Vikan - 03.09.1998, Blaðsíða 46

Á LÆKNASTOFUNNI
KÍRSHIW \JALSSON Heimilislæknir svarar
spurningum lesenda
Spurningar má senda til
"Hverju svarar læknirinn?" Vikan, Seljavegi 2, 101
Reykjavík. Farið er með öll bréf sem trúnaðarmál. Vin-
samlegast látið nafn og heimilisfang fylgja með en bréf
eru birt undir dulnefnum.
Mánudagur
Sunna átti fyrsta tímann í morgun.
Hún missti ökuleyfið því hún
gleymdi að endurnýja. Hún fór hjá
sér við að útskýra að hana vantaði lækn-
isvottorð vegna þessa. Við Sunna þekkj-
umst orðið vel, enda hefur hún þurft á
ákveðnum stuðningi að halda í gegnum
tíðina. Hún sagði að maðurinn sinn væri
hundfúll út af þessu og hneykslaður. Við
ræddum það hvernig hún ætti að bregð-
ast við. Hún hefði alveg fullt leyfi eins og
aðrir til að gera mistök. Hvort hann
hefði aldrei gert mistök? Við vissum það
bæði að það hefði gerst. Hún gekk út
með vottorðið í höndunum og miklu
upplitsdjarfari en þegar hún kom.
Þriðjudagur
Bergur er kominn á áttræðisaldur.
Hann hefur alla tíð verið harð-
duglegur og atorkusamur. Hann
hefur í nokkur ár átt við slitgigt að stríða.
Verstur hefur hann verið í hnjánum. Það
er ýmislegt sem við læknar getum gert til
að létta fólki óþægindin. Algengast er að
nota gigtarlyf en þegar þau gagnast ekki
má oft ná tökum á ástandinu með því að
sprauta steralyfi í liðinn. Nýlega hefur þó
komið á markað lyf sem má líkja við
smurningu í liðamót og það virðist ekki
hafa sömu aukaverkanir og steralyfin.
Bergur kom til að fá síðustu sprautuna af
þessu lyfi í dag og þarf nú einungis gigt-
arlyfin eftir þörfum þegar hann er slæm-
ur. Algengt er að skipta þurfi um liði hjá
fólki sem er með slæma slitgigt. Það má
hins vegar oft gera ýmislegt áður en til
þess kemur.
Miðvikudagur
Dóra kom með þvagprufu með
sér í dag. Hún er rúmlega tvítug
og segir mér að hún sé alltaf að
fá þvagfærasýkingu. Við skoðuðum
þvagið hjá henni í dag, en fundum ekkert
óeðlilegt. Hún sagði reyndar aðspurð að
hún hefði verið orðin góð í morgun. Það
er dæmigert að þvagfærasýking gangi
yfir af sjálfu sér hjá konum, á einum til
tveimur sólarhringum. Margar konur
beita þeirri aðferð að drekka mjög mikið
til að komast yfir þvagfærasýkingu. Enn-
fremur gagnast mörgum trönuberjahylki
eða saft sem má fá í matvöru- og heilsu-
verslunum. í mörgum tilvikum er nóg að
taka lyf í 1-3 daga, þegar þeirra er þörf.
Ástæður þess að konur fá endurteknar
sýkingar eru margar t.a.m. kuldi, þröng
föt eða kynlíf. Það er sjálfsagt að konur
ræði þessi atriði við sína lækna til að læra
að bregðast við þeim.
Fimmtudagur
Stebbi kom á harðahlaupum inn á
stofuna til mín. Hann var búinn að
æða fram og til baka fyrir framan
stofuna mína, greinilega óþolinmóður.
Hann var fljótur að koma frá sér erind-
inu. „Bakið er handónýtt" sagði hann.
Búinn að vera í sumarfríi og verið
ómögulegur í bakinu. Stebbi hefur allt of
mikið að gera og þarf alltaf að taka að
sér alla þá aukavinnu sem hægt er. Við
ræðum um tengsl álags og bakverkja.
Hann er með stífa vöðva sem sést við
skoðun í baki en ekki afgerandi einkenni
um brjósklos. Hann er sjálfur sannfærður
um að hann sé með brjósklos og við
fáum því myndatöku fyrir hann. Eg ráð-
legg honum að fara í sund og heita pott-
inn og taka því nú rólega í nokkra daga.
Föstudagur
Alltaf nóg að gera á föstudögum,
fólk búið að bíða alla vikuna
eftir því að komast að. Gef
nokkra aukatíma um eftirmiðdaginn til
að reyna að taka á móti aðkallandi
vandamálum. Alveg er samt merkilegt
að þegar fólk hefur borið sig illa og við
höfum reynt að koma á móts við það
með því að gefa tíma, hvað það mætir
illa. Eg veit ekki af hverju. Fór yfir nokk-
ur rannsóknarsvör í síma með fólki.
Fékk svarið úr rannsókninni hans Stef-
áns síðan í gær og reyndist hann vera
með útbungandi brjósk í baki en ekki
brjósklos. Hvað það táknar nákvæmlega
er líkast til ekki vitað með vissu. En oft-
ast lagast einkenni eins og Stefán er með
af sjálfu sér á svona viku til 10 dögum.
Þorsteinn
Ráð frá lesanda
Kæri Þorsteinn
Mig langar til að koma með smá ráð til
þessarar sem var í 8. tbl. og spurði hvers
vegna hún gæti ekki hætt að borða. Hún
velti því fyrir sér hvort hún væri með átsýki.
Svona var ég í langan tíma og þá var mér
bent á að þetta væri vegna þess að það væri
ójafnvægi á blóðsykrinum og ég skildi fá
mér krómtötlur (Chromium picolinate) sem
fengjust í Heilsuhúsinu. Það gerði ég og tek
reglulega. Mér líður miklu betur og er laus
við þessa „átsýki“. Sérstaklega var það fyrir
blæðingar sem ég var stanslaust að borða
sætindi. Eg hef ekki fundið fyrir þessu lengi
nema ef ég gleymi að taka krómtöflurnar í
nokkra daga. Svo vona ég að þetta hjálpi
fleirum.
Takk fyrir.
Kveðja, Dana.
Netfang:
vikan@frodi.is
46