Vikan - 08.05.1986, Síða 23

Christopher Walken hefur sjálfur viður-
kennt að hann hafi ekki beint útlit leikara
sem sækist eftir rómantískum hlutverkum,
enda þótt að undanförnu hafi hann leikið
einstök rómantísk hlutverk. Hlutverk hans
í fyrstu myndunum, sem hann lék í, voru
líka annaðhvort hlutverk mögulega geð-
veiks karakters eða morðingja sem allir
óttuðust.
Eftir að hann lék hinn stríðshrjáða her-
mann í mynd Michael Cimino um Víet-
namstríðið, The Dccr Huntcr, hefur hann
unnið sig upp i að vera einn eftirsóttasti
stjörnuleikarinn í Hollywood. Christhop-
her Walken hefur samt ekki fallið í þá
gildru að endurtaka sig. Hlutverk hans
hingað til bera með sér að stærðin skiptir
ekki máli heldur gæðin. Má nefna Thc
Dogs of War þar sem hann leikur hermann
sem selur sig þeim sem býður hæst. Þar
er hann nær allan timann á tjaldinu. Einn-
ig er til marks um þetta lítið hlutverk
melludólgs í Pcnnies from Heaven þar sem
hann kemur aðeins fram í einni senu.
Christhopher vandar alltaf val sitt þeg-
ar hlutverk eru i boði þótt ekki hafi allar
þær myndir sem hann hefur lcikið í verið
vel heppnaðar þegar upp var staðið. Má
þar nefna tvær sem hlutu dapurleg örlög.
Hann hafði með höndum hlutverk í
Hcavcns Gatc sem fræg er orðin að endem-
um. Ekki lék Walken aðalhlutverkið en
hann lék stórt hlutverk í þessari úttekt
Michaels Cimino á villta vestrinu sem
kostaði það að hið fomfræga kvikmynda-
félag. United Artist, fór á hausinn. Einnig
var Pennies from Heaven dýr mynd sem
enginn vildi svo sjá þegar sýningar hófust
á henni.
Þá má geta þess að þegar hann lék í
Brainstorm lést mótleikkona hans, Natalie
Wood, á slysalegan hátt eins og frægt er
orðið. Það hafði verið búist við miklu af
þeirri mynd. Leikstjóri var Douglas Tmm-
bull sem er frægur fyrir tækniundur í
kvikmyndum. En eftir dauða Natalie
Wood fór allt að ganga á afturfótunum.
Surnir vildu hætta við myndina. Leikstjór-
inn hafði það í gegn að haldið skyldi áfram
og var Lana Wood, systir hinnar látnu,
fengin til að líkja eftir systur sinni í nokkr-
um óuppteknum atriðum. Þetta gekk samt
ekki og Brainstorm var mislukkuð að
mörgu leyti þó hugmyndin að henni sé
mjög sérstök og verð kvikmyndunar.
Christhopher Walken fæddist i New
York 1941 sem Ronald Walken. Hann tók
sér nafnið Christopher þegar hann var að
byrja leikferil sinn á sviði í New York.
Eins og hjá mörgum öðrum ungum sviðs-
leikurum voru það freistandi tilboð frá
Hollywood sem komu honum í kvik-
myndimar. Fyrstu hlutverk hans voru
ekki stór.
1971 lék hann lítið en gott hlutverk í
Thc Andcrson Tapcs. Þar lék Sean Conn-
ery aðalhlutverkið. Þetta var fyrsta
kvikmyndahlutverk hans. Strax árið eftir
lék hann aftur lítið hlutverk í melódrama-
tískri kvikmynd, The Happincss Cage.
Sjálfsagt hefur Christopher Walken ekki
verið nógu ánægður með árangurinn í
kvikmyndum því hann lét sig hverfa aftur
til New York og upp á leiksviðið. Þar var
hann heppinn með hlutverk og fékk góða
dóma, sem svo leiddi til að hann fór aftur
að fá tilboð um að leika í kvikmyndum.
Walken var fimm ár á Broadway, þá sneri
hann aftur til kvikmyndanna.
Next Stop, Greenwich Village eftir Paul
Mazursky var næsta mynd. Síðan var
hlutverk í Thc Scntinel sem Michael Winn-
er gerði. Þá lék hann lítið hlutverk í hinni
frægu mynd Woody Allen, Annic Hall.
Það var svo í hlutverki ungs manns, sem
heldur við eldri konu, í Roscland sem
Michael Cimino tók eftir honum og réð
hann til að leika eitt hlutverkið í Thc
Dccr Huntcr.
Eins og flestir vita sýndi Christopher
Walken snilldarleik og óskarsverðlaunin
urðu hans það árið fyrir leik í aukahlut-
verki. Margir urðu til að hneykslast á
honum við afhendingu óskarsverðlaun-
anna. Þegar hann tók á móti styttunni
sagðist hann frekar eiga hana skilið en
John Hurt, sem var aðalkeppinautur hans,
fyrir hlutverk sitt í Midnight Exprcss.
Hann var samt fljótur að biðjast afsökun-
ar opinberlega og kenndi um að hann
hefði verið blindfullur þegar hann tók á
móti styttunni.
Nú fóru bjartir tímar í hönd hjá Walk-
en. Allir vildu fá hann í myndir en hann
var ekkert að flýta sér og tók aðeins eitt
hlutverk að sér 1979, lítið en áhrifamikið
hlutverk í Last Embrace þar sem meðleik-
ari hans var Roy Scheider. Síðan komu
Heavcns Gate og Pcnnies from Hcaven sem
áður hefur verið minnst á. Hann lék síðan
aðalhlutverk í tveimur myndum 1981,
áðumefndri Dogs of War og Shoot the
Sun Down sem var vestramynd. Mótleik-
kona hans var Margot Kidder. Þessi mynd
hefur alveg horfið af sjónarsviðinu. Brain-
storm kom svo næst, mynd sem hefði átt
skilið betri örlög.
Það er svo í Thc Dead Zonc sem gerð
er eftir skáldsögu Stephen King sem
Christopher Walken slær aftur i gegn. Thc
Dcad Zonc er sjálfsagt besta myndin sem
gerð hefur verið eftir sögum Stephens
King. Það er ekki lítið að þakka góðum
leik Christophers Walken í aðalhlutverki
hversu vel hún heppnaðist. Nýjasta mynd
Walkens er svo James Bond myndin
fræga, A View to á Kill. Þar leikur hann
brjálæðinginn Max Zorin.
Nýlega hefur Christhoper Walken lokið
við að leika í At Close Range þar sem
hann leikur á móti Sean Penn sem er fræg-
astur fyrir að vera giftur poppgyðjunni
Madonnu. Hafa verið á kreiki margar
sögur um ósætti við kvikmyndatökuna
og allt hefur víst gengið á afturfótunum.
Nokkrar mvndir með Christophcr Walk-
cn scm hægt er að fá á vídeóleigum:
Thc Andcrson Tapcs
Annie Hall
The Dccr Hunter
Last Embrace
Hcavens Gate
The Dogs of War
Pennics from Heaven
Brainstorm
The Dcad Zonc
A View to a Kill
19. TBL VIKAN 23