Vikan - 21.12.1978, Blaðsíða 12

— Við hvað er miðað þegar taxti
tannlæknaféiagsins er gerður?
— Til skamms tíma bjuggu tannlæknar
til taxta sinn algjörlega upp á eigin spýtur
en þegar samningarnir voru undirritaðir
við Tryggingastofnun ríkisins 19. apríl
1975 varð breyting á. í samráði við
Tryggingastofnunina var búin til ímynduð
vísitölutannlæknastofa. Þar var flest tekið
inn í dæmið, þvottur, ræsting, tímarita-
kaup, mannakaup, afskriftir af tækjum og
allt mögulegt. Laun tannlækna síðan
miðuð við nokkra launaflokka hjá B.H.M.
Á grunni allra þessara upplýsinga var
taxtinn siðan byggður. Hann er endur-
skoðaður á þriggja mánaða fresti og fylgir
því verðlaginu.
— Hver endurskoðar hann?
— Það er tannlæknafélagið og
starfsmaður Hagstofunnar.
— Nú finnst eflaust mörgum taxti ykkar
hár, alveg burtséð frá þvi hvort hið
opinbera á að taka þátt í kostnaðinum eða
ekki. Er taxtinn rýmilega áætlaður út frá
vísitölutannlæknastofunni?
— Sjáðu nú til. Þegar ungur tannlæknir
lýkur námi og ætlar að opna stofu er
stofnkostnaðurinn ógurlegur — á milli 15
og 20 milljónir. Þetta þarf svo allt að
endurnýja á 5-10 ára fresti. Þessa peninga
verður tannlæknirinn að leggja fram
sjálfur, hann verður að taka allt sitt í
gegnum „praksís” og þess vegna verður
taxtinn að vera hár. Fólk tekur eftir hvað
þetta er dýrt vegna þess að það borgar
tannlækninum beint. Ég efast um að hver
tímaeining hjá tannlækni sé nokkuð dýrari
en hjá almennum læknum. Það er bara
spurning hvort greiða eigi þetta úr sam-
eiginlegum sjóði eða ekki og það er stjórn-
valda að taka ákvörðun um það.
Annars tel ég að það hefði ótvíræða
ókosti í för með sér ef hið opinbera færi að
skipta sér meira af þessum málum en nú
er. Tannlæknaþjónustan yrði ekki ódýrari
við það vegna allrar skriffinnskunnar sem
nauðsynlega fylgir starfsemi hins opinbera.
Þeir sem í henni stæðu þyrftu að fá
eitthvað fyrir sinn snúð.
— En gæti ekki verið að þessi
aukakostnaður myndi skila sér í auknum
skatttekjum til ríkisins frá tannlæknum?
— Ef þú ert að tala um skattsvik þá vil
ég að það komi fram að tannlæknar eru
bókhaldsskyldir og verða að skrifa niður
tekjur sínar eftir hvem dag. Hver fylgist
með því? Það er náttúrlega hægt að gera
allan fjandann en ég tel að ef ekki er um
meiri skattsvik að ræða í þjóðfélaginu en
hjá tannlæknum þá væri flest í sómanum.
— Get ég fengið taxta tannlækna-
félagsins með mér til skoðunar?
— Nei, við látum hann ekki frá okkur.
— Hvers vegna ekki ?
— Hann er okkar einkamál.
„Þetta er
pólitísk
spurning"
Nokkrir tannlæknar
skrifuðu ekki undir
samninginn sem gerður vai
við Tryggingastofnunina
1975. Aðallega voru þetta
tannlæknar sem fást við
tannréttingar en slíkar
aðgerðir hafa mjög færst í
vöxt hin síðari ár.
Margur hefur þá hugsað
sem svo að nú ætluðu
þessir þrjótar að halda
áfram að svíkja undan
skatti og því ekki skrifað
undir. Einn þessara
tannlækna er Ólafur
Björgúlfsson. Við spurðum
hann hvers vegna hann
hefði ekki skrifað undir.
með vexti og þróun andlits og kjálka. Það
er töluvert frábrugðið venjulegum tann-
lækningum eins og hver maður ætti að geta
séð. Við leggjum til góð ráð og tæki og
síðan veltur allt á sjúklingnum hvernig til
tekst með framhaldið. Ef þriðji aðili kemur
þarna inn í spilið, þ.e. hið opinbera, þá
teljum við að allt aðhald hverfi en það er
einmitt það sem er svo nauðsynlegt í
tannréttingum. Ástæðan fyrir því að við
skrifuðum ekki undir þennan samning var
að í honum var gert ráð fyrir því að hið
opinbera greiddi tannréttingar að fullu en
við lögðum til að ríkið greiddi verulegan
hluta kostnaðarins á móti sjúklingnum, t.d.
75%.
— En nú er starfandi sérfræðingur í
tannréttingum á Akureyri og hann skrifaði
undir.
— Ég tel mig vita að sá maður sé á sama
máli og við hérna í Reykjavík um skiptingu
kostnaðar á milli hins opinbera og
sjúklinganna sjálfra. Það er e.t.v. erfiðara
um vik í fámenninu þarna fyrir norðan.
— Er ástæðan ekki sú að með því að
skrifa ekki undir samninginn getið þið
haldið áfram að ákvarða skatta ykkar
sjálfir?
— Ég get að sjálfsögðu aðeins svarað
fyrir sjálfan mig. Ég bý i bæjarfélagi þar
sem fólk er yfirleitt vel stætt og þar ber ég
höfuð og herðar yfir aðra hvað skatta
varðar. Það getur varla verið að skatt-
svikarar greiði hæstu skattana. Einnig vil
ég nefna að ég gef öilum mínum
sjúklingum kvittun fyrir greiðslu en hvort
þeir henda henni strax og þeir koma út veit
ég ekkert um.
— Hefur þú einhverja skynsamlega
skýringu á því hvers vegna það er svona
dýrt að fara til tannlæknis?
— Tannlækningar hafa alltaf verið
12 Vikan Sl.tbl.
„Þetta er lýjandi starf.'