Vikan - 28.06.1984, Blaðsíða 15

í marga með húðkrabba...
En hvað um blessaðar
hrukkumar? Er hægt að fá þær
burt með undrameðulum?
„Nei, ekki er það nú en það er
hægt að halda húðinni rakri
þannig að hún verði áferöarfal-
legri. Kremin koma hins vegar
aldrei í veg fyrir hrukkur því það
er ekkert sem getur farið ofan í
húðina og endurnýjað hana,
jafnvel ekki endurnýjunar-
maskarnir.”
Notar húðsjúkdómalæknir
fegrunarlyf?
„Ekki get ég nú sagt það, ég
nota þó maskara og rakakrem
nota ég þegar húðin er mjög þurr.
Ég fæ stundum sendar prufur aö
utan en er þekkt fyrir aö gefa þær
jafnóöum.”
Á reyndar fleiri
áhugamál en húðina
Ellen fékk styrk úr Vísindasjóöi
við síðustu úthlutun til að vinna að
húðrannsóknum svo það lá beinast
við að spyrja hana í lokin hvort
allur hennar tími færi í húðina.
„Eins og er fer mikill tími í
hana. Ég vinn á Rannsóknarstofu
háskólans eftir vinnutíma minn á
stofunni. Þar er ég aö reyna að
komast að hlutfallslegri tíðni sjúk-
dóms sem nefnist Subacute
Cutaneous lupus og er afbrigði af
bandvefjasjúkdómi. Ég er vön því
að vinna mikið. I náminu úti voru
gerðar miklar kröfur, mottóiö
var: Se one — do one sem þýddi að
maður átti að fylgjast meö annan
daginn og framkvæma síöan þann
næsta. En ég á mér auðvitað
áhugamál, ég spila á píanó, var í
tónlistarnámi áður en ég fór út að
læra svo reyni ég að ferðast eins
og ég get þegar tími gefst. Á
námsárunum ferðuðumst við
hjónin mikið. Það má segja að við
séum búin aö koma í flest ríki
Bandaríkjanna. Erum búin aö
eyöa jólum í Mexíkóborg, höfum
keyrt um kanadísku Klettafjöllin,
dvalið á Jómfrúareyjum og þvælst
um þjóðgarða Bandaríkjanna. í
nóvember síðastliðnum fórum við
til Kenya sem var mikil upplifun.”
Er húðsjúkdómalæknir lítið
fyrir sólarlandaferðir?
„Æ, já. Þegar við vorum úti
feröuöumst við helst á vorin
meöan ís var enn á vötnum. Ég vil
helst kynnast fólkinu á þeim
stöðum sem ég kem til og ég hef
mjög gaman af að forvitnast um-
matargerðina, en ég hef mjög
gaman af eldamennsku og kem
oftast klyfjuö af alls kyns vörum í
hana úr svona feröalögum. ’ ’
Þú ert ekkert að freistast til að
kanna húðtegundir fólksins á þeim
stöðum sem þú kemur til?
„Nei, ég reyni að láta þaö vera.
Aö vísu (og nú hlær Ellen dátt) þá
kannaði ég þetta aðeins þegar ég
fór til Kenya, heimsótti til dæmis
spítala, þar sem allt aðrir húð-
sjúkdómar eru fyrir hendi, auk
þess sem ég hlustaði á fyrir-
lestra.”
26. tbl. Vikan 15