Vikan - 04.01.1979, Blaðsíða 31
Eins og svo mörgum öðrum stjörnum
fannst Bob Dylan sitt rétta skírnarnafn
bæði langt og óþjáft. Hann er fæddur
24. maí í Duluth í Minnesota, og stuttu
seinna var hann skírður hinu hljóm-
fagra nafni Robert Allen Zimmerman.
Hann byrjaði að spila á gítar þegar
hann var 12 ára og í menntaskóla lék
hann með skólahljómsveitum. 1959 hóf
hann háskólanám og þá var það sem
hann tók sér nafnið Dylan, líklega til
heiðurs skáldinu Dylan Thomas. Hann
gafst upp á náminu ári seinna, og í
janúar 1969 lagði hann af stað til New
York i átt til frægðar og frama.
Frá fyrstu stundu var hann
sannfærður um að hann mundi geta
gert draum sinn að veruleika. Hann hóf
að leika og syngja í litlum klúbbum
strax og hann kom til New York. Dylan
lagði mikið upp úr því að komast í
innsta hóp þjóðlagasöngvaranna og
hrósaði sér mikið af kynnum sínum við
þjóðlagahetjuna Woody Guthrie.
Einnig komst hann fljótt í kynni við
aðal-klíkuna í New York, en það voru
Ramblin’ Jack Elliot og Cisco Houston
og yngri skáld eins og Dave Van Ronk
og Tom Paxton.
Það er sagt um Dylan að hann hafi
verið mjög áhrifamikill persónuleiki,
hafði kröftuga og hrjúfa rödd og var
duglegur við að koma sér áfram. Hann
var ekki búinn að vera nema tvo
mánuði í New York þegar fólk fór að
veita honum athygli og um vorið 1961
kom hann fram á tónleikum John Lee
Hooker í Gerde’s Folk City í Greenwich
Village. Fyrsta plata hans, sem bar
nafnið Bob Dylan, kom út seint á árinu
1961, og þegar næsta plata hans The
Freewheelin Bob Dylan kom á
markaðinn var ljóst að honum hafði
tekist það sem hann ætlaði sér.
Nú er Bob Dylan orðinn eitt af
stærstu nöfnunum í tónlistarsögunni.
Og þeir eru ekki fáir aðdáendur hans hér
á íslandi, þvi við höfum hvað eftir
annað verið þrábeðin um að birta
myndir af honum í Vikunni. Nú látum
við verða af þvi að uppfylla þá ósk
myndarlega og birtum hvorki meira né
minna en opnu-plakat í litum af
kappanum. Gjörið þið svo vel!
HS
Honum tókst það
sem hann ætlaði sér
BOB
DYLAN:
I. tbl. Vikan 31