Vikan - 21.12.1978, Blaðsíða 31

Plakat Vikunnar:
enn á ný
Sænska hljómsveitin Abba virðist
ekki enn hafa runnið skeið sitt á enda.
Hún er nú orðin ein stærsta útflutnings-
vara Svia og er þar engin breyting á, ef
dæma má af nýjustu blaðafregnum.
Hljómsveitin hefur nýlokið hljómleika-
og auglýsingaferð um Bandaríkin og
vakti þar mikla athygli, þótt ekki tækist
henni að koma nýju LP-plötunni, The
Album, i efstu sæti vinsældalistanna þar
í landi. En þau eru ekkert á því að gefast
upp og nú er enn ein plata frá þeim á
leið á markaðinn. Hún kemur reyndar
alveg i tæka tið fyrir jólin, svo ekki ætti
að verða erfiðleikum bundið að velja
jólagjöfina fyrir börn á aldrinum
fjögurra ára til sjötugs.
Eins og flestir vita mynda
hljómsveitina ABBA tvenn hjón,
Agnetha Fáltskog og Björn Ulvaeus, en
þau eiga tvö börn saman, og Annifrid
Lyngstad og Benny Anderson, sem að
vísu eru ekki gift, en búa saman. Þau
síðarnefndu eiga tvö börn hvort frá
fyrra hjónabandi. ABBA kom fyrst
fram í Grand Prix keppni í Sviþjóð, en
varð þá ekki fyrir valinu til þess að taka
þátt i Evrópukeppninni. En þau voru
ekkert á því að gefast upp og næsta ár
sigruðu þau. Sá sigur var upphafið að
einstæðum frægðarferli, sem enginn veit
ennþá hvernig endar. Plötur þeirra
seljast mest allra norrænna platna og
enn eru þau söluhæst allra fjölskyldu-
hljómsveita heims.
Varla er mögulegt að skrifa um
velgengni ABBA hljómsveitarinnar án
þess að minnast nokkrum orðum á
umboðsmann þeirra, Stickan Anderson.
Hann var áður kennari í sveit, en lærði
um skemmtanaiðnaðinn í bréfaskóla.
Stickan er nú orðinn stærsti
forvígismaður tónlistarútgáfu á Norður-
löndum. í þessum störfum er hann
þrautþjálfaður og ýmsar hugmyndir
hans, sem henta vel hinni einu sönnu
ímynd ABBA í augum fólksins, hafa
slegið í gegn.
Vinsældir ABBA hafa lítið breyst á
undanförnum árum. Sumir segja að þær
byggist talsvert á góðu skipulagi, en
varla er það þó eina ástæðan fyrir
vinsældunum. Lögin þeirra eru létt og
auðlærð og eiga nokkuð greiðan aðgang
að heimsmarkaðnum. Þau eiga
aðdáendur á öllum aldri, eru létt í
framkomu, bæði á sviði og í umgengni.
Og síðast en ekki síst, þau hafa þénað
svo mikið að þau geta dregið sig í hlé
nokkurn veginn áhyggjulaust, þurfa
aðeins að hugsa um hvernig í
ósköpunum þau eiga að verja ölium
þessum gróða.
baj
Sl.tbl. Vikan3I