Vikan - 07.11.2000, Side 50

Texti: Þórunn S t e f á n s d ó 11 i r
Mynd: Hreinn Hreinsson
Það er mikið bakað á heimili Elínar Eyjólfsdóttur, sýslufull-
trúa í Garðabæ, fyrir jólin. Elín segist hafa ákaflega gaman
af því að reyna nýjar uppskriftir og fyrir jólin bakar hún ým-
iss konar smákökur, tertur og lagkökur. Ein terta er
ómissandi á matseðli jólanna, karamellutertan, sem hefur
verið uppáhaldsterta fjölskyldunnar í mörg ár.
Botnar:
5 eggjahvítur
2 dl sykur
2 dl púðursykur
2 bollar Rice Crispies
5 dl rjómi, þeytiur
Aðferð:
Þeytið eggjahvítur, sykur og
púðursykur vel saman og bland-
ið síðan Rice Crispies varlega út
í deigið með sleif. Setjið í tvö
hringlaga form, smurð og klædd
álpappír, og bakið við 150 gráða
hita í eina klukkustund.
Þeytið 5 dl af rjóma og setjið
á milli botnanna.
Karamellukrem:
2 dl rjómi
100 g púðursykur
2 msk. síróp
30 g smjörlíki
1 tsk. vanillusykur
Aðferð:
Setjiðrjómann, púðursykurinn
og sírópið saman i pott og sjóðið
við mjög vægan hita þartil bland-
an verður þykk. Bætið út í smjör-
líkinu og vanillusykrinum.
Kælið kremið, hellið yfir tert-
una og jafnið út með sleikju.
Gómsæt terta fyrir hátíðarnar
Þeir sem þekkja Maríu Sigurðardóttur frá Hvammstanga vita að hún getur töfrað fram veislu-
borð á svipstundu. Hún brást vel við þeirri bón Vikunnar að gefa lesendum uppskrift að góðri
veislutertu. María er menntaður matsveinn og vinnur í versluninni Nóatúni í Hafnarfirði.
„Ég hef alltaf haft gaman af því
að baka,“ segir María. „Ég bind
mig ekki alltaf við sömu uppskrift-
irnar fyrir jólin því ég vil prófa eitt-
hvað nýtt. Ballerínutertan er frek-
ar ný í uppskriftabókinni minni og
hún er bæði einföld og bragðgóð.
Fjölskylda mín er mjög hrifin af
henni."
Ballerína
150 g smjörlíki
250 gsykur
2 egg
270 g hveiti
2 tsk. iyftiduft
50 g súkkulaðispænir
3 dl mjólk
Smjörlíki og sykur hrært saman
þartil þaðverður léttog Ijóst. Eggj-
unum er hrært út í, einu í senn.
Þurrefnum og mjólk er bætt í að
síðustu. Bakið í u.þ.b. 24 sm
smelluformi (hátt form með laus-
um botni og smellu) við 180 gráða
hita I 40 til 50 mínútur. Einnig er
hægt að baka kökuna í tveimur
botnum og þá styttist bökunartím-
inn um helming.
Krem
75 g smjörlíki
50 g suðusúkkulaði
1/4 dl kaffi (uppáhellt)
2 tsk. vanillusykur
300 g flórsykur
Smjörlíkið og súkkulaðið er brætt
saman og hinu hráefninu síðan
bætt út ( og allt þeytt saman.
Ef kakan er bökuð í smelluformi
er hún skorin í sundur og krem
sett á milli og ofan á. Gott er að
bleyta botnana með sérríi áður en
kremið er sett á hana en það er ekki
nauðsynlegt því kakan er blaut og
mjúk.
Kakan er skreytt eftir smekk.