Vikan - 05.02.1987, Blaðsíða 46

HUGSUDUR EDA FUPPARI?
Hljómsveilin Police: Stewart, Andy og Sting.
Tónlistarmaðurinn og
tónskáldið Gordon Sumner,
öðru nafni Sting, er kunnur
öllum sem fylgjast með því
sem gerist í tónlistarheimin-
um. Hann verður þrjátíu og
fjögurra ára á þessu ári en
hefur þegar skapað sér nafn
sem ekki mun gleymast.
Hann varð fyrst þekktur
með hljómsveitinni Police.
Hún kom mörgum á óvart,
bæði hvað varðaði tónsmíð-
ar og flutning.
Sting var kennari í fastri
stöðu, giftur og átti sex vikna
dóttur þegar hann tók þá
ákvörðun að leggja allt að
veði til að geta gert það sem
hann langaði til. Eftir að
hafa sett alla búslóðina inn
í litla bílinn sinn keyrði hann
til London ásamt konu og
dóttur.
Lengi var Sting stjarnan
sem enginn vissi neitt um.
Blaðamenn reyndu allt hvað
af tók að komast að ein-
hverju úr einkalífi hans en
það tókst ekki. Einu sinni
sagði Sting við blaðamenn:
„Þið þekkið mig ekki og þið
munuð aldrei þekkja mig.“
Eina stundina virtist hann
vera umhyggjusamur heimil-
isfaðir, aðra stundina laus
og liðugureinfari. Stundum
virtist hann vera alvörugef-
inn hugsuður sem hafði
miklar áhyggjur af kjarn-
orkustyrjöld en svo virtist
hann allt í einu vera mælskur
„flippari" sem mikið bar á í
tengslum við tónlistarheim-
inn. Sannleikurinn er sá að
Sting er allt þetta og mikið
af því hefur sýnt sig í lögun-
um hans. Sum lögin, sem
hann samdi þegar hann var
meðlimur Police, eru sprottin
af þeim erfiðleikum sem
hann lenti í þegar hann skildi
við fyrri eiginkonu sína,
Francis, fyrir tæpum þremur
árum.
Sting hefur undanfarið ár
verið á tónleikaferðalagi.
Hann hætti með Police og fór
að spila upp á eigin spýtur.
Sér til aðstoðar fékk hann
nokkra djasstónlistarmenn.
Hann gerði plötu sem nefnist
Dream of the Blue Turtles.
Þeirri plötu var afskaplega
vel tekið. Svo stóð hann fyr-
ir gerð kvikmyndar sem
fjallaði um stofnun hljóm-
sveitar og komu þar við sögu
meðlimirnir í hljómsveitinni
hans. Mynd þessi hlaut nafn-
ið Bring on the Night.
A tónleikaferðalaginu hélt
hann hvorki meira né minna
en hundrað og tuttugu tón-
leika. Hann ferðaðist frá
Bretlandi til meginlands Evr-
ópu og frá Ameríku til
Ástralíu. Þar lauk hann tón-
leikaferðalaginu. En á síð-
asta ári ákvað Sting að hætta
algerlega störfum í eitt ár.
Hvers vegna?
Sting segir: „Vald er
skemmtilegt - ef það skaðar
engan. Það getur verið
hættulegt - dýrkun rokk-
stjörnu. Gæta verðurþess að
halda ekki að maður sé al-
máttugur aðeins vegna þess
að ef maður lyftir hægri
hendinni gera áttatíu þúsund
manns það líka. Þetta er
næstum trúarlegs eðlis, þegar
fólk beinir öllum sínum
hæstu vonum og ímyndun-
46 VI KAN 6. TBL