Vikan - 18.06.1987, Síða 8

Náttúrufegurð við Mullerthal, norð-austur af borginni. Holiday Inn hótelið i Lúxemborg er glæsilegt og fyrsta flokks.
r
elsta hluta borgarinnar, Marché-aux-
Poissons, eru þröngar, sjarmerandi götur
og falleg, gömul hús, sum hver mjög
vel varðveitt. Rélt þar hjá er Corniche
sem kallað hefur verið fegurstu svalir Evr-
ópu enda býður svæðið upp á stórkostlegt
útsýni, meðal annars yfir hið tvö þúsund
ára sögusvið úr klettum. Þama er einnig
eitt af inngönguhliðunum inn í rúmlega
tuttugu kílómetra langt neðanjarðarvígi frá
fyrri tíð.
í Lúxemborg er mikið af fallegum bygg-
ingum og er dómkirkjan meðal þeirra sem
vert er að skoða. Menningarlíf er fjöl-
breytt, til dæmis tjöldi sögu- og listasafna,
leikhús innandyra sem utan og á sumrin
eru haldnar alþjóðlegar tónlistarhátíðir víða
um landið.
Enginn ætti heldur að vera svikinn af
skemmtanalíft borgarinnar eða matarkúlt-
úr. í boði er fjöldi erlendra veitingastaða
sem og innlendra með franska eldhúsið eða
þá hið lúxemborgíska. „Judd mat Ga-
ardebounen" er nokkuð sem verður að
smakka í Lúx, en það er reyktur grísaháls
með baunum. Annað ekta lúxemborgískt
er steiktur Móselftskur, Ardennesskinka,
kæfa og léttsoðinn ferskur aspargus.
Sað er þægilegt að ferðast um landið
Lúxemborg, vegalengdir eru hvergi
miklar og vegakerfið vel merkt. Rétt
utan við borgina er fjöldi smáþorpa
sem gaman er að skoða og meðfram ánni
Mósel eru skemmtileg, lilil vínræktarþorp.
Þar eru sums staðar gömul söfn sem hafa
að geyma sögu vinframleiðslunnar frá fyrri
tímum. Kastalar og hallir setja víða svip
sinn á hið fallega landslag. Við bakka Sure
árinnar í austri er Echtemach, gamall, fálleg-
ur klausturbær og elsta menntasetur
Evrópu. Bærinn er í dag kannski best þekkt-
ur fyrir dansprósessiu bæjarbúa þriðja dag
hvítasunnu, en sú athöfn er margra alda
hefð. Skammt frá er litla Lúxemborgar-
Sviss, ægifagurt landsvæði með villtum
gróðri, klettum og hellum. Þar sem víðar
eru merktar gönguleiðir. Bærinn Vianden,
ögn norðar, við ána Our, þykir einn feg-
ursti staður landsins. Þar bjó Victor Hugo
i útlegð sinni frá Frakklandi og er nú safn
í húsi hans. Vianden rekur sögu sína allt
til níundu aldar og er þar auk frægs kast-
ala og annarra fagurra bygginga gamall
virkisveggur umhverfis borgina. Enn norðar
er annar gamall bær, Clervaux, í djúpum,
þröngum dal við Clerve ána. Þar sat eitt
sinn við skriftir í klaustri bæjarins ungur
islenskur rithöfundur, Halldór Laxness.
Hér er aðeins fátt eitt upptalið af því
sem landið hefur upp á að bjóða til
yndis- og ánægjuauka - enda er sjón
sögu rikari. Væntanlegum Lúxem-
borgarförum má benda á að Flugleiðir og
Holiday Inn hótelið í Lúxemborg bjóða
mjög hagstæða ferðapakka sem vert er að
kanna nánar.
8 VIKAN 25. TBL