Vikan - 16.04.1987, Qupperneq 10

Tónlist um páskana
Hallgrímskirkja - stærsta guðshús þjóðarinnar.
■Haligiimspassía
Á föstudaginn langa klukkan fimm síðdegis verður flutt í Hallgrímskirkju
endurunnin útgáfa af Hallgrímspassíu Atla Heimis Sveinssonar. Passían, sem
tekur um það bil klukkustund í flutningi, er flutt af tólf manna kammerkór,
undir stjórn Harðar Áskelssonar, organista Hallgrímskirkju, og leikurum sem
lesa upp úr Passíusálmunum með aðstoð hljóðfæraleikara. Kórinn skipa ein-
söngsnemendur sem reyndar hafa allir sungið með Mótettukór Hallgríms-
kirkju. Verkið samdi Atli Heimir fyrir nokkrum árum fyrir Dómkirkjuna en
hefur nú, eins og áður segir, endurunnið verkið í samvinnu við flytjendur og
er það framlag Atla Heimis Sveinssonar til vígsluárs Hallgrímskirkju. Uppi-
staðan í verkinu er píslarsaga Jesú Krists í tali og tónum. Passíusálmar
Hallgríms Péturssonar mynda nokkurs konar grind að verkinu. Úr þeim eru
tekin valin vers sem segja píslarsöguna. Eins notar Atli Heimir gömul al-
þýðusönglög og sálmalög sem hann útsetur fyrir einsöngvara, kór, orgel og
blásturshljóðfæri. Inn í tónlistarflutninginn er svo fléttað upplestri úr Passíu-
sálmunum.
Mótettukóriim
Á páskadagsmorgun verða tvær messur í Hallgrímskirkju, klukkan átta
og klukkan ellefu. Við báðar þessar messur mun Mótettukór Hallgríms-
kirkju, undir stjórn Harðar Áskelssonar, flytja halelújakafla úr síðasta hluta
mótettunnar „Singet dem Herrn" eftir Johann Sebastian Bach. Þessi mótetta,
sem samin er fyrir tvo kóra, verður flutt í heild um hvítasunnuna en þá hefst
mikil kirkjutónlistarhátíð sem haldin verður í tilefni vígsluárs Hallgrímskirkju.
Ennfremur er vert að geta þess að á skírdag mun þýskur kammerkór,
Westfalischer Kammerchor, flytja mótettuna „Jesu meine Freude" eftir J.S.
Bach. Stjórnandi kórsins er Marcus Föhrweiser en einleikari á orgel er Gunn-
ar Gunnarsson.
Það verður sem sagt mikið um að vera í Hallgrímskirkju og án efa munu
margir eiga þar ánægjulegar stundir um páskana.
Atli Heimir gefur tóninn.

Texti: Unnur Úlfarsdóttir
Myndir: Valdís Óskarsdóttir
10 VIKAN 16. TBL