengu í verslanir og völdu
húsgögn og annað til heimilisins, en auk þess er það
prýtt hinum fegurstu munum, sem þau fengu í
brúðargjöf frá ótal aðilum. Við fáum að sjá brot af
dýrðinni I næstu Viku.
VIKAN Útgcfandi Hilmir h.f. Ritstjóri: Kristín Halldötsdóttir, Blaðamenn: Trausti Ólafsson,
Hrafnhildur Schram, Guðmundur Karlsson. Útlitsteiknari: . Þorbergur Kristinsson. Ljósmyndari:
Jim Smart. Auglýsingastjori: Ingvar Sveinsson. Ritstjórn, auglýsingar, afgreiðsla og dreifing
í Síðumúla 12. Símar 35320-35323. Pósthólf 533. Verð I lausasölu kr. 250. Áskriftarverð
kr. 2.800 fyrir 13 tölublöð ársfjórðungslega, kr. 5.250 fyrir 26 tölublöð hálfsárslega eða kr. 9.800
I ársáskrift. Áskriftarverð greiðist fyrirfram. Gjalddagar: nóvember, febrúar, mal.ágúst.
12. tbl. 38. árg. 18. mars 1976
GREINAR:
6 Hjartaknúsarinn og drauma-
dlsin. Sagt frá Jarl Kulle og
draumadlsinni hans.
16 Sjálf notaði hún aldrei fegrun-
arlyf, en græddi ógrynni fjár á
því að fegra aðra. Sagt frá
Helenu Rubinstein.
VIÐTÖL:
2 Meistarinn málar enn. Jóhann
Briem listmálari heimsóttur.
24 Sjálfsmynd 5. Gísli Sigurðs-
son: Slepptu áhyggjunum,
flýttu þér hægt.
26 Ég þakka guði fyrir að vera
Leonard Bernstcin.
SÖGUR:_____________________
20 Dibs. Sjöundi hluti framhalds-
sögu eftir Virginia M. Axline.
28 Marianne. Sautjándi hluti
framhaldssögu eftir Juliette
Benzoni.
36 Kjúklingurinn. Smásaga eftir
brasillska höfundinn Clarice
Lispector.
FASTIR ÞÆTTIR:________________
9 Krossgáta.
12 Póstur.
19 Tækni fyrir alla.
30 Stjörnuspá.
34 Babbl. Þáttur í umsjá Smára
Valgeirssonar.
37 Meðal annarra orða: Flamenco
og freðýsa.
38 Á fleygiferð. Þáttur I umsjá
Árna Bjarnasonar.
40 Draumar.
41 Matreiðslubók Vikunnar I um-
sjá Drafnar Farestveit.
ÝMISLEGT:______________
14 Poplistin I Listasafninu.
12. TBL. VIKAN 11