Vikan - 23.02.1989, Blaðsíða 33

Á myndinni eru þær Vigdís Hjaltadóttir, Lisbeth Schæffer og Kirsten Tvedegaard,
fulltrúar Europæisk Ferieskole. MYND: PÁLL KJARTANSSON
Lisbeth Schæffer sagði að markmiðið
með þessum tungumálanámskeiðum væri
að kenna fólki þau tungumál, sem mest
eru notuð, ensku, ffönsku, þýsku og
spænsku, en ekki væri á döfinni að gefa
fólki kost á að læra til dæmis íslensku eða
dönsku, enda yrði aðsókn að slíkum nám-
skeiðum líklega ekki sérlega mikil.
Námskeiðslengdin er ekki einungis
breytileg heldur líka kennslustundafjöldi á
viku, en hann getur verið frá 16 í 30
stundir, svo hver og einn á að geta fengið
það sem hann vill helst. Námskeiðin byrja
alla mánudaga og hægt er að hefja nám
hvenær sem er ársins. Tækifæri gefst til að
dveljast hjá fjölskyldu á meðan á náminu
stendur eða búa í heimavist. Yngri þátttak-
endur búa yfirleitt hjá fjölskyldurn, en þeir
eldri deilast nokkuð jafnt á heimavistir og
einkaheimili. Um helgar og reyndar endra-
nær eru skipulagðar ferðir bæði stuttar og
langar og í mörgum tilvikum fara nemend-
ur í tveggja daga ferðir til einhverra stór-
borga eða merkra staða nærri þeim stað
þar sem skólinn er.
Á unglinganámskeiðunum eru aldrei
fleiri en 15 í hópi, en þó oft færri og yfir-
leitt eru mun færri í hverjum kennsluhópi
hjá eldri nemendum en þeir koma líka oft
ffl þess að læra meira á skemmri tíma og
vilja fá tækifæri til þess að læra sem mest
°g fá sem besta kennslu. Kennarar á nám-
skeiðunum eru velmenntaðir og hafa
mikla reynslu í kennslu viðkomandi
tungumála.
Enskcm alltaff vinsælust
Enskan er vinsælasta tungumálið í þess-
um tungumálaskólum, en mjög breytilegt
er hvert fólk vill fara til þess að læra þau
tungumál, sem í boði eru. Danir fara til
dæmis nær eingöngu til Austurríkis til að
læra þýskuna, en Frakkar sýna þýskunni
mjög lítinn áhuga og fara ekki til Þýska-
lands. England hefur lengi verið vinsælasta
og um leið ódýrasta landið til enskunáms
en nú fara fleiri og fleiri til Ástralíu þrátt
fyrir að það sé mjög kostnaðarsamt.
Þegar fólk hefúr skráð sig til þátttöku í
einhverju EF-námskeiðanna fær það send-
an sérstakan námskeiðspakka. í honum
eru gagnlegar upplýsingar um námskeiðið
sjálft, skólann, þar sem kennslan fer ffam,
skólabæinn eða borgina, gagnlegar upplýs-
ingar varðandi vegabréfsáritanir og annað
álíka og auk þess kort af bænum þar sem
skólinn er. Loks fýlgir svo próf, sem fólk
getur tekið og metið hvernig það er að sér
í málinu, sem það ætlar nú að fara að læra.
Allt þetta ætti að vera gagnlegt veganesti
áður en lagt er upp í námsferðina.
Á námskeiðum
Skóla er hægt að læra
7 tungumál
Vigdís Hjaltadóttir raungreinakennari
hjá Skóla sf. sagði að þegar líða tæki á vet-
urinn yrðu EF-námskeiðin kynnt í skólum
um allt land. Þeir sem héðan fara munu
innritast fyrir milligöngu dönsku skrifstof-
unnar í Kaupmannahöfn, en Skóli sf. veitir
upplýsingar. Skóli er nýtt fyrirtæki sem
býður hér upp á kennslu í dönsku, norsku,
ensku, þýsku, spænsku, ffönsku og rúss-
nesku. Auk þess er þar hægt að fá skólaráð-
gjöf og kennslu í raungreinum — stærð-
ffæði, eðlisfræði og efhafræði, og hjá
Skóla er bæði hópkennsla og einstaklings-
kennsla, að sögn Vigdísar.
.,
FORSÍÐUSTÚLKAN
Frh. af bls. 28
mörgum keppnum síðan. Árið 1981
hlaut Guðrún 1. sæti í klippingu og
blæstri - og komst þar með í Norður-
landakeppnina í fyrsta sinn.
Næsta ár opnaði hún sína fyrstu
stofú, en tók svo aftur þátt í keppni
1983 og varð þá aftur í fyrsta sæti í
klippingu og blæstri auk þess sem hún
hlaut önnur og þriðju verðlaun í dag-
greiðslu og galagreisðlu. Þá varð hún
jaffiframt önnur yfir heildina. Þetta
sama ár fór hún því í Norðurlanda-
keppnina í annað sinn. Fjórða keppnin
sem hún tók þátt í var íslandskeppnin
1985 og þar fékk Guðrún 1. verðlaun í
galagreiðslu, sem er mesta keppnin í
þessum keppnum. í hinum greinunum
hlaut hún 2. og 3. sæti - og jafhframt
varð hún aftur í 2. sæti yfir heildina. Aft-
ur lá því leiðin í Norðurlandakeppnina
og nú fóru íslensku keppendurnir í
fyrsta sinn út sem lið, en í því voru þrír
efetu ffá íslandskeppninni. Liðinu gekk
mjög vel og hlaut 3. verðlaun, sem var
meda lía með öllum Norðurlandafánun-
um. Guðrún keppti síðast árið 1987,
því hún tók sér barneignarfrí, en hún
segist ekkert vera hætt og aldrei að vita
hvenær hún tekur þátt aftur.
Guðrún segir að rómantískar og
hrynjandi greiðslur séu mjög vinsælar
nú sem samkvæmisgreiðslur, en þannig
greiddi Guðrún Þorbjörgu. Hún segir
að nú sé lögð áhersla á að hárið virki
náttúrulegt og heilbrigt og greiðslur
séu því ekki stífar. En á hvað leggur
Guðrún einkum áherslu?
„Fallegt, eðlileg permanent og falleg-
ar klippingar," segir Guðrún og útskýrir
að það sem hún á við með fallegu
permanenti sé að það fari eftir upprúll-
ununni hvernig til tekst með perman-
entið. Um klippingarnar segir hún að
mikið sé um að hárið sé haff slétt og
klippt í mjúkar línur, eða þá alveg stutt.
Á stofunni hjá Guðrúnu starfa þrír
meistarar og nemarnir eru þrír, þar af
eru tvær að ljúka námi á þessu ári og
ein er að byrja.