Vikan - 08.05.1986, Blaðsíða 5

Dæmigert skoskt leiksvaeði. Útsýni frá lækna-
bústöðunum í DundeeyfirTayfjörðinn.
Skólinn byrjar um miðjan ágúst og enn er of
heitt fyrir bleiserjakkann með skólamerkinu.
Darri, Hans Jakob og Sigurður Elí, þrír íslensk-
irglókollar, og Gordon. skósvarturfrá Súdan!
sem vöruúrval í verslunum og fjöldi tískuversl-
ana og góðra matsölustaða. Þar hefur líka verið
mesta atvinnuleysi í Skotlandi. Nú virðist hins
vegar dæmið vera að snúast við og hef ég tekið
eftir miklum breytingum til batnaðar í Dundee,
sérstaklega eftir að ég flutti þangað aftur frá
Glasgow. Líklega er það Norðursjávarolíunni
að þakka. Dundee veitir þeim framkvæmdum
ýmsa aðstöðu. Mikið hefur verið rifið af göml-
um verkamannabústöðum og önnur betri hús
byggð í þeirra stað. Skoska listaakademían
hefur veitt þó nokkurt fé til útilistaverka,
gamlir kastalar gerðir upp og nýlega var opnað-
ur nýr matsölustaður í einum þeirra. Annars
er fátt gamalla, merkra bygginga í Dundee. Þar
var háð hver orrustan af annarri við Englend-
inga og sjaldan stóð steinn yfir steini eftir allt
kúlnaregnið. Landfræðileg lega Dundee er
mjög ákjósanleg. Náttúrufegurð Skotlands er
stórkostleg og er nágrenni Dundee engin und-
antekning. Fyrsta flokks hindberja- og jarðar-
berjaakrar liggja alveg að borgarmörkum. Fátt
jafnast á við fersk hindber, það er öll fjölskyld-
an sammála um. Stutt er að fara á strendur,
þar sem gott er að synda í sjónum, og í fallega
skóga til þess að rölta um eða æsa upp ímynd-
unaraflið hjá krökkunum. Ekki þurfa golfarar
að leita langt, til dæmis eru St. Andrews og
margir sögufrægir staðir skammt undan, svo
sem Glemiskastali. Þar er Elísabet drottningar-
móðir alin upp og sagt er að Macbeth hafi
myrt Duncan konung þar, þó að það standist
ekki sögulega.
í hvert sinn sem ég kem til Dundee héðan
frá höfuðborginni Edinborg, þar sem ég bý nú,
þykist ég sjá breytingu til batnaðar. Ymislegt
hefur verið gert þar nú í seinni tíð til þess að
skapa atvinnutækifæri, einkum í smáiðnaði,
svo sem tölvugerð og fleiru. Hefur stjórnin
meðal annars valið Dundee fyrir þá tilraun sína
að veita hverjum þeim sem kemst af atvinnu-
leysisskrá aukaþóknun frá ríkinu í nokkra
mánuði. Listamenn á ferðalagi um Bretland
leggja yfirleitt leið sína um Dundee. Ég held
meira að segja að Mezzoforte hafi spilað þar á
hátindi heimsfrægðarinnar. Skoska sinfóníu-
hljómsveitin spilar sitt prógramm þar á hverj-
um vetri. Fáir íslendingar stunda núorðið nám
við háskólann í Dundee. Frú Thatcher sá til
þess hér um árið þegar hún hækkaði námsgjöld
erlendra stúdenta um nokkur þúsund pund.
Dundee-háskóli er í mjög nánu samstarfi við
háskólann í St. Andrews og voru þeir í rauninni
einn og hinn sami þar til 1967. í St. Andrews
er húmaniskum greinum frekar sinnt en raun-
greinum í Dundee. Nokkrir íslenskir úrvals-
menn hafa þó útskrifast frá Dundee-háskóla og
núna nýlega varði Kristján Jónasson, vinur
okkar, doktorsritgerð við stærðfræðideildina.
Nokkrir íslenskir læknar hafa verið svo lán-
samir að fá atvinnu við háskólasjúkrahúsið,
Ninewells-spítala, sem er í útjaðri Dundee,
vestast í borginni. Við bjuggum þar í ágætis
starfsmannabústað, um það bil 10 ára gömlu
raðhúsi. Það var ekki fyrr en í Glasgow að ég
kynntist þessum gömlu, dæmigerðu, bresku
húsum, ísköldum og rökum.
Eftir að hafa búið í Svíþjóð og stundað leik-
vellina þar var erfitt að sætta sig við allt járn-
ruslið og steinsteypuna á leiksvæðum í Dundee.
Maður tvístígur yfir börnunum með lífið í
lúkunum og veltir því fyrir sér hvað hafi vakað
fyrir blessaðri manneskjunni sem hannaði allar
þessar slysagildrur. Að flytja barn úr íslenskum
lúxusleikskóla, þar sem allt er af nýjustu og
bestu gerð og ekkert þykir of gott fyrir blessuð
börnin, í skoskan leikskóla krefst þónokkurrar
aðlögunarhæfni. Það er eins gott að barnið
sjálft sé fyllilega ánægt með góða umönnun og
athygli og auðvitað nokkur vel valin leikföng
með.
Dundee er byggð á hæðum (ég er ekki að
líkja henni við Róm!) og á einni þeirra er
stjörnuathugunarstöð sem er opin almenningi
alla daga vikunnar. Þangað var oft gaman að
koma á stjörnubjörtum kvöldum.
Þó okkur hafi alltaf liðið vel í Dundee sakna
ég ekki margs þaðan, líklega helst vinanna.
Ég get enn komist í hindberjatínslu þó að nú
kosti það 50 mínútna akstur í stað 5 mínútna.
Sú staðreynd laumast samt að mér af og til að
ég komi líklega til með að sakna Dundee enn
19. TBL VIKAN 5